Saatlı Rayon Məhkəməsi Qərar — İş №3(055)-991/2023

Azərbaycan Respublikası adından QƏRAR Saatlı rayonu İş № 3(055)-991/2023 07.09.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X7, Protokol tərtib etmiş şəxs X6, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs X1 iştirakı ilə, 21 iyun1996-cı ildə Saatlı rayonunda anadan olmuş, Azərbaycan Respublikası vətəndaşı, orta təhsilli, işləməyən, Saatlı rayonunun Dəllər kəndində qeydiyyatda olmaqla həmin kənddə yaşayan Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə Saatlı Rayon Polis Şöbəsindən daxil olmuş inzibati xəta haqqında materiala Saatlı Rayon Məhkəməsinin binasında açıq məhkəmə iclasında baxaraq, məhkəmə M ü ə y y ə n e t d i: Məhkəməyə daxil olmuş inzibati xəta haqqında 07 sentyabr 2023-cü il tarixli MN ******* nömrəli protokolda və ona əlavə olunmuş sənədlərdə göstərilmişdir ki, Şəxs 2023-cü ilin iyul ayının ortalarında Saatlı rayonu Dəllər kəndindəki fərdi yaşayış evində faktiki nikahda olduğu X3 döymüşdür. Məhkəmədə inzibati xəta haqqında protokolu tərtib etmiş X9 göstərdi ki, polis sahə rəisi vəzifəsində işləyir. Şəxs 2023-cü ilin iyul ayının ortalarında Saatlı rayonu Dəllər kəndindəki fərdi yaşayış evində faktiki nikahda olduğu X3 döymüşdür. Bu səbəbdən də tərəfindən Şəxs barəsində İXM-in 157-ci maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərdi ki, X5 ilə qeyri-rəsmi nikahdadır və bir qız övladları vardır. Arvadı Gülüzarla ailə-məişət zəminində tez-tez mübahisələri olsa da, 2023-cü ilin iyul ayının ortalarında arvadı Gülüzarı döyməmiş, xəsarət yetirməmişdir. Gülüzarın dedikləri yalandır. Göstərdiklərinin nəzərə alınaraq məhkəmədən ona köməklik edilməsini xahiş etdi. Məhkəmə iclasında zərərçəkmiş şəxs X5 izahatında göstərdi ki, Şəxs ilə qeyri-rəsmi nikahdadır və bir qız övladları vardır. Əri Səbuhi ilə əvvəllər də ailə-məişət zəminində tez-tez mübahisələri olmuşdur. Dəqiq günü xatırlamır, təxminən 2023-cü ilin iyul ayının ortalarında Saatlı rayonu, Dəllər kəndində yaşadıqları fərdi yaşayış evində məişət zəminində baş vermiş mübahisə zamanı əri Səbuhiyə tərbiyəsiz dediyinə görə sonuncu əvvəlcə onun boğazından tutub boğmağa çalışmış, daha sonra təpiklə vuraraq xəsarət yetirmişdir. O da bir yerdə yaşamğın mümkünsüzlüyünü anlayıb 01 avqust 2023-cü il tarixdə ər evindən qaçıb ata evinə getmiş, 04 avqust 2023-cü il tarixdə isə əri Səbhi barəsində şikayət etmişdir. Hazırda Şəxs ilə barışmamış və ondan şikayətçidir. İş materiallarına əlavə olunmuş 15 avqust 2023-cü il tarixli cinayət işinin başlanmasının rədd edilməsi haqqında qərardan görünür ki, Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə inzibati qaydada tədbir görülməsi üçün qərarın surətinin Saatlı Rayon Polis Şöbəsinin İTB-yə verilməsi qərara alınmışdır. Azərbaycan Respublikası Səhiyyə Nazirliyi MTE və PA Birliyinin 04 avqust 2023-cü il tarixli 257 saylı rəyindən görünür ki, müayinə zamanı X2 aşkar edilmiş xəsarətlər sol gözün tış hissəsində çapıq-sağalmış səthi yaranın izi, sağ bazunun orta 1/3-də bayır səthdə, sol baldırın orta 1/3-də bayır səthdə qançırlar küt əşyanın/əşyaların təsirindən əmələ gəlmişdir. Əmələ gəlmə müddəti müayinədən 15-16 gün əvvələ uyğun gəlir, sağlamlığa zərər vurmayan xəsarət olduğu üçün dərəcəsi təyin edilmir. Xəsarətlər ilk məlumatda göstərilən şəraitdə əmələ gələ bilərdi. İş materiallarına əlavə olunmuş 07 sentyabr 2023-cü il tarixli arayışdan görünür ki, Şəxs son bir il ərzində inzibati məsuliyyətə cəlb olunmamışdır. Məhkəmə işdə iştirak edən şəxsləri dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş xətanı törətmişdir. Azərbaycan Respublikasının İnzibati Xətalar Məcəlləsinin 157-ci maddəsinin dispozisiyasına görə döymə və sair zorakı hərəkətlərlə qəsdən fiziki ağrı yetirmə həmin maddədə nəzərdə tutulan inzibati xətanın tərkibini yaradır. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanı törətməsi proses iştirakçılarının izahatı və işin digər materialları ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxs Şəxs X3 döyüb xəsarət yetirmədiyini göstərsə də, bu hal zərərçəkmiş şəxsin izahatı, məhkəmə-tibbi ekspertizasının rəyi və digər iş materialları ilə təkzib olunur. Odur ki, məhkəmə Şəxs göstərdiyi xüsusatları özünümüdafiə kimi qiymətləndirir. Barəsində inzibati xəta haqqında iş üzrə icraat aparılan şəxs Şəxs ağırlaşdıran hallar yoxdur. Barəsində inzibati xəta haqqında iş üzrə icraat aparılan şəxs Şəxs xəstəlikdən əziyyət çəkməsini(yüngül dərəcəli əqli gerilik, davranış pozuntuları) onun məsuliyyətini yüngülləşdirən haldır. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2ci maddəsinə müvafiq olaraq xətanın xarakterini, törədilmə şəraitini, inzibati xəta törədən şəxsin şəxsiyyətini, xəstəlikdən əziyyət çəkməsini və təqsirinin dərəcəsini nəzərə alıb barəsində inzibati cərimə tənbehinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 114, 128-130-cu maddələrini rəhbər tutaraq, məhkəmə Qəraraaldı: Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməkdə təqsirli bilinib 300 (üç yüz) manat məbləğində cərimə edilsin. Qərardan onun rəsmi qaydada verildiyi vaxtdan 10 (on) gün müddətində Saatlı Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.