Sabirabad Rayon Məhkəməsi Qərar — İş №3(056)-248/2023

Azərbaycan Respublikası adından QƏRAR Sabirabad rayon İş № 3(056)-248/2023 20.02.2023 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Məsləhətçi (məhkəmə iclas katibi) Quliyev Mətin Azər oğlunun katibliyi, İnzibati xəta haqqında protokolu tərtib etmiş şəxs Sabirabad rayon Polis şöbəsinin X1 polis sahə rəisi, polis mayoru X3 və barəsində inzibati icraat aparılan şəxs Şəxs Vahıb qızının və Zərərçəkmiş şəxs iştirakları ilə, xx.xx.1965-ci ildə Sabirabad rayonunda anadan olmuş, Azərbaycan Respublikası vətəndaşı, işləməyən, Sabirabad rayonunun Məmişlər kəndində qeydiyyatda olmaqla orada yaşayan Şəxs Vahıb qızının Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta törətməsinə dair Sabirabad rayon Polis şöbəsindən daxil olmuş inzibati xəta haqqında materiala Sabirabad Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Sabirabad Rayon Məhkəməsinə Sabirabad rayonunun Məmişlər kəndində qeydiyyatda olmaqla orada yaşayan Şəxs Vahıb qızının Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta törətməsinə dair Sabirabad rayon Polis şöbəsindən inzibati xəta haqqında xx.xx.2023-ci tarixli MN ******* saylı «İnzibati xəta haqqında protokol» daxil olmuşdur. Daxil olmuş protokoldan və ona əlavə edilmiş sənədlərdən görünür ki, Şəxs Vahıb qızı xx.xx.2023-ci il tarixdə Sabirabad rayonu Qaralar kənd məktəbinin qarşısında Zərərçəkmiş şəxs döyərək ona sağlamlığa zərər vurmayan xəsarət yetirmiş və bununla da Azərbaycan Respublikasının İXM-nin 157-ci maddəsində nəzərdə tutumuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs Vahıb qızı özünü ona istinad olunan əməl üzrə təqsirli bilməyərək izahatında göstərdi ki, oğlu Alimlə Dilarə arasında nikah olmuş, sonradan onların münasibətləri pisləşdiyi üçün ayrılmaq həddinə gəlib çatmışdır. Nəvəsi Səma onlarla birlikdə yaşayır. xx.xx.2023-cü il tarixdə Dilarə qardaşı Eldənizlə birlikdə Sabirabad rayon Qaralar kənd məktəbinin qarşısına gəlmiş və uşağı aparmaq məqsədilə maşına mindirmişlər. Bu zaman o, avtomobilin sükanından tutaraq mane olmağa çalışmış, lakin Eldəniz maşını hərəkət etdirdiyi üçün o, yerə yıxılmış və dizindən xəsarət almışdır. Bundan sonra Dilarə onun qollarından yapışaraq dırnaqları ilə dərisini cırmışdır. Dilarəyə və Eldənizə heç kim xəsarət yetirməmişdir. Alim gəldikdən sonra isə onlar oradan çıxıb getmişlər. Məhkəmə iclasında Zərərçəkmiş şəxs izahat verərək bildirdi ki, qızı Səmanı görmək üçün xx.xx.2023-cü il tarixdə qardaşı Eldənizlə birlikdə Sabirabad rayon Qaralar kənd məktəbinin qarşısına gəlmiş və uşaqla söhbət etmək məqsədilə maşında oturmuşlar. Bu zaman Fitayət onlara yaxınlaşmış və maşının sükanından yapışaraq mübahisə etməyə başlamışdır. Bundan sonra Fitayət onun əllərindən tuturaq sıxmış və dırnaqları ilə ona xəsarət yetirmişdir. O, hazırda şikayətçidir, Fitayətin məsuliyyətə cəlb edilməsini xahiş edir. Sabirabad RPŞ-nin TB-nin təhqiqatçısı, polis baş leytenantı Asiman Bəkirovun xx.xx.2023ci il tarixli «Cinayət işi başlanmasının rədd edilməsi haqqında» qərarından görünür ki, Sabirabad rayonu Məmişlər kəndində yaşayan X2 və Sabirabad rayonu Qəfərli kəndində yaşayan Zərərçəkmiş şəxs şikayəti əsasında cinayət tərkibi olmadığından toplanmış material üzrə cinayət işi başlanmasının rədd edilməsi, Zərərçəkmiş şəxs, Eldəniz Qurbanov, Alim Abdullayev, Şəxs və İlham Nuriyev barələrində AR İXM-nin 157-cı maddəsi ilə inzibatı qaydada tədbir görülməsi üçün qərarın surətinin İTB-nə verilməsi qərara alınmışdır. «Məhkəmə-tibbi