Sabirabad Rayon Məhkəməsi Qərar — İş №3(056)-792/2024

Azərbaycan Respublikası adından QƏRAR Sabirabad rayon İş № 3(056)-792/2024 06.05.2024 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Məsləhətçi (məhkəmə iclasının katibi) Quliyev Mətin Azər oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1987-ci ildə Sabirabad şəhərində anadan olmuş, Azərbaycan Respublikasının vətəndaşı, orta təhsilli, subay, Sabirabad şəhəri, A.Abdullayev küçəsi ev 51a-da qeydiyatda olan və yaşayan Şəxs barəsində Azərbaycan Respublikasının İnzibati Xətalar Məcəlləsinin 333-1.1-ci maddəsi ilə Sabirabad Rayon Polis Şöbəsindən daxil olmuş inzibati xəta haqqında protokola və protokol əsasında toplanmış materiala Sabirabad Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikasının İnzibati Xətalar Məcəlləsinin 333-1.1-ci maddəsi ilə Sabirabad Rayon Polis Şöbəsindən daxil olmuş inzibati xəta haqqında materiala görə, Şəxs xx.xx.2024-cü ildə narkotik vasitənin təsiri altında «VAZ 21063 minik» markalı **-TR-*** dövlət nömrə nişanlı avtomobili idarə etmiş, bununla da o, Azərbaycan Respublikasının İnzibati Xətalar Məcəlləsinin 333-1.1-ci maddəsində nəzərdə tutulmuş inzibati xətanı törətmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, o, xx.xx.2024-cü il tarixdə «VAZ 21063 minik» markalı **- TR-*** dövlət nömrə nişanlı avtomobillə hərəkətdə olan zaman qabaq sağ şin partlamış, onun idarə etdiyi avtomobil sürüşüb kanala düşmüşdür. Bundan sonra o, özü avtomobildən çıxıb hadisə barədə atasına məlumat vermiş, atası hadisə yerinə gedəndən sonra 2 ədəd Xırdalan pivəsi, 2 ədəd spirtli GO içkisi içmiş, 1 siqaret nəşə çəkmişdir. Onun avtomobilinin kanala düşməsi barədə YPX əməkdaşlarına məlumat verdiklərinə görə YPX əməkdaşları evinə gəlib hadisə yerini göstərmək adı ilə onu test etdirməyə aparmışlar. Həm spirtli içki içdiyi, hər narkotik maddə qəbul etdiyi üçün test cavabı pozitiv çıxmışdır. İlk dəfədir ki, inzibati xəta törədir. Hazırda əməlindən peşmandır. Özü qara ciyər serrozundan əziyyət çəkir. Heç yerdə işləmir. Ona görə də o, məhkəmədən ona köməklik edilməsini xahiş edir. Protokola əlavə edilmiş: Narkotik vasitə qəbulu ilə əlaqədar keçirilmiş yoxlamaya dair arayışdan görünür ki, Şəxs THC pozitiv aşkar edilmişdir. Azərbaycan Respublikasının İXM-nin 333-1.1-ci maddəsinə əsasən, nəqliyyat vasitəsini idarə etmək hüququ olan şəxs tərəfindən nəqliyyat vasitəsinin narkotik vasitələrdən, psixotrop maddələrdən və ya güclü təsir edən digər maddələrdən istifadə olunması nəticəsində sərxoş vəziyyətdə idarə edilməsinə görə – altı yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İXM-in 333-1.1-ci maddəsi ilə nəzərdə tutulan inzibati xətanı törətməsi barəsində tərtib olunmuş xx.xx.2024-cü il tarixli İXP ******* nömrəli protokolla, özünün etirafedici ifadəsi ilə və inzibati işin digər materialları ilə tam sübuta yetirilir. İş üzrə inzibati məsuliyyəti istisna edən və icraatı rədd edən hallar yoxdur. Məhkəmə, Şəxs ilk dəfə inzibati xəta törətməsini və xəstəliyini Azərbaycan Respublikasının İXM-nin 32-ci maddəsinə əsasən məsuliyyəti yüngülləşdirən hallar kimi nəzərə alır. Barəsində inzibati xəta haqqında iş üzrə icraat aparılan şəxs Şəxs əməlində İXM-nin 33-cü maddəsində nəzərdə tutulmuş inzibati xətaya görə məsuliyyəti ağırlaşdıran hallar müəyyən edilmədi. Azərbaycan Respublikasının İXM-in 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati tənbehin məqsədlərindən bəhs edən Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən xətanın xarakterini, təqsirinin dərəcəsini, şəxsiyyətini, yuxarıda sadalanan məsuliyyəti yüngülləşdirən halları və Azərbaycan Respublikasının İXM-nin 21-ci maddəsində nəzərdə tutulmuş inzibati tənbeh tədbirinin məqsədini, xətanın cəmiyyət üçün ziyanverici və qınaq obyekti olan vasitədən istifadə olunmaqla (narkotik vasitədən) törədilməsini nəzərə alaraq hesab edir ki, barəsində inzibati xəta haqqında iş üzrə icraat aparılan şəxsə Azərbaycan Respublikasının İXM-nin 333-1.1-ci maddəsinin sanksiyasında müəyyən edilmiş cərimə tənbeh tədbiri deyil, sürücülük hüququnun məhdudlaşdırılması növündə tənbeh tədbiri tətbiq edilməlidir. Belə ki, inzibati tənbehin əsas məqsədlərindən biri həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaqdan ibarətdir. Belə olan halda sürücü barəsində sürücülük hüququnun məhdudlaşdırılması növündə tənbeh tədbiri tətbiq edildikdə artıq digər sürücülər də sərxoş vəziyyətdə, narkotik və ya psixotrop maddələrin təsiri altında avtomobil idarə etməsinin ağır tənbehlə, yəni sürücülük hüququnun məhdudlaşdırılacağı ilə nəticələnəcəyini anlayacaq, bununla da tənbeh tədbiri məqsədinə çatmaqla digər şəxslər tərəfindən də yeni inzibati xəta törədilməsinin qarşısı alınacaqdır. Bununla belə, məhkəmə sürücülük hüququnun məhdudlaşdırılması növündə tənbeh tədbiri tətbiq edərkən həmin tənbeh növünün həddini müəyyən edən zaman yuxarıda sadalanmış məsuliyyəti yüngülləşdirən halları nəzərə alır və hesab edir ki, qeyd edilən tənbeh tədbirinin minimum həddə (6 ay) müəyyən edilməsi şəxsin qanunlara əməl edilməsi ruhunda tərbiyələndirilməsi və onun tərəfindən yeni inzibati xətanın törədilməsinin qarşısının alınması üçün kifayətdir. Göstərilənlərə əsasən və Azərbaycan Respublikasının İnzibati Xətalar Məcəlləsinin 31, 40,43, 48-51, 114, 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikasının İnzibati Xətalar Məcəlləsinin 333-1.1-ci maddəsi ilə təqsirli bilinərək, nəqliyyat vasitələrini idarə etmək hüququ 6 (altı) ay müddətinə məhdudlaşdırılsın. Qərarın icrası Sabirabad rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər.