Saatlı Rayon Məhkəməsi Qərar — İş №3(055)-284/2025

Azərbaycan Respublikası adından QƏRAR Saatlı rayonu İş № 3(055)-284/2025 24.04.2025 SAATLI RAYON MƏHKƏMƏSİ Hakim Abuşov İxtiyar Əliyar oğlunun sədrliyi, Məhkəmə iclasının katibi X2 iştirakı ilə, Şəxs barəsində Azərbaycan Respublikasının İnzibati Xətalar Məcəlləsinin 428.7.1-ci maddəsi ilə X4 İdarəsindən daxil olmuş inzibati xəta haqqında materiala baxaraq, məhkəmə M ü ə y y ə n e t d i: Məhkəməyə daxil olmuş inzibati xəta haqqında 17 mart 2025-ci il tarixli MN № ******* saylı protokolda və ona əlavə olunmuş sənədlərdə göstərilmişdir ki, Şəxs Saatlı şəhəri, H.Əliyev prospektində yerləşən «Hüseynoğlu» obyekti üzərində müvafiq icazə sənədi olmadan açıq məkanda qanunsuz reklam yerləşdirmişdir. Barəsində inzibati xəta haqqında iş üzrə icraat aparılan şəxs Şəxs məhkəməyə teleqram ünvanlayaraq xəstəliyi ilə bağlı məhkəmə iclasında iştirak edə bilməməsinin nəzərə alınmasını və işə onun iştirakı olmadan baxılmasını xahiş etmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə barəsində inzibati xəta haqqında iş üzrə icraat aparılan şəxs Şəxs iştirakı olmadan baxılmasını mümkün hesab edir. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, inzibati xəta haqqında protokolu tərtib etmiş X4 İdarəsinin nümayəndəsi məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, inzibati xəta haqqında protokolu tərtib etmiş X4 İdarəsinin nümayəndəsinin iştirakı olmadan baxılmasını mümkün hesab etmişdir İş materiallarında olan 17 fevral 2025-ci il tarixli, 24 fevral 2025-ci il tarixli və 17 mart 2025-ci il tarixli aktlardan və foto şəkildən görünür ki, Saatlı şəhəri H.Əliyev prospektində yerləşən «Hüseynoğlu» obyekti üzərində açıq məkanda reklam yerləşdirilmişdir. İş materiallarında olan 24 fevral 2025-ci il tarixli yazılı göstərişdən, 26 fevral 2025-ci il tarixli bildirişdən və onların qəbul edilməsi barədə poçt xəbərnamələrindən görünür ki, Saatlı şəhəri H.Əliyev prospektində yerləşən «Hüseynoğlu» obyekti üzərində açıq məkanda reklam yerləşdirməsi ilə bağlı X4 İdarəsi tərəfindən Şəxs xəbərdarlıq edilərək açıq məkanda reklam yerləşdirilməsi halının aradan qaldırılması tələb edilmişdir. İş materiallarında olan Azərbaycan Respublikasının İqtisadiyyat Nazirliyi yanında Dövlət Vergi Xidmətinin elektron sistemindən çıxarışdan görünür ki, Şəxs 5 saylı Ərazi Vergilər İdarəsində vergi ödəyicisi kimi (VÖEN: **********) qeydiyyatdadır. İş materiallarına əlavə edilmiş Saatlı şəhəri, H.Əliyev prospektində yerləşən «Hüseynoğlu» obyekti üzərində açıq məkanda reklam yerləşdirmək üçün Azərbaycan Respublikası Dövlət X3 Regional Reklam İdarəsi tərəfindən Şəxs verilmiş 23 aprel 2025-ci il tarixli açıq məkanda reklam yerləşdirməsinə dair icazələrdən və həmin tarixdə köçürülmüş rüsuma dair qəbzlərdən görünür ki, qeyd olunan icazələr və köçürülmüş rüsumlar 23 aprel 2025-ci il tarixinə aid sənədlərdir. Məhkəmə sübutlara obyektiv, qərəzsiz, hərtərəfli və tam qiymət verərək belə hesab edir ki, Şəxs Saatlı şəhəri, H.Əliyev prospektində yerləşən «Hüseynoğlu» obyekti üzərində açıq məkanda qanunsuz reklam yerləşdirməklə Azərbaycan Respublikasının İnzibati Xətalar Məcəlləsinin 428.7.1-ci maddəsində nəzərdə tutulmuş xətanı törətmişdir. Azərbaycan Respublikasının İnzibati Xətalar Məcəlləsinin 428.7.1-ci maddəsinə əsasən müvafiq icazə olmadan, həmçinin onun tələbləri pozulmaqla açıq məkanda reklam yerləşdirməsinə görə fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğində cərimə edilir. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanın törətməsində təqsiri tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hal yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına və inzibati xəta törətməkdə təqsirli bilinənin şəxsiyyətinə uyğun olmalıdır. Həmin Məcəllənin 17-ci maddəsinin qeydinə əsasən dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. İş materialları ilə müəyyən edilmişdir ki, Şəxs (VÖEN: **********) vergi ödəyicisi kimi qeydiyyatdadır və buna görə də onun barəsində təqsirli bilindiyi maddədə vəzifəli şəxslər üçün nəzərdə tutulmuş inzibati tənbeh tədbiri tətbiq edilməlidir. Məhkəmə həmçinin də, Saatlı şəhəri, H.Əliyev prospektində yerləşən «Hüseynoğlu» obyekti üzərində açıq məkanda reklam yerləşdirmək üçün Azərbaycan Respublikası Dövlət X3 Regional Reklam İdarəsi tərəfindən Şəxs verilmiş 23 aprel 2025-ci il tarixli açıq məkanda reklam yerləşdirilməsinə dair icazələr və həmin tarixdə köçürülmüş rüsuma dair qəbzlərlə bağlı qeyd edir ki, Şəxs ilə X4 İdarəsi arasında olan həmin sənədlər 23 aprel 2025-ci il tarixi əhatə etdiyindən, hazırki inzibati xəta haqqında protokol üzrə inzibati xətanın baş verdiyi 24 fevral 2025-ci il tarixlə heç bir bağlılığı yoxdur, yəni Şəxs inzibati xətanı törətdikdən sonra X4 İdarəsindən müvafiq icazə almışdır. Ona görə də, Şəxs məhkəməyə ünvanladığı qeyd olunan sənədlər məhkəmə tərəfindən inzibati xətanın olmamasına dair mötəbər sübut kimi qəbul edilmir. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq inzibati xətanın xarakterini, iş üzrə ağırlaşdıran halların olmamasını nəzərə alıb Şəxs barəsində inzibati tənbeh növündə cərimə cəzasının aşağı həddinin tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48, 114-115 və 128-130-cu maddələrini rəhbər tutaraq, məhkəmə Qəraraaldı: Şəxs (VÖEN: **********) Azərbaycan Respublikasının İnzibati Xətalar Məcəlləsinin 428.7.1-ci maddəsi ilə təqsirli bilinib 1500 (bir min beş yüz) manat məbləğində cərimə edilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti və ya protesti verilə bilər.