Sabirabad Rayon Məhkəməsi Qərar — İş №3(056)-1548/2024

Azərbaycan Respublikası adından QƏRAR Sabirabad rayon İş № 3(056)-1548/2024 24.10.2024 SABİRABAD RAYON MƏHKƏMƏSİ Məhkəmənin hakimi Allahverdiyev Səlim Məhərrəm oğlunun sədrliyi, Məsləhətçi (məhkəmə iclasının katibi) Quliyev Mətin Azər oğlunun katibliyi, Barəsində inzibati xəta haqqında iş üzrə icraat aparılan fiziki şəxs Şəxs, İnzibati xəta haqqında protokolu tərtib etmiş şəxs Sabirabad Rayon İcra və Probasiya Şöbəsinin icra məmuru X1 iştirakı ilə, xx.xx.2001-ci il tarixdə Sabirabad rayonunda doğulmuş, Azərbaycan Respublikası vətəndaşı, evli, orta təhsilli, əvvəllər məhkum olunmayan, işləməyən, Sabirabad rayonu Osmanlı kəndində qeydiyyatda olan və Şirvan şəhərində ünvanını bilmədiyi mənzildə kirayənişin yaşayan Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta törətməsinə dair Sabirabad rayon İcra şöbəsindən daxil olmuş inzibati xəta haqqında materiala Sabirabad Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: Şəxs barəsində tərtib olunmuş inzibati xəta haqqında 24 oktyabr 2024-cü il tarixli protokola və ona əlavə olunmuş sənədlərə əsasən, Sabirabad Rayon Məhkəməsinin 07 iyul 2023-cü il tarixli 2(056)-1162/2023 saylı icra sənədinin tələbinə əsasən Şəxs ümumilikdə 1721.54 manat pul vəsaiti tutularaq "xxxx" ASC-nin xeyrinə ödənilməli, Sabirabad Rayon Məhkəməsinin 16 fevral 2024-cü il tarixli e-2(056)-163/2024 saylı icra sənədinin tələbinə əsasən isə Şəxs ümumilikdə 10563.84 manat pul vəsaiti tutularaq ASC “Xalq” Bankının xeyrinə ödənilməlidir. Lakin borclu Şəxs icra sənədlərini üzrlü səbəb olmadan icra etməmiş və bununla da Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında inzibati xəta haqqında protokol tərtib etmiş şəxs Sabirabad rayon İcra şöbəsinin icra məmuru X3 izahat verərək bildirdi ki, Sabirabad Rayon Məhkəməsinin 07 iyul 2023cü il tarixli 2(056)-1162/2023 saylı icra sənədinin tələbinə əsasən Şəxs ümumilikdə 1721.54 manat pul vəsaiti tutularaq "xxxx" ASC-nin xeyrinə ödənilməli, Sabirabad Rayon Məhkəməsinin 16 fevral 2024-cü il tarixli e-2(056)-163/2024 saylı icra sənədinin tələbinə əsasən isə Şəxs ümumilikdə 10563.84 manat pul vəsaiti tutularaq ASC “Xalq” Bankının xeyrinə ödənilməlidir. İcra sənədləri üzrə icraata başlamaq haqqında qərar qəbul edilmiş, icra sənədlərində göstərilən tələbin 10 gün müddətində könüllü qaydada icra etmək üçün borcluya icraata başlamaq haqqında qərar və bildiriş göndərilmişdir. xx.xx.2024-cü il tarixdə borclunun qeydiyyatda olduğu Osmanlı kəndində yaşamadığı müəyyən edilmiş, buna görə də onun barəsində xx.xx.2024-cü il tarixdə borclunun axtarılması barədə qərar qəbul edilmiş, qərar icra olunması üçün rayon polis şöbəsinə göndərilmiş, xx.xx.2024cü ildə borclu barəsində axtarış işi açılmış, borclu bu gün tutularaq İcra şöbəsinə təhvil verilmişdir. İzahatı alınarkən borclu Şəxs uzun zamandır Rusiya Federasiyasında olduğunu, ailəsinin də qeydiyyatda olduğu ünvanda deyil, Şirvan şəhərində kirayənişin yaşadığını bildirmiş, borclarını birdəfəyə ödəməyə imkanı olduğunu qeyd etmişdir. Borc məbləğləri ödənilmədiyi üçün o, inzibati xəta haqqında protokol tərtib etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək göstərdi ki, o, icra sənədləri barədə məlumatlı olmamışdır. Belə ki, o, bu ilin fevral ayından Rusiya Federasiyasına fəhlə işləməyə getmiş, bu gün Rusiya Federasiyasından qayıdarkən aeroportda saxlanılıb İcra şöbəsinə gətirilmişdir. Özü ailəli olmaqla, ailəsi uzun müddətdir ki, Şirvan şəhərində kirayənişin yaşayır. O, icra sənədləri barədə axtarış qərarı ilə İcra şöbəsinə gətirildikdən sonra məlumatlı olmuşdur. İcra sənədləri barədə bu vaxta kimi məlumatlı olmadığına görə hesab edir ki, heç bir inzibati xəta törətmədiyi üçün barəsində olan inzibati xəta haqqında iş üzrə icraata xitam verilməlidir. Ona görə də o, məhkəmədən barəsində ədalətli qərar qəbul edilməsini xahiş edir. İnzibati protokola əlavə olunmuş: Sabirabad Rayon Məhkəməsinin 07 iyul 2023-cü il tarixli 2(056)-1162/2023 saylı icra sənədinin tələbinə əsasən Şəxs ümumilikdə 1721.54 manat pul vəsaiti tutularaq "xxxx" ASC-nin xeyrinə verilməlidir. xx.xx.2023-cü il tarixli icraata başlamaq haqqında qərara əsasən, göstərilən icra sənədi üzrə icraata başlanılmış və borcluya könüllü icra üçün 10 günlük müddət verilmişdir. Sabirabad Rayon