Sabirabad Rayon Məhkəməsi Qərar — İş №3(056)-925/2025

Azərbaycan Respublikası adından QƏRAR Sabirabad rayon İş № 3(056)-925/2025 27.05.2025 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Quliyev Mətin Azər oğlunun katibliyi, protokolu tərtib etmiş şəxs Sabirabad rayon X4 Polis Bölməsinin sahə rəisi Tural Kərimovun, zərərçəkmiş şəxs "xxxx" MMC-nin Nizami kəndində yerləşən mağazasının müdiri X1 və barəsində inzibati icraat başlanmış şəxs Şəxs iştirakları ilə, 30 avqust 1980-ci ildə Rusiya Federasiyasının Volqoqrad şəhərində anadan olmuş, Azərbaycan Respublikası vətəndaşı, orta təhsilli, ailəli, işləməyən, İİ qrup əlil, Bakı şəhəri, Nəsimi rayonu, 15, 3A ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta törətməsinə dair Sabirabad Rayon Polis X5 Bölməsindən daxil olmuş inzibati xəta haqqında xx.xx.2025-ci il tarixli MN 2295319№-li Protokola və protokol ətrafında toplanmış materiala Məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Sabirabad Rayon Polis X5 Bölməsindən daxil olmuş inzibati xəta haqqında xx.xx.2025-ci il tarixli MN 2295319№-li Protokola və protokol ətrafında toplanmış materiala görə, Şəxs xx.xx.2025-ci il tarixdə Sabirabad rayonunun Nizami kəndində yerləşən "xxxx"dən 30 manat dəyərində spirtli içki və dezodorant oğurlamışdır. Bununla da o, Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs özünü təqsirli bildiyini, zərərçəkmiş şəxs "xxxx" MMC-nin Nizami kəndində yerləşən mağazasının müdiri X2 ilə barışdığını, zərərçəkmiş şəxsə dəymiş ziyanı ödədiyini, zərərçəkmiş şəxsin nümayəndəsinin ona qarşı heç bir şikayət və tələbinin olmadığını bildirərək barəsində başlanmış inzibati xəta haqqında iş üzrə icraata xitam verilməsini xahiş etdi. Məhkəmə iclasında zərərçəkmiş şəxs qismində dindirilmiş "xxxx" MMC-nin Nizami kəndində yerləşən mağazasının müdiri X2 izahatında Şəxs heç bir şikayət və tələbinin olmadığını, pulun ödənildiyini bildirmiş, buna görə də, Şəxs barəsində olan inzibati iş üzrə icraata xitam verilməsi barədə qərar qəbul edilməsini xahiş etmişdir. Sabirabad RPŞ-nin Təhqiqat bölməsinin təhqiqatçısı, polis mayoru X3 xx.xx.2025-ci il tarixli «Cinayət işi başlanmasının rədd edilməsi haqqında» qərarından görünür ki, X1 müraciəti əsasında toplanmış material üzrə cinayət işi başlanması rədd edilməsi, Şəxs barəsində İXM-nin 227-ci maddəsinə əsasən inzibati qaydada tədbir görülməsi üçün qərarın surətinin aidiyyəti üzrə Sabirabad RPŞ-nin İTB-nə verilməsi qərara alınmışdır. İnzibati xəta haqqında xx.xx.2025-ci il tarixli MN 2295319№-li Protokolu, əlavə edilmiş sənədləri nəzərdən keçirib, proses iştirakçılarını dinləyib, iş üzrə təqdim edilmiş sübutları bir-biri ilə müqayisəli şəkildə təhlil etməklə, hər bir sübutu öz mənbəyinə və mənsubiyyətinə görə qiymətləndirməklə məhkəmə belə nəticəyə gəlir ki, həqiqətən də Şəxs xx.xx.2025-ci il tarixdə Sabirabad rayonunun Nizami kəndində yerləşən "xxxx"dən 30 manat dəyərində spirtli içki və dezodorant oğurladığından onun əməli düzgün tövsif edilmişdir. Şəxsnun Azərbaycan Respublikasının İXM-nin 227-ci maddəsində nəzərdə tutulmuş inzibati xətanı törətməkdə təqsirli olması özünün etirafedici ifadəsi və məhkəmə iclasında tədqiq olunmuş sübutlarla tam sübuta yetir və onun törətdiyi əməl düzgün tövsif olunmuşdur. Azərbaycan Respublikasının İXM-nin 227-ci maddəsinə görə xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 39.2-ci maddəsinə görə bu məcəllənin 227, 232-1-ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Qeyd olunanları nəzərə alaraq və qanunvericiliyin göstərilən müddəalarını rəhbər tutaraq məhkəmə belə nəticəyə gəlir ki, barəsində inzibati xəta haqqında iş üzrə icraat aparılan şəxs Şəxs zərərçəkmiş şəxslə barışdığından və ona dəymiş ziyanı tamamilə ödədiyindən onun barəsində Azərbaycan Respublikasının İnzibati Xətalar Məcəlləsinin 227-ci maddəsi ilə aparılan inzibati xəta haqqında iş üzrə icraata Azərbaycan Respublikasının İXM-nin 39.2-ci maddəsinə əsasən xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 31, 40,43, 48-51, 53, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə başlanmış inzibati xəta haqqında iş üzrə icraata xitam verilsin. Qərardan onun təqdim edildiyi və ya alındığı gündən 10 (on) gün müddətində Sabirabad Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər.