Saatlı Rayon Məhkəməsi Qərar — İş №3(055)-866/2025

Azərbaycan Respublikası adından QƏRAR Saatlı rayonu İş № 3(055)-866/2025 04.11.2025 SAATLI RAYON MƏHKƏMƏSİ Hakim Qasımov Vüqar İnqilab oğlunun sədrliyi, Məhkəmə iclasının katibi X3, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1978-ci il tarixdə Saatlı rayonunda anadan olmuş, Azərbaycan Respublikası vətəndaşı, orta təhsilli, işləməyən, Saatlı rayonunun Məzrəli kəndində qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 272.3 və 590.1-ci maddələri ilə inzibati xəta törətməsinə dair Saatlı Rayon Polis Şöbəsindən daxil olmuş inzibati xəta haqqında materiala Saatlı Rayon Məhkəməsinin binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Məhkəməyə daxil olmuş inzibati xəta haqqında 21 oktyabr 2024-cü il tarixli MN ******* nömrəli protokolda və ona əlavə olunmuş sənədlərdə göstərilmişdir ki, Şəxs 09 oktyabr 2025-ci il tarixdə müvafiq icra hakimiyyəti orqanından xüsusi icazə almaqla, özünə məxsus “Ata arms” markalı, 78-H23YT-001335 nömrəli, 12 çaplı, tək lülə ov tüfənginin saxlanılması və daşınması qaydalarının pozaraq, lazimi icazə almadan dörd ədəd qaşqaldaq çöl quşunu qanunsuz ovlamışdır. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, o, 09 oktyabr 2025-ci il tarixdə əmisi olu İkramla Saatlı rayonunun Məzrəli kəndinin yaxınlığında olan Sarı su gölünə ova getmişlər. Həmin vaxt o, özünə məxsus ov tüfəngi ilə, əmisi oğlu da özünə məxsus öv tüfəngi ilə ov etmişlər. O, tüfən ilə 4 ədəd qaşqaldaq vurmuşdur. Hazırda etdiyi əməldən peşmandır və ona köməklik olunmasını xahiş etdi. Məhkəmə iclasının vaxtı və yeri barədə səlahiyyətli orqana lazımi qaydada məlumat verilsə də, məhkəmədə nümayəndəsinin iştirakını təmin etməmiş və bunun səbəbi barədə məhkəməyə hər hansı bir məlumat daxil olmamışdır. Məhkəmə işə səlahiyyətli orqanın nümayəndəsinin iştirakı olmadan baxılmasını mümkün hesab etmişdir. İş materiallarına əlavə olunmuş 19 oktyabr 2025-ci il tarixli cinayət işinin başlanmasının rədd edilməsi haqqında qərarın surətindən görünür ki, Şəxs barəsində Azərbaycan Respublikasının İnzibati Xətalar Məcəlləsinin 272.3 və 590.1-ci maddələri ilə inzibati qaydada tədbir görülməsi üçün qərarın surətinin Saatlı Rayon Polis X1 Bölməsinə verilməsi qərara alınmışdır. İş materiallarına əlavə olunmuşşəhadətnamənin surətindən görünür ki, “Ata arms” markalı, 78-H23YT-001335 nömrəli, 12 çaplı, tək lülə ov tüfəngi Şəxs məxsusdur və həmin silahın saxlanılması və təyinatı üzrə istifadə edilməsi üçün Azərbaycan Respublikası Daxili İşlər Nazirliyi Baş İctimai Təhlükəsizlik İdarəsi tərəfindən icazə verilmişdir. Məhkəmə iş materiallarını araşdıraraq belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 272.3 və 590.1-ci maddələrində nəzərdə tutulmuş inzibati xətaları törətmişdir. Belə ki, məhkəmə araşdırması zamanı müəyyən edildi ki, Şəxs 09 oktyabr 2025-ci il tarixdə müvafiq icra hakimiyyəti orqanından xüsusi icazə almaqla, özünə məxsus “Ata arms” markalı, 78-H23YT-001335 nömrəli, 12 çaplı, tək lülə ov tüfənginin saxlanılması və daşınması qaydalarının pozaraq, lazimi icazə almadan dörd ədəd qaşqaldaq çöl quşunu qanunsuz ovlamışdır. