Sabirabad Rayon Məhkəməsi Qərar — İş №3(056)-1169/2023

Azərbaycan Respublikası adından QƏRAR Sabirabad rayon İş № 3(056)-1169/2023 04.09.2023 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Məhkəmə iclasının katibi Quliyev Mətin Azər oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1975-ci ildə tarixdə Sabirabad rayonu, Aleksandorvka (indiki Şəhriyar) kəndində anadan olmuş, Azərbaycan Respublikası vətəndaşı, orta təhsilli, işləməyən, evli, Sabirabad rayonunun Şəhriyar kəndində qeydiyyatda olmaqla orada yaşayan Şəxs barəsində Azərbaycan Respublikası İnzibati Xətalar Məcəlləsinin 332.4-cü maddəsi ilə Sabirabad Rayon Polis şöbəsindən daxil olmuş inzibati xəta haqqında protokola və protokol əsasında toplanmış materiala Sabirabad Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: Sabirabad Rayon Polis şöbəsindən daxil olmuş inzibati xəta haqqında protokola və protokol əsasında toplanmış materiala görə, Şəxs xx.xx.2023-cü ildə saat 02:30 radələrində Sabirabad rayonunun Şəhriyar kəndində «QAZ-24» minik markalı **-DM-*** dövlət nömrə nişanlı avtomobili sürücülük hüququ olmadan idarə edərkən Zərərçəkmiş şəxs vururaq ona dərəcəsi müəyyən edilməyən xəsarət yetirmişdir. Bununla da o, Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş inzibati xətanı törətmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, o, Zərərçəkmiş şəxs ilə əvvəllər tanışlığı olmamışdır. Qaz 24 markalı ** DM *** dövlət nömrə nişanlı avtomaşın Bakı şəhər Yasamal rayon sakini mərhum X1 adına olmuşdur. Ayyar vəfat etdiyi üçün avtomaşını adına rəsmiləşdirə bilməmişdir. Mal-qara bazarı yaşadıqları Şəhriyar kəndində yerləşdiyi üçün bazara qoşqu ilə heyvan aparmaqla ailəsinin tələbatını qarşılayır. xx.xx.2023-cü il tarixdə saat 21 radələrində həmin avtomaşına qoşqunu qoşub bazara satmaq üçün iri buynuzlu heyvan aparmış, saat 23 radələrində bazardan çıxıb evə gələrkən avtomaşını sıxlıq olduğundan asta-asta idarə etmişdir. Bazarın sonuncu çıxışına təxminən 40 metr qalmış arxadan kiminsə gəlməyini görüb avtomaşını saxlayıb aşağı düşmüş, sonradan adını tanıdığı Emin ona avtomaşının arxasında olan qoşqunun sağ arxa təkəri onun sol ayağının üstündən keçib ayağı xəsarət almışdır. Əvvəl onun yeriməsindən elə düşünmüşdür ki, onunla zarafatlaşır. Ona işlə məşğul olmasını deyib maşına əyləşib oradan uzaqlaşmışdır. Həqiqətən də Emin norma, addımlamışdır. Sonradan ona bəlli olmuşdur ki, Emin RMX-na müraciət etmişdir. O, Eminə qəsdən xəsarət yetirməmişdir. Bazar sıxlıq və qaranlıq olduğundan onu görməmişdir. Hazırda əməlindən peşmandır. İlk dəfədir ki, inzibati xəta törədir. Himayəsində iki uşağı vardır. 1 uşağı rəhmətə getmişdir. Özü də İ Qarabağ müharibə veteranıdır. Ailəsinə yeganə qazanc gətirən şəxs odur. Söz verir ki, bundan sonra sürücülük hüququ əldə edənədək avtomobil idarə etməyəcəkdir. Ona görə də barəsində həbslə bağlı olmayan tənbeh tədbiri tətbiq edilməsini məhkəmədən xahiş edir. İnzibati materiala cinayət işinin başlanmasının rədd edilməsi barədə qərar əlavə edilmiş, məhkəmə qeyd edilən sübutu tədqiq etmişdir. Azərbaycan Respublikasının İXM-nin 332.4-cü maddəsinə əsasən, bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə-beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. İnzibati tənbehin məqsədlərindən bəhs edən İXM-nin 22-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikasının İXM-nin 32-ci maddəsinə əsasən barəsində inzibati xəta haqqında iş üzrə icraat aparılan Şəxs etirafedici izahatını, əməlindən peşman olmasını, ilk dəfə inzibati xəta törətməsini, İ Qarabağ müharibəsi veteranı olmasını, himayəsində iki azyaşlı uşağının olmasını və ailəsinə yeganə qazanc gətirən şəxs olmasını inzibati xətaya görə məsuliyyəti yüngülləşdirən hal hesab edir. Şəxs əməlində İXM-nin 33-cü maddəsində göstərilən inzibati xətaya görə məsuliyyəti ağırlaşdıran hallar müəyyən edilmədi. Məhkəmə barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən xətanın xarakterini, təqsirinin dərəcəsini, şəxsiyyətini, həmçinin onun izahatının məzmununu və yuxarıda sadalanmış məsuliyyəti yüngülləşdirən halları nəzərə alaraq barəsində inzibati qaydada həbs tənbeh tədbiri tətbiq edilməsini məqsədəmüvafiq hesab etmir. Göstərilənlərə əsasən və Azərbaycan Respublikası İnzibati Xətalar Məcəlləsinin 31, 40,43, 48- 51, 114, 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İnzibati Xətalar Məcəlləsinin 332.4-cü maddəsi ilə təqsirli bilinərək barəsində 500 (beş yüz) manat miqdarında cərimə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər.