Saatlı Rayon Məhkəməsi Qərar — İş №3(055)-594/2025

Azərbaycan Respublikası adından QƏRAR Saatlı rayonu İş № 3(055)-594/2025 04.07.2025 SAATLI RAYON MƏHKƏMƏSİ Hakim Qasımov Vüqar İnqilab oğlunun sədrliyi, Məhkəmə iclasının katibi X3, İnzibati xəta haqqında protokol tərtib etmiş şəxs X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1984-cü ildə Saatlı rayonunda anadan olmuş, Azərbaycan Respublikası vətəndaşı, evli, orta təhsilli, işləməyən, Saatlı rayonunun Çolpı kəndində qeydiyyatda olmaqla yaşayan Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə inzibati xəta törətməsinə dair Saatlı Rayon Polis Şöbəsindən daxil olmuş inzibati xəta haqqında materiala Saatlı Rayon Məhkəməsinin binasında açıq məhkəmə iclasında baxaraq MÜƏYYƏN ETDİM: Şəxs 04 iyul 2025-ci il tarixdə təxminən saat 12:00 radələrində Saatlı şəhəri H.Əliyev prospektində yerləşən Saatlı Rayon İcra Hakimiyyəti binasının qarşısında X4 ünvanına nalayiq söyüşlər söymüşdür. Buna görə də Şəxs barəsində İXM-in 510-cu maddəsi ilə inzibati xəta haqqında 04 iyul 2025-ci il tarixli MN ******* saylı protokol tərtib olunmuşdur. Məhkəmədə inzibati xəta haqqında protokolu tərtib etmiş X2 göstərdi ki, polis sahə rəisi vəzifəsində işləyir. Şəxs 04 iyul 2025-ci il tarixdə saat təxminən 12:00 radələrində Saatlı şəhəri H.Əliyev prospektində yerləşən Saatlı Rayon İcra Hakimiyyəti binasının qarşısında uca səslə X4 ünvanına ucadan nalayiq söyüşlər söymüşdür. Bununla əlaqədar Saatlı Rayon İcra Hakimiyyəti binasının mühafizə polisi Özal Rzayev raportla Saatlı Rayon Polis Şöbəsinə müraciət etmişdir. Bundan sonra onun tərəfindən Şəxs barəsində İXM-in 510-cu maddəsi ilə inzibati xəta haqqında protokol tərtib olunmuşdur. Məhkəmə iclasında Şəxs izahatında göstərdi ki, 04 iyul 2025-ci il tarixdə Saatlı şəhəri H.Əliyev prospektində yerləşən Saatlı Rayon İcra Hakimiyyəti başçısının qəbuluna gəlmişdir. İcra Hakimiyyəti binasının giriş qapısında polis əməkdaşı ona bildirmişlər ki, başçı ilə görüş başa çatıb. O da bildirib ki, yaşadığı ünvanda su gəlmədiyi üçün başçı ilə görüşmək istəyir. Sonra İcra Hakimiyyətindən bir nəfər işçi onu yanına çağıraraq bildirmişdir ki, su gəlmirsə bununla bağlı kənd icra nümayəndəliyinə müraciət etsin. O da, bildirmişdir ki, kənd icra nümayəndəsi Azad müəllimə müraciət etmiş, lakin Azad müəllim su işinə baxmadığını bildirmişdir. Bu zaman Azad müəllim gələrək ona nalayiq söyüş söymüşdür. O, Azad müəllimə belə ifadələrə ehtiyyac olmadığını bildirmişdir. Lakin tutduğu əməldən peşmandır. Göstərilənlərə əsasən icraata xitam verilməsini xahiş etdi. Məhkəmə iclasında şahid qismində dindirilmiş X8 izahatında bildirdi ki, xx.xx.2025ci il tarixdə təxminən sat 12:00 radələrində Saatlı Rayon İcra Hakimiyyəti başçısının qəbul saatı yekunlaşan zaman Saatlı rayon Çolpı kənd sakini Şəxs əsəbi halda içəri daxil olaraq suyu gəlmədiyi üçün icra başçısının qəbuluna girmək istədiyini bildirmişdir. Həmin vaxt orada xidmət aparan polis əməkdaşı Özal Rzayev və rayon İcra Hakimiyyətinin baş mütəxəssisi işləyən Nurlan Pənahov onu sakitləşdirməyə çalışmışlar, lakin Xalid onlara məhəl qoymayaraq uca səslə onu nalayiq söyüşlərlə söyü təhqir etmişdir. Məhkəmə iclasında X5 və X6 digər şahid X4 izahatına uyğun izahat verdilər. İnzibati xəta haqqında işin materiallarını tədqiq edərək, proses iştirakçılarını dinləyərək və iş materiallarını tədqiq edərək hesab edirəm ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməllər düzgün olaraq İXM-in 510-cu maddəsi ilə tövsif olunmuşdur. Barəsində inzibati xəta haqqında iş üzrə icraat aparılan şəxs Şəxs məsuliyyətini ağırlaşdıran və yüngülləşdirən hallar yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini nəzərə alıb ona cərimə cəzasının tətbiqini kifayət saymayaraq barəsində müəyyən müddətə təqsirli bilindiyi maddənin sanksiyasında nəzərdə tutulan inzibati həbs tətbiq edilməsini məqsədəmüvafiq hesab edir. Azərbaycan Respublikasının İnzibati Xətalar Məcəlləsinin 510-cu maddəsinin sanksiyasında əlli manatdan yüz manatadək məbləğdə cərimə, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs nəzərdə tutulmuşdur. Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Belə olan halda məhkəmə hesab edir ki, inzibati xəta haqqında iş üzrə icraat aparılan şəxs Şəxs təyin ediləcək inzibati həbs Azərbaycan Respublikasının İnzibati Xətalar Məcəlləsinin 510-cu maddəsinin sanksiyasında nəzərdə tutulan, yəni on beş günədək müddətə inzibati həbsin dörddə birindən az olmamalıdır. Yuxarıda göstərilənlərə əsasən və İXM-in 3, 9, 30, 31, 40, 43, 48-51, 76, 84, 114- 117, 128-130-cu maddələrini rəhbər tutaraq, QƏRARA ALDİM: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə 04 (dörd) gün müddətinə inzibati həbs növündə inzibati tənbeh tətbiq edilsin. Həbs etmənin əvvəli 04 iyul 2025-ci il tarixdən saat 18:15 dəqiqədən hesablansın. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər.