Salyan Rayon Məhkəməsi Qərar — İş №3(057)-616/2024

Azərbaycan Respublikası adından QƏRAR Salyan rayon İş № 3(057)-616/2024 01.07.2024 SALYAN RAYON MƏHKƏMƏSİ Hakim Səmədov Ağarza Hacırza oğlunun sədrliyi, Məhkəmə iclas katibi Zamanov Asif Xanoğlan oğlunun katibliyi, Salyan rayon İcra və Probasiya şöbəsinin icra məmuru X4, Zərərçəkmiş şəxs, Barəsində inzibati xəta haqqında protokol tərtib edilmiş şəxs X2 iştirakı ilə xx.xx.1986-cı il tarixdə Salyan rayonunda anadan olmuş, Azərbaycan Respublikası vətəndaşı, orta təhsilli, boşanmış, işsiz, Salyan rayonu, Kürqaraqaşlı kəndində qeydiyyatda olmaqla yaşayan X2 Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməsinə dair Salyan rayon İcra və Probasiya şöbəsindən daxil olan 01 iyul 2024-cü il tarixli, MN № ******* saylı inzibati xəta haqqında protokola baxaraq, məhkəmə MÜƏYYƏNETDİ: Salyan rayon İcra və Probasiya şöbəsinin icra məmuru X5 tərəfindən tərtib olunmuş X2 Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair 01 iyul 2024-cü il tarixli, MN № ******* saylı inzibati xəta haqqında protokolda qeyd olunmuşdur ki, Salyan Rayon Məhkəməsinin xx.xx.2023-cü il tarixli, 2(057)-835/2023 saylı icra vərəqəsinə əsasən borclu X3 öhdəsində olan 2300 manat aliment borcunu tələbkar Zərərçəkmiş şəxs ödəməyərək, icra məmurunun çağırışına məhəl qoymayaraq icra yerinə gəlməmişdir. Məhkəmə iclasında barəsində inzibati xəta haqqında protokol tərtib edilmiş şəxs X3 göstərmişdir ki, orta məktəbdə fiziki hazırlıq müəllimi işləyir. Başqa bank borcu olduğu üçün, ona görədə 2300 manat borcunu tam qaydada ödəyə bilməmişdir. Hazırda 2100 manat borcundan hissə-hissə ödəmiş, qalan borcunu bu gün tam olaraq ödəməmişdir. Zərərəçəkmiş şəxsin ondan heç bir şikayəti və tələbi yoxdur. Göstərilənlərə əsasən barəsində olan inzibati işin icraatına xitam verilməsini xahiş etmişdir. Məhkəmə iclasında Zərərçəkmiş şəxs bildirmişdir ki, Salyan Rayon Məhkəməsinin xx.xx.2023-cü il tarixli, 2(057)-835/2023 saylı icra vərəqəsinə əsasən borclu X3 öhdəsində olan 2300 manat borcundan hissə-hissə ödəmişdir. X1 qalan borcunu tam olaraq ödəmişdir. Ondan heç bir şikayəti və tələbi yoxdur. Göstərilənlərə əsasən inzibati işin icraatına xitam verilməsini xahiş etmişdir. Məhkəmə iclasında Salyan rayon İcra və Probasiya şöbəsinin icra məmuru X5 göstərmişdir ki, X3 icra sənədi üzrə tələbi yerinə yetirməmiş, 2300 manat borcunu tam qaydada ödəməmişdir.Zərərçəkmiç şəxs pulu tam qaydada tələb edir və buna görədə şikayətçi olmuşdur. X1 tələb olunan pulu tələbkara tam qaydada ödəmişdir. X3 barəsində hər hansı bir inzibati tənbeh tətbiq edilməsini məhkəmənin mülahizəsinə buraxmışdır. Məhkəmə iclas iştirakçılarını dinləyib, inzibati xəta haqqında protokolu və ona əlavə edilmiş sənədləri nəzərdən keçirərək hesab edirəm ki, iş üzrə icraata xitam verilməlidir.Belə ki, məhkəmə baxışı zamanı aydın olmuşdur ki, X3 məhkəmə qətnaməsi ilə borcunu tam ödəmiş və zərərçəkmişlə barışmış, sonuncunun şikayət və tələbi yoxdur. Belə ki, Azərbaycan Respublikası İnzibati Xətalar Məcəlləsinin 528.1-ci maddəsinin Qeydinə əsasən: Bu Məcəllənin 528.1-ci maddəsində nəzərdə tutulmuş inzibati xətanı törətmiş borclu müvafiq icra sənədini həmin inzibati xəta haqqında iş üzrə məhkəmə qərar qəbul edənədək icra etdikdə inzibati məsuliyyətdən azad olunur. Azərbaycan Respublikası İXM-nin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Sadalananları və X3 tərəfindən vurulmuş ziyanı tamamilə ödədikdə və zərərçəkmiş şəxslə barışdıqlarını əsas tutaraq məhkəmə hesab edir ki, X3 barəsində inzibati xəta haqqında iş üzrə icraata xitam verilməlidir. Şərh olunanlara əsaslanaraq və Azərbaycan Respublikası İXM-nin 43-cü, 115,128- 130-cu maddələrini rəhbər tutaraq,məhkəmə QƏRARA ALDİ: X3 haqqfnda Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Salyan Rayon Məhkəməsi vasitəsilə Şirvan Apelyasiya Məhkəməsinə şikayət verilə bilər. Sədrlik edən: Ağarza Səmədov