Saatlı Rayon Məhkəməsi Qərar — İş №3(055)-623/2023

Azərbaycan Respublikası adından QƏRAR Saatlı rayonu İş № 3(055)-623/2023 14.06.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X6, Protokol tərtib etmiş Azərbaycan Respublikası İnsan Hüquqları üzrə Müvəkkilinin(Ombudsman) aparatının nümayəndəsi X1, Barəsində inzibati xəta haqqında iş üzrə icraat aparılan şəxs X2 iştirakları ilə, X5 barəsində Azərbaycan Respublikası İnzibati Xətalar Məcəlləsinin 374.1-ci maddəsi ilə Azərbaycan Respublikası İnsan Hüquqları üzrə Müvəkkilinin (Ombudsman) aparatından daxil olmuş inzibati xəta haqqında materiala Saatlı Rayon Məhkəməsinin binasında açıq məhkəmə iclasında baxaraq, məhkəmə M ü ə y y ə n e t d i: Məhkəməyə daxil olmuş 25 may 2023-cü il tarixli MN ******* nömrəli inzibati xəta haqqında protokolda və ona əlavə olunmuş sənədlərdə göstərilmişdir ki, Şəxs sədri X5 tərəfindən informasiya sorğusu üzrə sorğuçunun hüquqları və “İnformasiya əldə etmək haqqında” Azərbaycan Respublikası Qanununun 10.4.1, 10.4.4,10.4.5 və 24.1-ci maddələrinin tələbləri pozularaq İXM-nin 374.1-ci maddəsinə nəzərdə tutulmuş inzibati xəta törədilmişdir. Məhkəmə iclasında protokol tərtib etmiş Azərbaycan Respublikası İnsan Hüquqları üzrə Müvəkkilinin (Ombudsman) aparatının mümayəndəsi X4 izahatında göstərdi ki, vətəndaş X9 Azərbaycan Respublikası İnsan Hüquqları üzrə Müvəkkilinə (Ombudsman) müraciət edərək Şəxsnə ünvanladığı 09 mart 2023-cü il tarixli informasiya sorğusuna cavab verilmədiyindən və bunun nəticəsində hüquqlarının pozulduğundan şikayət etmişdir. Şikayət tərəflərindən araşdırılmış və Şəxs sədri X5 tərəfindən informasiya sorğusu üzrə sorğuçunun hüquqlarının və “İnformasiya əldə etmək haqqında” Azərbaycan Respublikası Qanununun 10.4.1, 10.4.4,10.4.5 və 24.1-ci maddələrinin tələblərinin pozulması aşkar edilmişdir. Bununla bağlı inzibati xəta haqqında protokol tərtib olunmuşdur. Odur ki, X2 inzibati məsuliyyətə cəlb edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs X5 izahat verərək göstərdi ki, tərtib olunmuş inzibati xəta haqqında protokolla razı deyil. X10 tərəfindən Şəxsnə 09 mart 2023-cü il tarixli informasiya sorğusu poçt, telefaks, yaxud da elektron poçtla daxil olmamışdır. Əgər belə bir informasiya sorğusu rəsmi qaydada daxil olsaydı qanunamüvafiq qaydada cavab verilərdi. Odur ki, inzibati xəta haqqında iş üzrə icraata xitam verilməsini xahiş etdi. Məhkəmə tərəfləri dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, X5 Azərbaycan Respublikasının İnzibati Xətalar Məcəlləsinin 374.1-ci maddəsində nəzərdə tutulmuş xətanı törətmişdir. Belə ki, “İnformasiya əldə etmək haqqında” Qanunun 10.4.4-10.4.5-ci maddələrinə görə informasiya sahibi açıqlamalı olduğu ictimai informasiyanı bu Qanunla müəyyənləşdirilmiş qaydada və müddətdə açıqlamalıdır. İnformasiya sahibi sorğuçuya kömək göstərməlidir. Həmin Qanunun 24.1-ci maddəsinə görə informasiya sorğusu ən qısa müddətdə, lakin 7 iş günündən gec olmayaraq icra edilir. Azərbaycan Respublikasının İnzibati Xətalar Məcəlləsinin 374.1-ci maddəsinin dispozisiyasına görə informasiya sahibi tərəfindən açıq informasiyanı əldə etmək hüququnun məhdudlaşdırılması və ya sorğuçuya bilərəkdən yanlış informasiya verilməsinə görə fiziki şəxslər yüz manatdan yüz əlli manatadək məbləğdə, vəzifəli şəxslər beş yüz manatdan yeddi yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir. Məhkəmə araşdırması zamanı müəyyən edildi ki, sorğuçu X9 tərəfindən Şəxs sədri X3 ünvanlanmış 09 mart 2023-cü il tarixli informasiya sorğusuna infromasiya sahibi tərəfindən “İnformasiya əldə etmək haqqında” Azərbaycan Respublikası Qanununun “İnformasiya əldə etmək haqqında” Azərbaycan Respublikası Qanununun 10.4.1, 10.4.4,10.4.5 və 24.1-ci maddələrinin tələbləri pozularaq cavab verilməmiş, nəticədə İXM-nin 374.1-ci maddəsində nəzərdə tutulmuş inzibati xəta törədilmişdir. Barəsində inzibati xəta haqqında iş üzrə icraat aparılan X5 tərəfindən qeyd olunan inzibati xətanın törədilməsi tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxs məhkəmə iclasında vermiş olduğu izahatında “İnformasiya əldə etmək haqqında” Azərbaycan Respublikası Qanununun tələblərini pozmadığını, Asim Əliyevin Şəxsnə ümumiyyətlə informasiya sorğusu göndərmədiyini göstərsə də, bu hal iş materialları ilə təkzib olunur. Belə ki, iş materiallarında Asim Əliyevin 09 mart 2023-cü il tarixli informasiya sorğusunun birbaşa informasiya sahibinə çatmasını təsdiq edən sənədlər olmasa da, həmin sorğu 11 aprel 2023-cü il tarixli, 2-5/2- 8097/2023 saylı məktubla Ombudsman aparatı tərəfindən X3 göndərilmiş və sonuncu da məhkəmə iclasında verdiyi izahatında Ombudsman aparatı tərəfindən göndərilmiş məktuba qoşma olaraq əlavə edilmiş informasiya sorğusu ilə tanış olduğunu, lakin həmin sorğu birbaşa olaraq Asim Əliyev tərəfindən ona ünvanlanmadığından cavab vermədiyini göstərmişdir. Odur ki, məhkəmə qeyd olunanları özünü müdafiə halı kimi qiymətləndirir. Azərbaycan Respublikası İXM-nin 17-ci maddəsinə görə vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin “Qeyd” hissəsinə əsasən dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Odur ki,X5 İXM-nin 17-ci maddəsinin tələbləri baxımından vəzifəli şəxs hesab olunur. Barəsində inzibati xəta haqqında iş üzrə icraat aparılan X2 məsuliyyətini yüngülləşdirən və ağırlaşdıran hallar yoxdur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-115 və 128-130-cu maddələrini rəhbər tutaraq, məhkəmə Qəraraaldı: Şəxs sədri X5 Azərbaycan Respublikasının İnzibati Xətalar Məcəlləsinin 374.1-ci maddəsi ilə təqsirli bilinib 500 (beş yüz) manat məbləğində cərimə edilsin. Qərardan onun rəsmi qaydada verildiyi vaxtdan 10 (on) gün müddətində Saatlı rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.