Oğuz Rayon Məhkəməsi Qərar — İş №3(054)-111/2023

Azərbaycan Respublikası adından QƏRAR Oğuz rayonu İş № 3(054)-111/2023 28.07.2023 OĞUZ RAYON MƏHKƏMƏSİ Oğuz Rayon Məhkəməsinin hakimi Zeynalova Səadət Nazim qızının sədrliyi, Rəsulov Aqil Zeynəddin oğlunun katibliyi ilə xx.xx.1968-ci il tarixdə Oğuz rayonu Bucaq kəndində anadan olmuş, həmin kənddə yaşayan, evli, fərdi identifikasiya nömrəsi xxxxxxx Şəxs haqqında Oğuz rayon Polis Şöbəsindən Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati xəta haqqında materiala Oğuz Rayon Məhkəməsinin inzibati binasında açıq məhkəmə iclasında baxaraq məhkəmə, müəyyənetdi: Şəxs xx.xx.2022-ci il tarixdə “KAMAZ 5511 YÜK” markalı ** BD *** dövlət qeydiyyat nişanlı avtomobillə yol hərəkəti qaydalarını pozduğuna görə Azərbaycan Respublikası İnzibati Xətalar Məcəlləsinin 339.1-1-ci maddəsi ilə inzibati məsuliyyətə cəlb edilərək 50 manat miqdarında inzibati cərimə edilməsinə baxmayaraq qeyd olunan qərarı qanunla müəyyən edilmiş əsaslar olmadan icra etmədiyi üçün Şəxs barəsində Oğuz rayon Polis Şöbəsi tərəfindən Azərbaycan Respublikası İnzibati Xətalar Məcəlləsinin 529.3-cü maddəsi ilə xx.xx.2023-cü il tarixli İXP ******* nömrəli inzibati xəta haqqında protokol tərtib edilib baxılması üçün aidiyyəti üzrə məhkəməyə göndərilmişdir. Protokolu tərtib edən orqan- Oğuz rayon Polis Şöbəsinə və barəsində inzibati xəta haqqında iş üzrə icraat aparılan şəxs Şəxs məhkəmə iclasının vaxtı və yeri barədə lazımi qaydada rəsmi məlumat verilməsinə baxmayaraq Şəxs və Oğuz rayon Polis Şöbəsinin nümayəndəsi məhkəmə iclasına gəlməmiş, bunun səbəbləri barədə məhkəməyə məlumat verməmişlər. Məhkəmə Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən işə onların iştirakı olmadan baxılmasını qərara almışdır. Oğuz rayon Polis Şöbəsinin DYP Bölməsinin əməkdaşı Samir Qasımov əvvəlki məhkəmə iclasında izahat verərək bildirmişdir ki, xx.xx.2023-cü il tarixdə törədilmiş inzibati xəta hadisəsi səlahiyyətli vəzifəli şəxs tərəfindən bilavasitə deyil, foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş və nəqliyyat vasitəsinin şəkli çəkilərək elektron qərar tərtib edilmişdir. Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə protokol tərtib edilib məhkəməyə göndərildikdən sonra həmin şəxsin müraciəti ilə əlaqədar araşdırma aparılmış və müəyyən edilmişdir ki, protokola əlavə edilmiş fotoşəkildəki avtomobil “KAMAZ 5511 YÜK” markalı deyil, “VAZ 2106” markalıdır. xx.xx.2022-ci il tarixli EQ 10264161 nömrəli protokolda da avtomobilin markası “VAZ 2106” qeyd edilməli idi. Barəsində inzibati xəta haqqında iş üzrə icraat aparılan şəxs Şəxs əvvəlki məhkəmə iclasında izahat verərək bildirmişdir ki, onun barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş protokola əlavə edilən sənədlərdə göstərilən avtomobil və onun üzərindəki ** BD *** dövlət qeydiyyat nişanı ona məxsus deyildir. O “KAMAZ 5511 YÜK” markalı ** BD *** dövlət qeydiyyat nişanlı avtomobili 2012-ci il tarixdə etibarnamə əsasında Mingəçevir şəhərində yaşayan Yaşar adlı şəxsə satmışdır. Hazırda onun həmin şəxslə əlaqəsi vardır və bu işlə bağlı o Yaşar adlı şəxslə telefon vasitəsilə əlaqə saxlamış, həmin şəxsin verdiyi məlumata görə “KAMAZ 5511 YÜK” markalı ** BD *** dövlət qeydiyyat nişanlı avtomobil beton zavodda istifadə edilərkən aşaraq yararsız hala düşmüş və buna görə də utilizasiya olunaraq nömrə ilə birlikdə aidiyyəti üzrə təhvil verilmişdir. Göründüyü kimi protokola əlavə edilmiş sənədlərdə qeyd edilən “KAMAZ 5511 YÜK” markalı avtomobil ona məxsus deyildir. Ümumiyyətlə isə həmin avtomobil istismardan 10 il qabaq çıxarılmışdır. Qeyd etdikləri nəzərə alınaraq araşdırma aparılması və iş üzrə qanuni qərar qəbul edilməsini xahiş edir. İş materiallarına əlavə edilmiş xx.xx.2022-ci il tarixli EQ 10264161 nömrəli inzibati tənbeh vermə haqqında elektron qərardan, elektron informasiya məlumat sistemi üzrə çıxarışdan və xx.xx.2023-cü il tarixli İXP ******* nömrəli inzibati xəta haqqında protokoldan görünür ki, Şəxs xx.xx.2022-ci il tarixdə Azərbaycan