Sabirabad Rayon Məhkəməsi Qərardad — İş №3(056)-507/2025

Azərbaycan Respublikası adından QƏRARDAD Sabirabad rayon İş № 3(056)-507/2025 19.03.2025 SABİRABAD RAYON MƏHKƏMƏSİ X4 Allahverdiyevin sədrliyi, X2 oğlunun katibliyi ilə X1 Azərbaycan Respublikası Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsinin xx.xx.2025-ci il tarixli inzibati tənbeh vermə haqqında qərarından şikayətinə açıq məhkəmə iclasında baxaraq, məhkəmə MÜƏYYƏN ETDİ: X3 Azərbaycan Respublikası Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsinin xx.xx.2025-ci il tarixli inzibati tənbeh vermə haqqında qərarından şikayət ilə məhkəməyə müraciət etmiş, işin məhkəmə iclasında baxılması xx.xx.2025-ci il tarixinə təyin edilmişdir. xx.xx.2025-ci il tarixində şikayətçi X3 məhkəməyə ərizə ilə müraciət edərək, şikayətinə baxılmasını istəmədiyini, şikayətinə əlavə etdiyi sənədlərin özünə qaytarılmasını xahiş etmişdir. Məhkəmə hesab edir ki, şikayət vermə hüququ şikayətçiyə məxsus olduğu kimi, onun şikayətinə baxılmasını tələb etməməsi barədə hüququ da tanınmalı, bu xüsusda onun xahişi nəzərə alınmalı və şikayəti geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 133 - 137-ci maddələrini rəhbər tutaraq, məhkəmə QƏRARA ALDİ: X1 Azərbaycan Respublikası Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsinin xx.xx.2025-ci il tarixli inzibati tənbeh vermə haqqında qərarından şikayəti geri qaytarılsın. Qərardan surəti təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsilə Şirvan Apelyasiya Məhkəməsinə şikayət və ya protest verilə bilər.