Salyan Rayon Məhkəməsi Qərar — İş №3(057)-664/2024

Azərbaycan Respublikası adından QƏRAR Salyan rayon İş № 3(057)-664/2024 31.07.2024 SALYAN RAYON MƏHKƏMƏSİ X5 Hacırza oğlunun sədrliyi, Hakim köməkçisi X1, Barəsində inzibati xəta haqqında protokol tərtib edilmiş şəxs Şəxs iştirakı katibliyi ilə xx.xx.1962-ci ildə Dəvəçi rayonunda anadan olmuş, Azərbaycan Respublikası vətəndaşı, Şabran şəhəri, M.Əsədov küçəsi, ev 56-da qeydiyyatda olmaqla orada yaşayan, Şəxs tərəfindən Azərbaycan Respublikası İXM-nin 329.3, 329.1, 327.2 və 333- 1.1-ci maddələrinin tələbinin pozulması ilə əlaqədar Salyan RPŞ-dən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Şəxs 16 iyul 2024-cü il tarixdə idarə etdiyi “Ford Cargo-2524 yük” markalı, **-ZN-*** dövlət qeydiyyat nişanlı avtomobillə Salyan rayonu ərazisində yol hərəkəti qaydalarını pozması ilə əlaqədar olaraq saxlanılmış, araşdırma zamanı onun avtomaşını narkotik vasitənin qəbulu nəticəsində yaranmış sərxoşluq vəziyyətində idarə etməsi məlum olmuşdur. Bununla əlaqədar olaraq Salyan rayonu Yol patrul xidməti inspektoru polis serjantı X2 tərəfindən Şəxs barəsində xx.xx.2024-cü il tarixli, İXP ******* saylı inzibati xəta haqqında protokol tərtib edilmiş, iş materialları ilə birlikdə baxılması üçün məhkəməyə göndərilmişdir. Məhkəmə iclasında iştirak edən Şəxs bildirmişdir ki, etibarnamə əsasında “Ford Cargo-2524 yük” markalı, **-ZN-*** dövlət qeydiyyat nişanlı avtomobillə Salyan rayonunun ərazisində yük daşıma fəaliyyəti ilə mşğuldur. xx.xx.2024-cü il tarixdə, saat 18 radələrində Salyan şəhərində “Ay işıği” mağazasının yaxınlığında avtomobillə dayandığı zaman yol polisi əməkdaşları ona yaşınlaşaraq, onu həkimə aparmışlar. Həkim yoxlaması zamanı həkin ondan marixuana çıxdığını demişdir. xx.xx.2024-cü il tarixdən 3 gün qabaq Şabranda toy məclisində marixuana şəkmişdir. Ona görə də ondan aşkar olunmuşdur. 3 uşağı var, uşağları böyükdür. Marixuana çəkəndən 3 gün sonra avtomobil sürmüşdür. Polois əməkdaşları onu aavtomaşını saxladığı və yük boşaldan zaman tutduqları üçün digər pozuntuların qeyd olunması doğru deyildir. Əməlindən peşiman olduğunu qeyd edərək ona köməklik olunmasını xahiş etdi. Qanunla müəyyən edilmiş qaydada və müddətdə məhkəmə bildirişi göndərilməsinə baxmayaraq, Salyan RPŞ-nin nümayəndəsi məhkəmə iclasına gəlməmişdir. Azərbaycan Respublikası İXM-nin 61.3 və 112.1.4-cü maddələrinə əsaslanaraq, məhkəmə işə Salyan RPŞ-nin nümayəndəsinin iştirakları olmadan baxılmasını mümkün hesab edir. Məhkəmə iş materiallarını araşdıraraq hesab edir ki, Şəxs Azərbaycan Respublikası İXM-nin 333-1.1-ci maddəsində nəzərdə tutulmuş inzibati xətanı törətməsi özünün etirafı və iş materialları ilə tam təsdiq olunur. İş materiallarında olan sərxoşluq vəziyyətinin tibbi müayinəsi barədə xx.xx.2024-cü il tarixli, 192 saylı aktdan görünür ki, sürücü Şəxs avtomaşını narkotik vasitənin qəbulu nəticəsində yaranmış sərxoşluq vəziyyətində idarə etmişdir. İş materiallarında olan AF 305763 sürücülük vəsiqəsindən görünür ki, barəsində inzibati xəta haqqında iş üzrə icraat aparılan şəxs Şəxs “ B, C” kateqoriyalı nəqliyyat vasitələrini idarə etmək hüququ vardır. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin səxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Azərbaycan Respublikası İXM-nin 31-33-cü maddələrinə əsasən inzibati xətanın xarakterini, Şəxs təqsirinin dərəcəsini, məsuliyyətini yüngülləşdirən hallar kimi özünün etirafını, törətdiyi əməlindən səmimi peşimançılıq hissi keçirməsini və məsuliyyətini ağırlaşdıran halların olmamasını nəzərə alaraq, məhkəmə hesab edir ki, Şəxs barəsində Azərbaycan Respublikası İXM-nin 333-1.1ci maddəsinin sanksiyasında nəzərdə tutulmuş cərimə növündə inzibati tənbeh tədbiri tətbiq edilməlidir. Şəxs barəsində tərtib olunmuş protokolda Azərbaycan Respublikası İXM-nin 329.3, 329.1, 327.2-ci maddələrində nəzərdə tutulmuş inzibati xətaya baxılması məhkəmənin səlahiyyətinə aid olmadığından həmin maddələr üzrə qərar qəbul olunması mümkün deyildir. Qeyd olunanlara əsasən və Azərbaycan Respublikası İXM-nin 40-cı, 43-cü, 115 və 128-130cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İXM-nin 333-1.1-ci maddəsi ilə təqsirli bilinərək, barəsində 600 manat cərimə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Salyan Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər. Sədrlik edən: Ağarza Səmədov