Məhkəməsinin 16 fevral 2024-cü il tarixli e-2(056)-163/2024 saylı icra sənədinin tələbinə əsasən Şəxs ümumilikdə 10563.84 manat pul vəsaiti tutularaq ASC “Xalq” Bankının xeyrinə verilməlidir. xx.xx.2024-cü il tarixli icraata başlamaq haqqında qərara əsasən, göstərilən icra sənədi üzrə icraata başlanılmış və borcluya könüllü icra üçün 10 günlük müddət verilmişdir. xx.xx.2024-cü il tarixdə borclunun axtarılması barədə qərardan görünür ki, Sabirabad Rayon Məhkəməsinin 16 fevral 2024-cü il tarixli e-2(056)-163/2024 saylı icra sənədi üzrə borclunun yaşadığı yer müəyyən edilmədiyindən onun barəsində axtarış qərarı qəbul edilmişdir. Sabirabad RPŞ-nin Sabirabad rayon İcra və Probasiya şöbəsinə ünvanladığı xx.xx.2024-cü il tarixli məktubdan görünür ki, borclu barəsində xx.xx.2024-cü ildə axtarış işi açılmış, borclu xx.xx.2024-cü ildə tutularaq İcra şöbəsinə təhvil verilmişdir. Şəxs icra məmuruna vermiş olduğu xx.xx.2023-cü il tarixli izahatından görünür ki, hazırda qeydiyyatda olduğu ünvanda deyil, uzun müddətdir ki, Rusiya Federasiyasında olduğundan icra məmurunun bildirişlərindən xəbərsiz olmuş və yaranan borcun tam ödənilməsi üçün ona vaxt verilməsini xahiş etmişdir. Məhkəmə izahatları dinləyib, inzibati xəta haqqında protokolu və ona əlavə olunmuş sənədləri, həmçinin icra işini araşdıraraq hesab edir ki, barəsində inzibati xəta haqqında iş üzrə icraat aparılan fiziki şəxs Şəxs əməlində inzibati xəta tərkibi olmadığından və inzibati xəta hadisəsi olmadığından inzibati xəta haqqında iş üzrə icraata xitam verilməlidir. Belə ki, Azərbaycan Respublikasının İXM-nin 528.1-ci maddəsinin dispozisiyasına görə «Məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi» bu maddədə nəzərdə tutulmuş inzibati xətanın tərkibini yaradır. Məhkəməyə təqdim olunmuş inzibati xəta haqqında iş üzrə materialdan və materiala əlavə edilmiş sənədlərdən isə belə halın mövcud olması görünmür. Əksinə, müəyyən olunan hal ondan ibarətdir ki, borclu Əhmədzadə X2 rayon İcra və Probasiya şöbəsində icra məmuruna vermiş olduğu izahatda icra sənədinin verildiyi zamandan bu günə kimi xəbər tutmadığını və icra sənədinin icrası üçün möhlət istəməsini bildirmiş, icra məmuru isə borcluya borcun ödənilməsi üçün möhlət vermək əvəzinə, onun axtarışla gətirilməsini əsas götürərək əməlini icra sənədinin üzrsüz icra edilməməsi kimi qiymətləndirib onun barəsində inzibati xəta haqqında protokol tərtib etmişdir. Daha sonra icra işindən o hal da aydın olur ki, icraata başlamaq haqqında qərar qəbul edilib tələbin könüllü surətdə 10 gün ərzində icra edilməsi barədə bildiriş borcluya ünvanlanmış olsa da, həmin sənədlərin borcluya təqdim edilməsi barədə hər hansı sübut mövcud deyildir. Borclu yalnız onun barəsində qəbul edilmiş axtarış qərarının nəticəsi olaraq icra və probasiya şöbəsinə gətirilmişdir. Bu halın özü də borclunun icra sənədinin icrası ilə bağlı icra məmurunun qanuni tələbini üzrsüz səbəbdən icra etməməsi kimi qiymətləndirilməsinin əks göstəricisi kimi nəzərə alınmalıdır. Bundan başqa o da qeyd edilməlidir ki, Azərbaycan Respublikasının İXM-nin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 8.1, 8.2 və 8.3-cü maddələrinə görə barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin normaların tələbləri baxımdan məhkəmə hesab edir ki, hazırki inzibati xəta haqqında protokolda göstərilən hal üzrə inzibati xəta hadisəsi mövcud deyildir. Azərbaycan Respublikasının İXM-nin 53.1.2-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanılmış icraata isə xitam verilir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda inzibati xəta haqqında iş üzrə icraata xitam verilməsi haqqında qərar qəbul edilir. Beləliklə, yuxarıda göstərilən işin hallarını nəzərə alaraq və sadalanan qanunvericilik müddəalarına əsaslanaraq məhkəmə belə qənaətə gəlir ki, barəsində inzibati xəta haqqında iş üzrə icraat aparılan fiziki şəxs Şəxs əməlində inzibati xəta tərkibi olmadığından və inzibati xəta hadisəsi olmadığından hazırki inzibati xəta haqqında iş üzrə icraata xitam verilməlidir. Göstərilənlərə əsasən, Azərbaycan Respublikasının İnzibati Xətalar Məcəlləsinin 8, 12, 53, 114, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə aparılan inzibati xəta haqqında iş üzrə icraata xitam verilsin. Qərardan onun təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.