Saatlı Rayon Məhkəməsi Qərar — İş №3(055)-949/2023

Azərbaycan Respublikası adından QƏRAR Saatlı rayonu İş № 3(055)-949/2023 31.08.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X1, Saatlı rayon İcra və Probasiya şöbəsinin icra məmuru X2, Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs oğlunun iştirakı ilə, xx.xx.1986-cı ildə Saatlı rayonunda doğulmuş, Azərbaycan Respublikası vətəndaşı, evli, orta təhsilli, işləməyən, Saatlı şəhəri, ünvan 1 ünvanda yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Saatlı rayon İcra və Probasiya şöbəsindən daxil olmuş inzibati xəta haqqında materiala Saatlı Rayon Məhkəməsinin binasında açıq məhkəmə iclasında baxaraq, M ü ə y y ə n e t d i: Məhkəməyə daxil olmuş inzibati xəta haqqında 31 avqust 2023-cü il tarixli, MN ******* saylı protokolda və ona əlavə edilmiş sənədlərdə göstərilmişdir ki, Şəxs Saatlı Rayon Məhkəməsinin 13 mart 2023-cü il tarixli, 2(055)-76/2023 saylı icra sənədinin icrası ilə bağlı icra məmurunun qanuni tələblərinə əməl etməmiş və üzərində 1010 manat borcu vardır. Məhkəmə iclasında Saatlı rayon İcra və Probasiya şöbəsinin icra məmuru X3 göstərdi ki, Saatlı Rayon Məhkəməsinin 13 mart 2023-cü il tarixli, 2(055)-76/2023 saylı icra sənədinə əsasən borclu Şəxs 250 manat dəyərində-1 ədəd tək qaşlı qızıl nişan üzüyü, 650 manat dəyərində-1 dəst qızıl komplek (üzük, sırğa və zəncir ilə birlikdə), 110 manat dəyərində-1 ədəd qızıl nişan üzüyü, 1700 manat dəyərində-yataq mebel dəsti, 560 manat dəyərində-yorğan, yastıq, qılaf mələfə dəsti, 90 manat dəyərində-2 ədəd qalın odeyal, 50 manat dəyərində-1 ədəd taxt üstü, 90 manat dəyərində-1 ədəd taxt döşəyi, 100 manat dəyərində-4 ədəd yastıq, 280 manat dəyərində-8 ədəd qılaf mələfə dəsti, 40 manat dəyərində-8 ədəd əl-üz dəsmalı, 20 manat dəyərində-2 ədəd hamam dəsmalı, 30 manat dəyərində-1 ədəd dolça (6 ədəd fincanı ilə birlikdə), 10 manat dəyərində-1 ədəd soğan çəkən maşın, 70 manat dəyərində-1 ədəd DVD, 40 manat dəyərində-1 ədəd ev vintilyatorun, 32 manat dəyərində-1 ədəd güldan (7 gülü ilə birlikdə), 220 manat dəyərində-1 ədəd 3x4 m xalça, 15 manat dəyərində-1 ədəd lampa, 50 manat dəyərində-5 ədəd suvenir ayı, 25 manat dəyərində-1 ədəd tefal qazan və ya sözügüdən əşyalar olmadıqda onların dəyəri alınıb iddiaçı Zərərçəkmiş şəxs verilməli, eyni zamanda da, iddia qaldırılarkən ödənilmiş 50 manat dövlət rüsumu borclu Şəxs alınaraq iddiaçı Zərərçəkmiş şəxs xeyrinə ödənilməlidir. Həmin icra sənədi üzrə Şəxs 1010 manat borcu qalmışdır. O, dəfələrlə həmin icra sənədini icrasını Şəxs tələb etsə də, borclu icra sənədini tam icra etməmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs məhkəməyə ərizə təqdim edərək izahatında göstərdi ki, Saatlı Rayon Məhkəməsinin 13 mart 2023cü il tarixli, 2(055)-76/2023 saylı icra sənədinin icrasını uzun müddət xəstə olduğundan icra edə bilməmişdir. Lakin, hazırda tələbkarla razılığa gələrək hər ay 100 manat ödəniş etməklə tələbkara olan borcunu tam ödəyib qurtaracaqdır. Ona görə də, iş üzrə icraata xitam verilməsini məhkəmədən xahiş etdi. Məhkəmə iclasında Zərərçəkmiş şəxs məhkəməyə ərizə təqdim edərək izahatında göstərdi ki, Saatlı Rayon Məhkəməsinin 13 mart 2023-cü il tarixli, 2(055)-76/2023 saylı icra sənədinə əsasən olan 1010 manat pulu borclu Şəxs hər ay 100 manat olmaqla ona ödəyəcəyinə söz verdiyi üçün Şəxs şikayətçi deyildir. Ona görə də, bu halın nəzərə alınmasını və iş üzrə icraata xitam verilməsini məhkəmədən xahiş etdi. Məhkəmə barəsində inzibati xəta haqqında iş üzrə icraat aparılan şəxsi, zərərçəkmiş şəxsi dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək hesab edir ki, Şəxs barəsində olan Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta haqqında işə xitam verilməlidir. Belə ki, Azərbaycan Respublikasının İnzibati Xətalar Məcəlləsinin 528.1-ci maddəsinin dispozisiyasına görə icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görəgörə həmin maddədə nəzərdə tutulan inzibati xətanın tərkibini yaradır. İş materiallarından görünür ki, Şəxs Saatlı Rayon Məhkəməsinin 13 mart 2023-cü il tarixli, 2(055)-76/2023 saylı icra sənədi üzrə borclu olduğu pulu hər ay 100 manat ödəməsinə dair zərərçəkmiş Zərərçəkmiş şəxs ilə razılığa gəldiyindən zərərçəkmiş şəxs barəsində inzibati xəta haqqında iş üzrə icraat aparılan şəxs Şəxs şikayətçi deyildir, həmçinin də Şəxs bundan sonra da qalan borcunu ödəyəcəyinə, icra məmurunun qanuni tələblərini yerinə yetirəcəyinə söz vermişdir. Belə olan halda həmin icra sənədinin icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə icra sənədinin üzrsüz səbəbdən icra edilməməsi halları aradan qalxmışdır. Azərbaycan Respublikasının İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü (inzibati məsuliyyətin əsasları) maddəsində göstərilir ki, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 5-ci maddəsində isə təsbit edilmişdir ki, insan və vətəndaş hüquqları və azadlıqları ali dəyərə malikdir. Bu hüquqların və azadlıqların pozulmasına yol verən bütün dövlət orqanları, qurumları və vəzifəli şəxslər məsuliyyət daşıyırlar. Bu Məcəllə insan və vətəndaş hüquqlarının və azadlıqlarının dövlət orqanları, qurumları və vəzifəli şəxslər tərəfindən pozulmasının qarşısının alınmasını və onlara hörmət olunmasını təmin edir. Göründüyü kimi, insan və vətəndaş hüquq və azadlıqlarını ali dəyər kimi qiymətləndirib insan və vətəndaş hüquqlarını və azadlıqlarını, şəxslərin iqtisadi maraqlarını, idarəçilik qaydalarını qorumağı, qanunçuluğu möhkəmləndirməyi və inzibati xətaların qarşısını almağı vəzifə kimi müəyyən edən İXM-yə görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb oluna bilər. İXM-nin 8-ci maddəsində isə göstərilir ki, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İnzibati Xətalar Məcəlləsinin 53.0.1 və 53.0.2-ci maddələrinə əsasən, inzibati xəta hadisəsi olmadıqda və ya inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə bu nəticəyə gəlir ki, barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48, 53 və 128-130-cu maddələrini rəhbər tutaraq, məhkəmə Qəraraaldı: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.