Sabirabad Rayon Məhkəməsi Qərar — İş №3(056)-1101/2024

Azərbaycan Respublikası adından QƏRAR Sabirabad rayon İş № 3(056)-1101/2024 15.07.2024 SABİRABAD RAYON MƏHKƏMƏSİ Mən, hakim Nurəddin Abuzər oğlu Bağırov, Anar Neymət oğlu Qafarovun katibliyi, inzibati xəta haqqında protokolu tərtib etmiş şəxs - Sabirabad rayon İcra və Probasiya Şöbəsinin icra məmuru X1, icra sənədi üzrə tələbkar Zərərçəkmiş şəxs MMC-nin nümayəndəsi X3 və barəsində iş üzrə inzibati icraat başlanmış şəxs Şəxs iştirakları ilə, xx.xx.1983-cü il tarixdə Sabirabad rayonu Sarxanbəyli kəndində anadan olmuş, Azərbaycan Respublikasının vətəndaşı, evli, Sabirabad rayonu Sarxanbəyli kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta törətməsinə dair Sabirabad rayon İcra və Probasiya Şöbəsindən daxil olmuş xx.xx.2024-cü il tarixli MN 2086907№-li inzibati xəta haqqında Protokola açıq məhkəmə iclasında baxaraq MÜƏYYƏN ETDİM: Şəxs İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta törətməsinə dair Sabirabad rayon İcra və Probasiya Şöbəsindən daxil olmuş xx.xx.2024-cü il tarixli MN 2086907№-li inzibati xəta haqqında Protokola və əlavə olunmuş sənədlərə görə Şəxs ondan tələbkar Zərərçəkmiş şəxs MMC-nin xeyrinə 14492,18 AZN pulun tələb olunmasını nəzərdə tutan Sabirabad rayon Məhkəməsinin xx.xx.2019-cu il tarixli 2(056)- 1163/2019 saylı icra vərəqəsinin icrası ilə əlaqədar (hər hansı ödəniş etməyərək) icra məmurunun qanuni tələblərini yerinə yetirməyərək icra sənədini üzürsüz səbəbdən icra etməmişdir. Sabirabad rayon İcra və Probasiya Şöbəsinin icra məmuru X2 protokolun məzmununa uyğun izahat verərək bildirmişdir ki, Sabirabad rayon Məhkəməsinin xx.xx.2019-cu il tarixli 2(056)-1163/2019 saylı icra vərəqəsinə əsasən 14492,18 AZN pulun vəsaitinin və ödənilmiş dövlət rüsumunun əvəzi 22.10 AZN vəsaitin borclu Şəxs tutulub tələbkar Zərərçəkmiş şəxs MMC-nin xeyrinə ödənilməsi tələb olunur. Hər hansı ödəniş olmadığı üçün borclu Şəxs barəsində İXM-nın 528.1-ci maddəsi ilə nəzərdə tutulmuş inzibati xəta haqqında protokol tərtib edilərək məhkəməyə göndərilsə də, lakin sonradan borclu üzərində olan borcundan 1000 manat ödəniş etmiş, qalan borcunu da, hissə-hissə ödəyəcəyinə dair icra sənədi üzrə tələbkar Zərərçəkmiş şəxs MMC ilə razılaşmışdır. Tələbkar ərizə ilə müraciət edərək Şəxs heç bir şikayətinin olmadığını bildirmişdir Barəsində inzibati xəta haqqında iş üzrə icraat aparılan şəxs Şəxs məhkəməyə vermiş olduğu izahatında bildirmişdir ki, ondan Sabirabad rayon Məhkəməsinin xx.xx.2019-cu il tarixli, 2(056)-1163/2019 saylı icra vərəqəsinə əsasən 14492,18 manat pul məbləği tutularaq Zərərçəkmiş şəxs MMC-yə ödənilməsi tələb olunur. Barəsində inzibati xəta haqqında protokol tərtib edildikdən sonra borcundan 1000 manat ödəmiş, qalan borcunu isə hissə-hissə ödəyəcəyinə dair icra sənədi üzrə tələbkarla razılaşmışdır. Zərərçəkmiş şəxs MMC-də, ona qarşı heç bir şikayət və tələbi yoxdur. Tələbkar bu barədə ərizə ilə müraciət edərək ona qarşı heç bir şikayət və tələbinin olmamasını bildirmişdir. Odur ki, göstərilənləri nəzərə alaraq məhkəmədən barəsində olan inzibati işin icraatına xitam verilməsini xahiş etdi. Sabirabad rayon Məhkəməsinin xx.xx.2019-cu il tarixli 2(056)-1163/2019 saylı icra vərəqəsinə əsasən 14492,18 manat pul məbləği tutularaq Zərərçəkmiş şəxs MMC-yə ödənilməsi tələb olunur. Tələbin könüllü icrası barədə icra məmuru tərəfindən xx.xx.2024-cü il tarixli qərarla icraata başlanılmış və borcluya könüllü icra üçün 10 günlük müddət verilmişdir. Azərbaycan Respublikasının İnzibati Xətalar Məcəlləsinin 528.1-ci maddəsinin dispozisiyasına görə «Məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsi» bu maddədə nəzərdə tutulmuş inzibati xətanın tərkibini yaradır. Göründüyü kimi İnzibati Xətalar Məcəlləsinin 528.1-ci maddəsinin tərkibinin yaranması ücün onun dispozitiv əlamətlərindən biri icra məmurunun qanuni tələblərinin yerinə yetirilməməsi, digəri isə icra sənədinin məhz üzürsüz səbəbdən icra edilməməsi həmin maddədə nəzərdə tutulmuş inzibati xətanın tərkibini yaradır. İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 8.1, 8.2 və 8.3-cü maddələrinə görə barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin normaların tələbləri baxımından məhkəmə hesab edir ki, hazırkı inzibati xəta haqqında protokolda göstərilən hal üzrə inzibati xəta hadisəsi mövcud deyildir. İnzibati Xətalar Məcəlləsinin 53.1.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanılmış icraata isə xitam verilir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan səlahiyyətli vəzifəli şəxs inzibati xəta haqqında işin icraatına xitam verilməsi haqqında qərar qəbul edir. Qeyd olunanları nəzərə alaraq və qanunvericiliyin göstərilən müddəalarını rəhbər tutaraq məhkəmə belə nəticəyə gəlir ki, hazırkı inzibati xəta haqqında protokolun tərtib edildiyi hal üzrə inzibati xəta hadisəsi mövcud olmadığından, yəni icra sənədi üzrə borclu Şəxs tələbkar təşkilata borcundan qismən ödəniş edərək, borcun digər hissəsinin isə müvafiq dövrdə hissə-hissə ödəyəcəyi barədə razılaşma əldə etdiyi halda, onun hərəkətlərində İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın əlamətləri istisna olunduğundan, barəsində başlanmış inzibati xəta haqqında iş üzrə icraata xitam verilməlidir. Göstərilənlərə əsasən və İnzibati Xətalar Məcəlləsinin 31, 40,43, 48-51, 53, 114, 128- 130-cu maddələrini rəhbər tutaraq QƏRARA ALDİ: xx.xx.2024-cü il tarixli MN 2086907№-li inzibati xəta haqqında Protokol əsasında Şəxs əməlində İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta tərkibi olmadığı üçün onun barəsində başlamış inzibati xəta haqqında iş üzrə icraata xitam verilsin. Qərarın surəti, təqdim edildiyi və ya alındığı gündən on gün müddətində Sabirabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayət və ya protest verilə bilər.