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətaları törətməsində təqsiri tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar yoxdur. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İnzibati Xətalar Məcəlləsinin 272.3-cü maddəsinin sanksiyasına görə inzibati xətanın törədilməsində alət və ya inzibati xətanın bilavasitə obyekti olmuş predmetlər müsadirə edilməklə və ya müsadirə edilməməklə, min manatdan iki min manatadək məbləğdə cərimə edilir, yaxud altı aydan iki ilədək müddətə ov hüququ məhdudlaşdırılır. Həmin Məcəllənin 590.1-ci maddəsinin sanksiyasında silah və döyüş sursatı müsadirə edilməklə və ya edilməməklə əlli manatdan yetmiş manatadək məbləğdə cərimə edilməsi nəzərdə tutulmuşdur. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Şərh olunan maddələrin tələblərinə uyğun olaraq məhkəmə hesab edir ki, Azərbaycan Respublikası İnzibati Xətalar Məcəlləsinin 272.3-cü maddəsinin sanksiyasında olan cərimə cəzası Azərbaycan Respublikası İnzibati Xətalar Məcəlləsinin 590.1-ci maddəsinin sanksiyasında olan cərimə cəzasından ciddi olduğuna, həmçinin də İnzibati Xətalar Məcəlləsinin 272.3-cü maddəsinin sanksiyasında daha ciddi cəza olan ov hüququnun məhdudlaşdırılması nəzərdə tutulduğuna görə Şəxs Azərbaycan Respublikası İnzibati Xətalar Məcəlləsinin 272.3-cü maddəsinin sanksiyası həddində cəzalandırılmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında Azərbaycan Respublikasının İnzibati Xətalar Məcəlləsinin 272.3-cü maddəsi ilə inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq xətanın xarakterini, törədilmə şəraitini, inzibati xəta törədən şəxsin şəxsiyyətini, onun təqsirinin dərəcəsini nəzərə alaraq ona təqsirli bilindiyi maddənin sanksiyası həddində cərimə cəzasının tətbiq edilməsini məqsədə müvafiq hesab edir. İş materiallarından göründüyü kimi, Şəxs tərəfindən törədilmiş inzibati xətanın predmeti olan “Ata arms” markalı, 78-H23YT-001335 nömrəli, 12 çaplı, tək lülə ov tüfəngi Şəxs məxsusdur. Ona görə də məhkəmə hesab edir ki, qeyd edilən ov tüfəngi müsadirə edilmədən, qanuni sahibi olan Şəxs təhvil verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 114, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 272.3 və 590.1-ci maddələri ilə nəzərdə tutulmuş inzibati xətaların törədilməsində təqsirli bilinsin. Azərbaycan Respublikası İnzibati Xətalar Məcəlləsinin 34.3-cü maddəsi tətbiq olunmaqla, X2 Azərbaycan Respublikası İnzibati Xətalar Məcəlləsinin 272.3-cü maddəsi ilə 1000 (bir min) manat məbləğində cərimə edilsin. İş üzrə maddi sübut olan və Saatlı rayon Polis Şöbəsində saxlanılan “Ata arms” markalı, 78-H23YT-001335 nömrəli, 12 çaplı, tək lülə ov tüfəngi qanuni sahibi Şəxs təhvil verilsin. Şəxs inzibati cəriməni ödəniş kartı və digər ödəmə alətləri vasitəsilə ödəyə biləcəyi, həmçinin də, inzibati cərimə olunması barədə qərarı qanuni qüvvəyə mindiyi gündən 10 gün müddətində icra etdiyi halda, tətbiq olunan cərimənin 10 faizi məbləğində ödənişdən azad olunacağı izah edilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər.