Saatlı Rayon Məhkəməsi Qərar — İş №3(055)-316/2025

Azərbaycan Respublikası adından QƏRAR Saatlı rayonu İş № 3(055)-316/2025 22.04.2025 SAATLI RAYON MƏHKƏMƏSİ Hakim Qasımov Vüqar İnqilab oğlunun sədrliyi, Məhkəmə iclasının katibi X4, İnzibati xəta haqqında protokol tərtib etmiş şəxs X2, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1994-cü il tarixdə Saatlı rayonunda anadan olmuş, Azərbaycan Respublikası vətəndaşı, işləməyən, evli, Saatlı rayonunun Qara Nuru kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş inzibati xəta törətməsi barədə Saatlı Rayon Polis Şöbəsindən daxil olmuş materiala, Saatlı Rayon Məhkəməsinin binasında açıq məhkəmə iclasında baxaraq, məhkəmə, M ü ə y y ə n e t d i: Məhkəməyə daxil olmuş inzibati xəta haqqında 20 aprel 2025-ci il tarixli İXP ******* nömrəli protokolda və ona əlavə olunmuş sənədlərdə göstərilmişdir ki, 20 fevral 2025-ci il tarixdə saat 00:20 radələrində Saatlı rayonu Qara Nuru kəndi ərazisindən keçən avtomobil yolunda sürücü Şəxs sürücülük huququ olmadan idarə etdiyi “QAZ-24” markalı dövlət qeydiyyat nişanı olmayan avtomobili öz hərəkət zolağında arxaya verərək əks istiqamətli hərəkət zolağına çıxmadan manevr etmə qaydalarını pozub avtomobilin arxa hissəsini öz hərəkət zolağı ilə hərəkətdə olan sürücü X1 idarə etdiyi “Toyota Prius” markalı ** UM *** dövlət nömrə nişanlı avtomobilin qabaq hissəsi ilə toqquşdurduqdan sonra hadisə yerindən yayınması nəticəsində “Toyota Prius” markalı avtomobilin sürücü X3 585 manat maddi ziyan vurmuşdur Məhkəmədə inzibati xəta haqqında protokolu tərtib etmiş X5 göstərdi ki, Saatlı rayonu YNH-nin baş inspektoru vəzifəsində işləyir. 20 fevral 2025-ci il tarixdə saat 00:20 radələrində Saatlı rayonu Qara Nuru kəndi ərazisindən keçən avtomobil yolunda sürücü Şəxs sürücülük huququ olmadan idarə etdiyi “QAZ-24” markalı dövlət qeydiyyat nişanı olmayan avtomobili öz hərəkət zolağında arxaya verərək əks istiqamətli hərəkət zolağına çıxmadan manevr etmə qaydalarını pozub avtomobilin arxa hssəsini öz hərəkət zolağı ilə hərəkətdə olan sürücü X1 idarə etdiyi “Toyota Prius” markalı ** UM *** dövlət nömrə nişanlı avtomobilin qabaq hissəsi ilə toqquşdurduqdan sonra hadisə yerindən yayınması nəticəsində “Toyota Prius” markalı avtomobilin sürücü X3 585 manat maddi ziyan vurmuşdur. Hadisə ilə bağlı araşdırma aparılmış və Şəxs əməlində cinayət tərkibi olmadığından xx.xx.2025-ci il tarixli qərarla cinayət işinin başlanması rədd edilmişdir. Qeyd edilən qərar əsasında tərəfindən Şəxs barəsində İXM-in 332.4-cü maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilərək izahatında göstərdi ki, 20 fevral 2025-ci il tarixdə saat 00:20 radələrində Saatlı rayonu Qara Nuru kəndi ərazisindən keçən avtomobil yolunda idarə etdiyi “QAZ-24” markalı dövlət qeydiyyat nişanı olmayan avtomobili öz hərəkət zolağında arxaya verərkən onun hərəkət zolağı ilə hərəkətdə olan sürücü X1 idarə etdiyi “Toyota Prius” markalı ** UM *** dövlət nömrə nişanlı avtomobilin qabaq hissəsi ilə toqquşmuşdur. Araşdırma nətinəsində “Toyota Prius” markalı avtomobilin sürücü X3 585 manat maddi ziyan vurulduğu müəyyən olunmuşdur. Bu səbəbdən də onun barəsində protokol tərtib olunmuşdur. Məhkəmədən ona köməklik olunmasını xahiş etdi. Məhkəmə inzibati xəta haqqında protokol tərtib etmiş şəxsi, barəsində inzibati xəta haqqında iş üzrə icraat aparılan şəxsi dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş xətanı törətmişdir. Azərbaycan Respublikasının İnzibati Xətalar Məcəlləsinin 332.4-cü maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsi nəticəsində zərərçəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanı törətməsində təqsiri inzibati xəta törətmiş şəxsin izahatı, tərtib edilmiş inzibati xəta haqqında protokol və işin digər materialları ilə tam sübuta yetirilmişdir. İnzibati xəta haqqında işin materiallarını tədqiq edərək hesab edirəm ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq İXM-in 332.4-cü maddəsi ilə tövsif olunmuşdur. İş üzrə Şəxs məsuliyyətini yüngülləşdirən və ağırlaşdıran hal yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq xətanın xarakterini, törədilmə şəraitini, inzibati xəta törədən şəxsin şəxsiyyətini, onun təqsirinin dərəcəsini nəzərə alıb barəsində inzibati cərimə tənbehinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 114, 128-130-cu maddələrini rəhbər tutaraq, məhkəmə Qəraraaldı: Şəxs Azərbaycan Respublikasının İnzibati Xətalar Məcəlləsinin 332.4-cü maddəsində nəzərdə tutulan inzibati xətanı törətməkdə təqsirli bilinib 500 (beş yüz) manat məbləğində cərimə edilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər.