Saatlı Rayon Məhkəməsi Qərar — İş №3(055)-36/2023

Azərbaycan Respublikası adından QƏRAR Saatlı rayonu İş № 3(055)-36/2023 27.01.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X1, barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1987-ci ildə Saatlı rayonunun 26-lar kəndində anadan olmuş, Azərbaycan Respublikası vətəndaşı, evli, orta təhsilli, Saatlı rayonunun Əbil kəndində qeydiyyatda olmaqla, həmin kənddə yaşayan Şəxs barəsində Azərbaycan Respublikasının İnzibati Xətalar Məcəlləsinin 590.2-ci maddəsi ilə Saatlı Rayon Polis Şöbəsindən daxil olmuş inzibati xəta haqqında iş üzrə materiala Saatlı Rayon Məhkəməsinin binasında açıq məhkəmə iclasında baxaraq, M ü ə y y ə n e t d i: Məhkəməyə daxil olmuş inzibati xəta haqqında 06 yanvar 2023-cü il tarixli MN ******* saylı protokolda və ona əlavə olunmuş sənədlərdə göstərilmişdir ki, Saatlı rayonunun Əbil kənd sakini Şəxs heç bir müvafiq sənədləri olmayan 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahı aşkar edilərək götürülmüşdür. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilərək izahatında göstərdi ki, Saatlı rayon Əbil kəndində yaşayır və babasından ona qalmış ov tüfəngini uzun müddətdir ki, yaşadığı evdə saxlayır. Saatlı Rayon Polis Şöbəsinin əməkdaşları onun yaşadığı evə gələrək, özlərini təqdim edərək evində saxladığı 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahının sənədlərinin olub-olmamasını soruşmuş, lakin silahın heç bir sənədi olmadığından polis əməkdaşları onu evində saxladığı ov silahı ilə birlikdə polis şöbəsinə gətirmişlər. Polis şöbəsində ona izah olunmuşdur ki, evində saxladığı sənədsiz ov silahına görə inzibati qaydada məsuliyyətə cəlb ediləcəkdir. Ona görə də göstərdiklərinin və babasından ona qalmış ov tüfənginin uzun illər onun ailəsinə məxsus olmasının nəzərə alınıb, ona köməklik edilməsini məhkəmədən xahiş etdi. Məhkəmə barəsində inzibati xəta haqqında iş üzrə icraat aparılan şəxsi dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətmişdir. İş materiallarına əlavə olunmuş 06 yanvar 2023-cü il tarixli ov silahının götürülməsi barədə protokoldan görünür ki, Saatlı rayonu Əbil kənd sakini Şəxs heç bir müvafiq sənədləri olmayan 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahı aşkar edilərək götürülmüşdür. Belə ki, məhkəmə araşdırması zamanı müəyyən edildi ki, Şəxs Saatlı rayonunun Əbil kəndində yaşadığı evdə 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahını xüsusi icazə almadan saxlamışdır. Azərbaycan Respublikasının İnzibati Xətalar Məcəlləsinin 590.2-ci maddəsinə əsasən mülki silahın istehsalının, gətirilməsinin, aparılmasının, idxalının, ixracının, kolleksiya edilməsinin, sərgisinin keçirilməsinin, göndərilməsinin, istifadə edilməsinin, götürülməsinin və ya məhv edilməsinin qaydalarının pozulmasına görə silah müsadirə edilməklə və ya edilməməklə səksən manatdan yüz manatadək məbləğdə cərimə edilir. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanın törətməsində təqsiri, onun özünün etirafı, tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Məhkəmə, barəsində inzibati xəta haqqında iş üzrə icraat aparılan şəxs Şəxs özünü təqsirli bilməsini məsuliyyətini yüngülləşdirən hallar kimi nəzərə alır. Barəsində inzibati xəta haqqında iş üzrə icraat aparılan şəxs Şəxs məsuliyyətini ağırlaşdıran hallar yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Məhkəmə, barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2ci maddəsinə müvafiq olaraq xətanın xarakterini, törədilmə şəraitini, inzibati xəta törədən şəxsin şəxsiyyətini, onun təqsirinin dərəcəsini nəzərə alaraq ona təqsirli bilindiyi maddənin sanksiyasında nəzərdə tutulan inzibati cərimənin aşağı həddinin tətbiq edilməsini, 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahının müsadirə edilərək Azərbaycan Respublikası Daxili İşlər Nazirliyinin Maddi Texniki Təminat Baş İdarəsinin silah-sursat anbarına təhvil verilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48, 114-115 və 128-130-cu maddələrini rəhbər tutaraq, məhkəmə Qəraraaldı: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə təqsirli bilinərək 80 (səksən) manat məbləğində cərimə edilsin. İş üzrə maddi sübut olan və Saatlı Rayon Polis Şöbəsində saxlanılan 1938-ci il buraxılışlı, tək lüləli, «TOZ-18» markalı, 16 çaplı, H-92395 nömrəli ov silahı müsadirə edilərək Azərbaycan Respublikası Daxili İşlər Nazirliyinin Maddi Texniki Təminat Baş İdarəsinin silahsursat anbarına təhvil verilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. Hakim: Mirlətif Sadıqov