Sabirabad Rayon Məhkəməsi Qərar — İş №3(056)-885/2024

Azərbaycan Respublikası adından QƏRAR Sabirabad rayon İş № 3(056)-885/2024 14.06.2024 SABİRABAD RAYON MƏHKƏMƏSİ Mən, Sabirabad Rayon Məhkəməsinin hakimi Nurəddin Abuzər oğlu Bağırov, Anar Neymət oğlu Qafarovun katibliyi ilə, xx.xx.1976-ci il tarixdə Şirvan Şəhərində anadan olmuş, Azərbaycan Respublikası vətəndaşı, ünvan 1 ünvanında qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xəta əməli törətməsinə dair Sabirabad rayon Polis Şöbəsindən daxil olmuş inzibati xəta haqqında xx.xx.2024-cü il tarixli İXP6170614№-li Protokola və inzibati xəta haqqında iş üzrə toplanmış materiala məhkəmənin inzibati binasında açıq məhkəmə iclasında baxaraq MÜƏYYƏN ETDİM: Sabirabad rayon Polis Şöbəsindən daxil olmuş inzibati xəta haqqında xx.xx.2024-cü il tarixli İXP6170614№-li Protokola və inzibati xəta haqqında iş üzrə toplanmış materiala görə barəsində inzibati xəta haqqında iş üzrə icraat aparılan Şəxs idarə etdiyi «Mersedes Benz E200» minik markalı ** ER *** nömrə nişanlı avtomobillə xx.xx.2024-cü il tarixdə saat təxminən 18 radələrində Sabirabad rayonu Qarağac kəndində asfalt yolda saatda 60 km. sürətlə hərəkətdə olan zaman “Yol hərəkəti haqqında” Qanunun 36-cı maddəsinin İ hissəsinin müvafiq bəndinin tələblərini pozaraq, qarşıda yolun sağ hissəsində dayanmış «Mersedes Benz 208D» markalı sərnişin avtomobilinin yanından ötüb keçmək istəyən zaman həmin avtomobilin qarşısından anidən çıxaraq yolu keçən piyada X2 vurmuş, nəticədə piyada İ.Abdullazadə sağlamlığının qısa müddətə pozulmasına səbəb olan yüngül zərər dəymişdir. Bu əməlinə görə Şəxs barəsində İnzibati Xətalar Məcəlləsinin (bundan sonra İXM-nın) 327.8-ci maddəsində nəzərdə tutlmuş inzibati xəta əməlini törətməkdə təqsirləndirilməsinə dair xx.xx.2024-cü il tarixli İXP6170614№-li inzibati xəta haqqında Protokol tərtib edilərək inzibati xəta haqqında iş üzrə toplanmış materialla birlikdə baxılması üçün məhkəməyə göndərilmişdir. Məhkəmə İnzibati Xətalar Məcəlləsinin 64.3-cü maddəsinə əsaslanaraq hazırkı işə barəsində inzibati xəta haqqında iş üzrə icraat aparılan şəxs Şəxs və İnzibati xəta haqqında Protokolu tərtib etmiş Sabirabad Rayon Polis Şöbəsinin DYPB-nın nümayəndəsinin iştirakı olmadan baxılmasını mümkün hesab etmişdir. Şəxs İXM-nın 327.8-ci maddəsi ilə nəzərdə tutulan inzibati xətanı törətməsi inzibati materiallara əlavə edilmiş Sabirabad rayon X3 Bölməsinin təhqiqatçısı M.Hümmətovun “Cinayət işinin başlanmasının rədd edilməsi barədə” xx.xx.2024-cü il tarixli Qərarda təsbit olunmuş yol nəqliyyat hadisəsinin iştirakçılarının izahatları və hadisənin araşdırılmış halları ilə tam sübuta yetirilmişdir. İnzibati məsuliyyəti istisna edən və icraatı rədd edən hallar yoxdur. İXM-nın 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə üç yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. İXM-nın 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs əməlində İXM-nın 33-cü maddəsində göstərilən inzibati xətaya görə məsuliyyəti ağırlaşdıran hallar müəyyən edilmir. Barəsində inzibati xəta haqqında iş üzrə icraat aparılan şəxs Şəxs inzibati tənbeh tətbiq edərkən onun şəxsiyyətini və təqsirinin dərəcəsini, həmçinin inzibati xətanın xarakterini nəzərə alaraq hesab edirəm ki, ona İXM-nın 327.8-ci maddəsinin sanksiyası həddində cərimə növündə inzibati tənbeh verilməsi daha məqsədəuyğun olardı. Göstərilənlərə əsasən və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq QƏRARA ALDİM: Sabirabad rayon Polis Şöbəsindən daxil olmuş xx.xx.2024-cü il tarixli İXP6170614№-li inzibati xəta haqqında Protokola əsasən Quliyev X1 Xətalar Məcəlləsinin 327.8-ci maddəsi ilə nəzərdə tutulmuş inzibati xəta əməlini törətməkdə təqsirli bilinsin və onun barəsində 300 (üç yüz) manat məbləğində cərimə növündə inzibati tənbeh tətbiq edilsin. Qərarın icrası Şirvan Şəhər İcra Probasiya Şöbəsinə həvalə edilsin. Qərardan, surəti təqdim edildiyi və ya alındığı gündən on gün müddətində Sabirabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayət və ya protest verilə bilər.