Sabirabad Rayon Məhkəməsi Qərar — İş №3(056)-1144/2023

Azərbaycan Respublikası adından QƏRAR Sabirabad rayon İş № 3(056)-1144/2023 28.08.2023 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi Məsləhətçi (məhkəmə iclasının katibi) Quliyev Mətin Azər oğlunun katibliyi, İnzibati protokol tərtib etmiş şəxs Sabirabad RPŞ-nin X1 polis sahə inspektoru, polis leytenantı X2, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1972-ci il tarixdə Sabirabad rayonu, Məmişlər kəndində anadan olmuş, Azərbaycan Respublikasının vətəndaşı, orta təhsilli, evli, işləməyən, Sabirabad rayonu, Məmişlər kəndində qeydiyyatda olmaqla orada yaşayan Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə inzibati xəta törətməsinə dair Sabirabad Rayon Polis Şöbəsindən daxil olmuş inzibati xəta haqqında materiala Sabirabad Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏNETDİ: Sabirabad Rayon Polis Şöbəsindən daxil olmuş inzibati xəta haqqında materiala Şəxs xx.xx.2023-cü il tarixdə Sabirabad rayonu, Məmişlər kəndində səs-küy salaraq nalayiq söyüşlər söymüş, onu nizam-intizama dəvət edən polis əməkdaşlarının qanuni tələblərinə qəsdən tabe olmamışdır. Bununla da o, Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətmişdir. Barəsində inzibati xəta haqqında iş üzrə icraat aparılan şəxs Şəxs özünün təqsirli bilərək məhkəməyə vermiş olduğu izahatında göstərdi ki, xx.xx.2023-cü il tarixdə evdə olan zaman Bələdiyyə işçisi Niyaməddin adlı şəxs, Natiq və Lütfiyar adlı şəxslər Su arxını təmizlənməsi məqsədi ilə qazıb onun çəpərinin arxasına tökmüşlər. O, bunun qarşısını almaq məqsədi ilə onlarla mübahisə etmişdir. Mübahisə zamanı nalayiq söyüşlər söymüş və bələdiyyə işçiləri oradan uzaqlaşmışlar. Daha sonra polis əməkdaşları hadisə yerinə gəlmişlər və onu nizamintizama dəvət etmişlər. Əsəbi olduğu üçün onların qanuni tələblərinə riayət etməmişdir. Daha sonra onu polis şöbəsinə gətirib barəsində inzibati xəta haqqında protokol tərtib etmişlər. Hazırda o, əməlindən peşmandır və polis əməkdaşlarından hərəkətlərinə görə üzr istəyir. İlk dəfədir ki, inzibati xəta törədir. Ona görə də o, məhkəmədən barəsində yüngül tənbeh tədbiri tətbiq edilməsini məhkəmədən xahiş edir. Məhkəmə iclasında şahid qismində dindirilmiş Zərərçəkmiş şəxs2 izahatında göstərdi ki, o, Sabirabad RPŞ-nin PPXB-nin sürücü polis nəfəri polis baş serjantı vəzifəsində işləyir. xx.xx.2023-cü il tarixdə Sabirabad RPŞ-də keçirilin səhər təlimatında Sabirabad RPŞ-nin PPXB-nin komandiri polis mayoru X4 rayonu Məmişlər kəndində su kanallarının qazılmasını və bu səbəbdəndə kənd sakiləri ilə bələdiyyə arasında narazlıq olmasını bildirmiş və qeyd edilən prosesdə ictimai aşayişin təmin edilməsi məqsədilə onu və Sabirabad RPŞ-nin PPXB-nin polis nəfəri polis serjantı Fəxrəddin Salmanovu qeyd edilən ünvana göndərmişdir. Onlar birlikdə həmin yerə yaxınlaşan zaman sonradan adı onlara məlum olan Sabirabad rayonu Məmişlər kənd sakini X3 uca səslə qışqıraraq, ünvanlı və ünvansız nalayiq ifadələr işlədir su kanalının texnika tərəfindən qazılmasına mane olurdu. Onlar həmin şəxsə yaxınlaşaraq onu nizam intizama dəvət edərək sakit olmasını bildirmişlər Həmin şəxs polisin qanuni tələblərinə qəsdən tabe olmayaraq uca səslə söyüşlər söyməyə və onlara əl-qol atmağa davam edərək hərəkətlərinə davam etmişdir. Onların Şəxs dəfələrlə nizam imtizama dəvət etməyimizə baxmayaraq sakitləşmədiyi üçün onu Sabirabad RPŞ-yə gətirərək. NH-nə təhvil vermişlər. Odur ki, həmin şəxsin barəsində inzibati qaydada tədbir görülməsi üçün aidiyyəti üzrə göstəriş verilməsi üçün raportla rəhbərliyə müraciət etmişdir. Məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək belə nəticəyə gəlir ki, Şəxs Azərbaycan Respublikasının İXM-nin 510 və 535.1-ci maddələrində nəzərdə tutulmuş inzibati xətanı törətmişdir. Azərbaycan Respublikasının İXM-in 510-cu maddəsi ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə, İXM-in 535.1-ci maddəsi isə polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsulliyyət nəzərdə tutur. Azərbaycan Respublikasının İXM-nin 535.1-ci maddəsinə görə polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının İXM-nin 510-cu maddəsinə görə xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənın əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 34.3-cü maddəsinə görə şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Ona görə də məhkəmə hesab edir ki, Azərbaycan Respublikasının İXM-nin 510 və 535.1-ci maddələrində nəzərdə tutulmuş inzibati xəta törətmiş Şəxs daha ciddi xətaya görə İXM-nin 535.1-ci maddəsinin sanksiyası çərçivəsində tənbeh edilməlidir. İnzibati tənbehin məqsədlərindən bəhs edən Azərbaycan Respublikasının İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində iş üzrə icraat aparılan şəxs Şəxs əməlində ilk dəfə inzibati xəta törətməsini, polis əməkdaşlarından üzrxahlıq etməsini və əməlindən peşman olmasını Azərbaycan Respublikasının İXM-nin 32-ci maddəsinə əsasən inzibati xətaya görə məsuliyyəti yüngülləşdirən hallar kimi nəzərə alır. Barəsində iş üzrə icraat aparılan şəxs Şəxs əməlində həmin Məcəllənin 33-cü maddəsində göstərilən inzibati xətaya görə məsuliyyəti ağırlaşdıran hallar müəyyən edilmədi. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Məhkəmə Azərbaycan Respublikasının İXM-nin 31.2-ci maddəsinin tələbini (Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır) nəzər alaraq, barəsində inzibati xəta haqqında iş üzrə icraat aparılan şəxs Şəxs qanunlara əməl edilməsi ruhunda tərbiyələndirmək, habelə onun tərəfindən yeni inzibati xəta törədilməsinin qarşısını almaq məqsədi ilə maddənin sanksiyasında nəzərdə tutulmuş alternativ tənbeh (cərimə) tətbiq etməyi yetərli sayır. Belə ki, işin hallarından da görünən odur ki, barəsində inzibati xəta haqqında iş üzrə icraat aparılan şəxs hərəkətlərini əsəbi vəziyyətdə olduğundan davam etdirmiş, daha sonra hərəkətlərini dayandırmışdır. Hazırda o, əməlinə görə peşman olmaqla yanaşı, polis əməkdaşlarından da üzr istəmişdir. Göstərilənlərə əsasən və Azərbaycan Respublikasının İnzibati Xətalar Məcəlləsinin 40,43, 48-51, 114, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirli bilinsin və həmin Məcəllənin 535.1-ci maddəsinə əsasən 200 manat məbləğində cərimə edilsin. Qərarın surəti, təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə şikayət və ya protest verilə bilər.