Saatlı Rayon Məhkəməsi Qərar — İş №3(055)-670/2023

Azərbaycan Respublikası adından QƏRAR Saatlı rayonu İş № 3(055)-670/2023 24.06.2023 SAATLI RAYON MƏHKƏMƏSİ Hakim Abuşov İxtiyar Əliyar oğlunun sədrliyi, Məhkəmə iclasının katibi X1, Barəsində inzibati xəta haqqında iş üzrə icraat aparılan Şəxs iştirakı ilə, Şəxs barəsində Azərbaycan Respublikasının İnzibati Xətalar Məcəlləsinin 428.7.1-ci maddəsi ilə X3 İdarəsindən daxil olmuş inzibati xəta haqqında materiala baxaraq, məhkəmə M ü ə y y ə n e t d i: Məhkəməyə daxil olmuş inzibati xəta haqqında 08 iyun 2023-cü il tarixli MN № ******* saylı protokolda və ona əlavə olunmuş sənədlərdə göstərilmişdir ki, Şəxs Saatlı şəhəri H.Əliyev prospektində yerləşən «Aysən şadlıq sarayı» obyekti üzərində müvafiq icazə sənədi olmadan açıq məkanda qanunsuz reklam yerləşdirmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərdi ki, Saatlı şəhəri H.B.Zərdabi küçəsi, ev 117-də yaşayır. Üzərində “Aysən şadlıq sarayı” yazılmış obyekti sahibkar olaraq hazırda o işlədir. Obyektin üzərində olan “Aysən şadlıq sarayı” yazılmış hərflər 2000-ci ildən istifadə edilir. Lakin, son iki ildir ki, reklam idarəsinin işçiləri ona həmin reklamla bağlı pul ödəməsi etdikdən sonra müvafiq icazə ilə açıq məkanda reklam yerləşdirə biləcəyi barədə məlumat vermiş, o isə imkanı olmadığı üçün pulu ödəmədiyindən və “Aysən şadlıq sarayı” yazılmış hərfləri açıq məkanda yayımladığından X3 İdarəsinin səlahiyyətli işçiləri onun barəsində İnzibati Xətalar Məcəlləsinin 428.7.1-ci maddəsi ilə inzibati xəta haqında protokol tərtib etmişlər. Ona görə də, göstərdiklərinin nəzərə alınıb köməklik edilməsini məhkəmədən xahiş etdi. İş materiallarında olan 08 iyun 2023-cü il tarixli aktlardan və foto şəkildən görünür ki, Saatlı şəhəri H.Əliyev prospektində yerləşən «Aysən şadlıq sarayı» obyekti üzərində açıq məkanda reklam yerləşdirilmişdir. Məhkəmə sübutlara obyektiv, qərəzsiz, hərtərəfli və tam qiymət verərək belə hesab edir ki, Şəxs Saatlı şəhəri H.Əliyev prospektində yerləşən «Aysən şadlıq sarayı» obyekti üzərində açıq məkanda qanunsuz reklam yerləşdirməklə Azərbaycan Respublikasının İnzibati Xətalar Məcəlləsinin 428.7.1-ci maddəsində nəzərdə tutulmuş xətanı törətmişdir. Azərbaycan Respublikasının İnzibati Xətalar Məcəlləsinin 428.7.1-ci maddəsinə əsasən müvafiq icazə olmadan, həmçinin onun tələbləri pozulmaqla açıq məkanda reklam yerləşdirməsinə görə fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğində cərimə edilir. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanın törətməsində təqsiri tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hal yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq inzibati xətanın xarakterini, iş üzrə ağırlaşdıran halların olmamasını nəzərə alıb Şəxs barəsində inzibati tənbeh növündə cərimə cəzasının aşağı həddinin tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48, 114-115 və 128-130-cu maddələrini rəhbər tutaraq, məhkəmə Qəraraaldı: Şəxs Azərbaycan Respublikasının İnzibati Xətalar Məcəlləsinin 428.7.1-ci maddəsi ilə təqsirli bilinib 300 (üç yüz) manat məbləğində cərimə edilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.