ekspertizası təyin etmək haqqında» xx.xx.2023-cü il tarixli 64 saylı rəyindən görünür ki, Zərərçəkmiş şəxs məhkəmə tibbi müayinəsi zamanı – alın nahiyyəsində, sol bazunun orta 1/3-də iç səthdə, sağ və sol saidin aşağı 1/3-də bayır səthdə sol əlin ovuc səthində 1-ci əldarağı sümüyü proyeksiyasında qançırlar, sağ əlin ovuc səthində 2-ci əldarağı sümüyü proyeksiyasında sıyrıq küt əşyanın (Əşyaların) təsirindən əmələ gəlmişdir. əmələ gəlmə müddəti xx.xx.2023-cü il tarixə uyğun gəlir, sağlamlığa zərər vurmayan xəsarətlər olduqları üçün dərəcəsi təyin edilmir. Məhkəmə təqdim edilmiş sübutlara və izahatlara qiymət verərək hesab edir ki, Şəxs Vahıb qızının xx.xx.2023-ci il tarixdə Sabirabad rayonu Qaralar kənd məktəbinin qarşısında Zərərçəkmiş şəxs döyərək sağlamlığına zərər vurmayan xəsarət yetirərək İXM-nın 157-ci maddəsində nəzərdə tutulmuş inzibati xətanı törətməsində təqsirli olması ekspert rəyi, zərərçəkmiş şəxsin ifadəsi və digər materialları ilə öz təsdiqini tapır. Şəxs Zərərçəkmiş şəxs döyməməsi barədə dedikləri inzibati məsuliyyətdən yaxa qaçırmağa yönəlmiş hərəkətlər kimi qiymətləndirilməlidir. Azərbaycan Respublikasının İXM-nin 157-ci maddəsinə əsasən, döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Qeyd edilən maddə üzrə barəsində inzibati xəta haqqında iş üzrə icraat aparılan şəxsin əməlinin inzibati xəta olmasını aradan qaldıran hallar, həmçinin onun inzibati məsuliyyətindən azad edilməsi üçün əsaslar yoxdur. Odur ki, onun barəsində təqsirli bilindiyi maddənin sanksiyası həddində inzibati tənbeh tətbiq edilməlidir. İnzibati tənbehin məqsədlərindən bəhs edən İXM-nın 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-nın 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan Şəxs Vahıb qızının ilk dəfə inzibati xəta törətməsini Azərbaycan Respublikasının İXM-nin 31-ci maddəsinə əsasən məsuliyyəti yüngülləşdirən hal kimi nəzərə alır. Barəsində inzibati xəta haqqında iş üzrə icraat aparılan Şəxs Vahıb qızının əməlində Azərbaycan Respublikasının İXM-nin 32-ci maddəsində nəzərdə tutulmuş məsuliyyəti ağırlaşdıran hallar müəyyən edilmədi. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Məhkəmə yuxarıda qeyd olunan halları nəzərə alaraq belə qənaətə gəlir ki, İnzibati Xətalar Məcəlləsinin pozuntusuna yol verilmiş maddənin sanksiyasında nəzərdə tutulmuş inzibati həbs tənbeh tədbirinin barəsində inzibati xəta haqqında iş üzrə icraat aparılan şəxsə tətbiq edilməsi məqsədəmüvafiq deyildir. Belə ki, hazırda rəsmi qaydada münasibətləri pozulmamaqla tərəflər arasında qohumluq münasibətləri davam etməkdədir. Onlar arasında hazırda gərgin münasibət mövcud olsa da, bu gələcəkdə münasibətlərin normallaşması halını istisna etmir. İnzibati qaydada həbs tənbeh tədbirinin tətbiq edilməsi isə tərəflər arasında mövcud olan gərgin münasibətin daha da gərginləşməsinə gətirib çıxara bilər ki, bu hal da yolverilməz hesab edilməlidir. Bu əsasla onun barəsində inzibati cərimə növündə tənbeh tədbiri tətbiq edilməli, cərimə tənbehinin həddi müəyyən edilərkən isə zərərçəkən şəxsin hazırda şikayətçi olması nəzərə alınmaqla orta həddə müəyyən edilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs Vahıb qızı Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xəta törətməkdə təqsirli bilinsin və barəsində 400 (dörd yüz) manat məbləğində cərimə tənbeh növü tətbiq edilsin. Qərardan surəti təqdim edildiyi və ya alındığı gündən 10 (on) gün müddətində işə baxan Sabirabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti və ya protesti verilə bilər.