Respublikası İnzibati Xətalar Məcəlləsinin 339.1-1-ci maddəsi ilə inzibati məsuliyyətə cəlb edilərək 50 manat miqdarında inzibati cərimə edilmişdir. Şəxs həmin protokol əsasında tətbiq edilmiş 50 manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə dəbbə pulu hesablanmışdır. Şəxs inzibati cərimə növündə inzibati tənbeh tətbiq etmə barədə qərarı icra etmədiyinə görə barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilmişdir. Oğuz rayon Polis Şöbəsinin iş materiallarına əlavə edilmiş xx.xx.2023-cü il tarixli məktubundan müəyyən edilir ki, Şəxs barəsində tərtib edilmiş xx.xx.2022-ci il tarixli EQ 10264161 nömrəli protokolda qeyd edilən avtomobilin markası “VAZ 2106”-dır. Məhkəmə araşdırması ilə müəyyən edildi ki, Şəxs barəsində xx.xx.2022-ci il tarixdə tərtib edilmiş EQ 10264161 nömrəli inzibati tənbeh vermə haqqında elektron qərarla xx.xx.2022-ci il tarixdə “KAMAZ 5511 YÜK” markalı ** BD *** dövlət qeydiyyat nişanlı avtomobillə yol hərəkəti qaydalarını pozulduğuna görə Azərbaycan Respublikası İnzibati Xətalar Məcəlləsinin 339.1-1-ci maddəsi ilə inzibati məsuliyyətə cəlb edilərək 50 manat miqdarında inzibati cərimə edilmişdir. Şəxs həmin protokola etiraz edərək yanlış avtomobillə bağlı protokol tərtib edildiyini bildirmiş, Oğuz rayon Polis Şöbəsinin DYP Bölməsinin əməkdaşı da bunu məhkəmə iclasında verdiyi izahatı ilə təsdiq etmişdir. xx.xx.2022-ci il tarixli EQ 10264161 nömrəli inzibati tənbeh vermə haqqında elektron qərarda və ona əlavə edilmiş fotoşəkildə göstərilən avtomobilin markası KAMAZ 5511 YÜK” deyil, “VAZ 2106”-dır. Azərbaycan Respublikası İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 529.3-cü maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitələrini idarə etmək hüququnun altı aydan bir ilədək müddətə məhdudlaşdırılması nəzərdə tutulmuşdur. Qeyd olunan hüquq normalarının məzmunundan da göründüyü kimi, inzibati məsuliyyətə cəlb olunmuş şəxs qanunvericiliyin tələblərinə əsasən öz təqsirsizliyini sübut etməyə borclu deyildir. Şəxsin hər hansı inzibati xətanı törətdiyini sübut etmək vəzifəsi inzibati xəta haqqında protokolu tərtib etmiş şəxsin üzərinə düşür. Bundan başqa, inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Oğuz rayon Polis Şöbəsi tərəfindən isə xx.xx.2023-cü il tarixli İXP ******* nömrəli inzibati xəta haqqında protokolun qanuni və əsaslı olması ilə bağlı məhkəməyə hər hansı sübut təqdim edilməmiş, əksinə protokola əlavə edilmiş fotoşəkildəki avtomobillə protokol yazılmış avtomobilin eyni olmaması barədə məktub məhkəməyə təqdim edilmişdir. Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xətanı törətməsi məhkəmə iclasında tədqiq olunmuş sübutlarla da təsdiq olunmamışdır. Şərh olunan əsaslara görə məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs tərəfindən hazırki vəziyyətdə Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xəta hadisəsinin törədilməsi istisna edilir və onun əməlində həmin maddədə nəzərdə tutulan inzibati xəta tərkibinin əlamətləri yoxdur. Azərbaycan Respublikası İnzibati Xətalar Məcəlləsinin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulan hallardan hər hansı biri mövcud olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar çıxarır. Qeyd olunan əsaslara görə məhkəmə qərara gəlir ki, hazırki vəziyyətdə barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xəta tərkibinin əlamətləri olmadığından Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xəta haqqında iş üzrə icraata xitam verilməsi barədə qərar qəbul edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 105, 110- 115, 529-cu maddələrini rəhbər tutaraq məhkəmə, qəraraaldı: Şəxs barəsində Oğuz rayon Polis Şöbəsi tərəfindən Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş xx.xx.2023-cü il tarixli İXP ******* nömrəli inzibati xəta haqqında protokolla başlanılmış inzibati xəta haqqında iş üzrə icraata xitam verilsin. Qərardan surəti rəsmi qaydada verildiyi vaxtdan 10 (on) gün müddətində Şəki Apellyasiya Məhkəməsinə şikayət verilə bilər. Hakim : Səadət Zeynalova