Sabirabad Rayon Məhkəməsi Qərardad — İş №3(056)-1357/2025

Azərbaycan Respublikası adından QƏRARDAD Sabirabad rayon İş № 3(056)-1357/2025 22.08.2025 SABİRABAD RAYON MƏHKƏMƏSİ Mən Sabirabad Rayon Məhkəməsinin hakimi Allahverdiyev Səlim Məhərrəm oğlu, Sabirabad Rayon Polis Şöbəsindən daxil olmuş Şəxs İdarəsinin barəsində Аzərbaycan Respublikasının İnzibati Xətalar Məcəlləsinin 347-ci mаddəsi ilə tərtib olunmuş inzibati xəta haqqında protokol üzrə işin baxılmağa hazırlanması zamanı mаteriаlı аrаşdırıb, M ü ə y y ə n e t d i m: Sabirabad Rayon Polis Şöbəsindən daxil olmuş Şəxs İdarəsinin barəsində Аzərbaycan Respublikasının İnzibati Xətalar Məcəlləsinin 347-ci mаddəsi ilə tərtib olunmuş inzibati xəta haqqında protokol və və ona əlavə edilmiş sənədlər baxılması üçün Sabirabad Rayon Məhkəməsinə göndərilmişdir. Təqdim edilmiş sənədləri nəzərdən keçirib hesab edirəm ki, Şəxs İdarəsinin barəsində Аzərbaycan Respublikasının İnzibati Xətalar Məcəlləsinin 347-ci maddəsi ilə tərtib olunmuş inzibati material (protokol və digər sənədlər) Sabirabad Rayon Polis Şöbəsinə geri qaytarılmalıdır. Hesab edirəm ki, inzibati xəta haqqında protokol (qərar) tərtib edilərkən Azərbaycan Respublikasının İXM-in müvafiq maddələrinin tələbləri pozulmuş, protokol natamam tərtib edilmişdir. Belə ki, Azərbaycan Respublikasının İXM-nin 100.2-ci maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Araşdırma zamanı göstərilən tələbə əməl edilməsi müəyyən edilməmişdir. İnzibati xəta haqqında protokolun hüquq və vəzifələrin izah edilməsinə dair qrafada nə hüquq və vəzifələri izah etmiş şəxsin (nümayəndənin), nə barəsində inzibati xəta haqqında protokol tərtib edilmiş şəxsin adı, soyadı, ata adı göstərilməmiş və həmin qrafalar imza edilmədən boş saxlanılmışdır. Аzərbaycan Respublikasının İnzibati Xətalar Məcəlləsinin 338.7-ci mаddəsi ilə tərtib edilmiş protokolun surətinin Şəxs İdarəsinə təqdim edilməsi müəyyən edilmir. Belə ki, təqdim edilmiş inzibati xəta haqqında protokolda “protokolun surətini aldım” qrafasının qarşısına imza edilməmişdir. Həmçinin sürücüsü barədə məlumat tələb edilib təqdim edilməməsinə görə inzibati xəta haqqında protokol tərtib edilmiş və inzibati xəta törədilmiş avtomobilin barəsində protokol tərtib edilmiş İdarənin balansında olması barədə hər hansı sənəd materiala əlavə edilməmişdir. Göründüyü kimi inzibati xəta haqqında qərar tərtib edilərkən Azərbaycan Respublikasının İXM-in yuxarıda göstərilən tələbləri pozulmuşdur ki, bu hallar inzibati işin icraata qəbul edilməsini qeyri-mümkün edir. Belə olan halda hesab edirəm ki, Sabirabad Rayon Polis Şöbəsindən daxil olmuş Şəxs İdarəsinin barəsində Аzərbaycan Respublikasının İnzibati Xətalar Məcəlləsinin 347ci mаddəsi ilə tərtib olunmuş inzibati xəta haqqında material onu tərtib etmiş оrqаnа qaytarılmalıdır. Azərbaycan Respublikasının İXM-in 106-cı maddəsində göstərilmişdir ki, inzibati xəta haqqında işin baxılmağa hazırlanması zamanı hakim, səlahiyyətli orqan (vəzifəli şəxs) aşağıdakı məsələləri həll edir: işin baxılması onun səlahiyyətinə aiddirmi; işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu; inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi; işin icraatını rədd edən hallar mövcuddurmu; mahiyyəti üzrə baxılması üçün işdə kifayət qədər sübutlar toplanmışdırmı; işə baxılmasının yeri və vaxtı barədə işdə iştirak edən şəxslər məlumatlandırılıbmı; iş üzrə vəsatətlər və etiraz etmə vardırmı. Həmin Məcəllənin 109.1.6-cı maddəsinə əsаsən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Bundan başqa o da qeyd edilməlidir ki, Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair” 03 may 2019-cu il tarixli Qərarının 1-ci bəndinə əsasən Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Göstərilənlərə əsasən və İXM-in 100, 101, 103, 106 və 109-cu mаddələrini rəhbər tutaraq, Q ə r a r a a l d ım: Sabirabad Rayon Polis Şöbəsindən daxil olmuş Şəxs İdarəsinin barəsində Аzərbaycan Respublikasının İnzibati Xətalar Məcəlləsinin 347-ci mаddəsi ilə tərtib olunmuş inzibati xəta haqqında protokol onu tərtib etmiş оrqаnа qaytarılsın. Qərardaddan şikayət verilə bilməz.