Salyan Rayon Məhkəməsi Qərar — İş №3(057)-668/2024

Azərbaycan Respublikası adından QƏRAR Salyan rayon İş № 3(057)-668/2024 22.07.2024 SALYAN RAYON MƏHKƏMƏSİ Hakim Səmədov Ağarza Hacırza oğlunun sədrliyi, Məhkəmə iclas katibi Zamanov Asif Xanoğlan oğlunun katibliyi, Barəsində inzibati xəta haqqında protokol tərtib edilmiş şəxs Şəxs iştirakı ilə xx.xx.1990-cı ildə Salyan rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Salyan rayonu, Kərimbəyli kəndində qeydiyyatda olmaqla, orada yaşayan Şəxs Azərbaycan Respublikası İXM-nin 510 və 535.1-ci maddələri ilə inzibati məsuliyyətə cəlb edilməsinə dair Salyan RPŞ-dən daxil olan inzibati xəta haqqında protokollara baxaraq, məhkəmə M Ü Ə Y Y Ə N E T D İ: Salyan RPŞ-dən daxil olmuş 22 iyul 2024-cü il tarixli, MN № ******* nömrəli inzibati xəta haqqında protokola və protokola əlavə edilmiş sənədlərdən görünür ki, Şəxs xx.xx.2024-cü il tarixdə, saat 07:30-da Salyan rayonu, Kərimbəyli kəndinin ərazisində ünvansız söyüşlər söyərək, xırda xuliqanlıq əməli törətmişdir. Bundan başqa, 22 iyul 2024-cü il tarixli, MN № ******* nömrəli inzibati xəta haqqında protokola və protokollara əlavə edilmiş sənədlərdən görünür ki, Şəxs xx.xx.2024-cü il tarixdə, saat 07:30da polis əməkdaşlarının qanuni tələbinə qəsdən tabe olmamışdır. Məhkəmə iclasında barəsində inzibati xəta haqqında icraat aparılan Şəxs bildirmişdir ki, xx.xx.2024-cü il tarixdə, saat 07 radələrində radələrində Salyan rayon, Kərimbəyli kəndində yaşadığı evdən çıxaraq yol ilə gedərkən,yolda dayanmış bir nəfər şəxs görmüşdür. Ondan polis olduğunu soruşduqda başı ilə təsdiq etmişdir. Sonra digər Vasif adlı polis əməkdaşı həmin yerə gəlmişdir. Polislər əlindəki selofan torbada nə olduğunu soruşduqda selofanda reyhan olduğunu demişdir. Əlindəki selofan torbanı qonşuya verdikdən sonra polislər onu maşına mindirərək Salyan rayon polis şöbəsinə gətirmişlər. Polisdə verdiyi izahata bilmədən imza etmişdir. Əlavə olaraq bildirmişdir ki, kəndin ərazisinda söyüş söyməmiş və polislərin qanuni tələbinə əməl etmişdir. Ona köməklik olunmasını xahiş etdi. Məhkəmədə şahid qismində izahat verən Salyan RPŞ-nin CAB-nin əməliyyat müvəkkili X1 bildirmişdir ki, Salyan RPŞ-nin PPXB-nin polis nəfəri, polis baş serıantı Orxan Soltanov ilə xx.xx.2024-cü il tarixdə, saat 07:30 radələrində Salyan rayonu, Kərimbəyli kəndinin ərazisində xidmət aparan zaman bir nəfər şəxsin ucadan ünvansız nalayiq söyüşlər söydüyünü görərək, həmin şəxsin yanına getmiş, özünü təqdim etmiş, sonra ona hüquqi izahatlar verərək əməlinin qanun pozuntusu olduğunu bildirib ictimai asayişə riayət eləməsini bildirmiş, lakin sonuncu onların qanuni tələbinə tabe olmamışdır. Onu Salyan RPŞ-yə aparmaq istədikdə yenə o, özünün qanunsuz hərəkətlərini davam etdirmişdir. Ona görə də onu məcburi qaydada polisə aparmışlar. Həmin şəxs barəsində qanunamüvafiq qaydada tədbir görülməsi üçün raportla Salyan RPŞ-nin rəisinə müraciət etmişdir. Barəsində inzibati xəta haqqında icraat aparılan şəxsi və şahidi dinləyib, inzibati xəta haqqında protokollara, iş materiallarında olan digər sübutlara məcmu şəklində qiymət verərək məhkəmə belə hesab edir ki, toplanmış sübutlarla Şəxs inzibati xəta törətməkdə təqsiri tam sübuta yetirilir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Şəxs məsuliyyətini yüngülləşdirən və ağırlaşdıran hallar hallar aşkar edilmədi. Məhkəmə araşdırılmış sübutlara obyektiv qiymət verərək belə hesab edir ki, Şəxs hərəkətlərində Azərbaycan Respublikası İXM-nin 510 və 535.1-ci maddələrinin tərkibi var və ona Azərbaycan Respublikası İXM-nin 34.3-cü maddəsinə əsasən daha ciddi xətaya görə tənbeh tədbiri tətbiq olunmalıdır. Həmin madədə qeyd olunmuşdur ki, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Məhkəmə inzibati xəta xarakterini və xəta törədənin hərəkətlərini, onun şəxsiyyətini nəzərə alaraq belə hesab edir ki, Şəxs inzibati qaydada həbs tənbeh tətbiq etməklə Azərbaycan Respublikası İXM-nin 21-ci maddəsində nəzərdə tutulmuş inzibati tənbehin məqsədinə nail olmaq mümkündür. Həmin maddədə qeyd olunmuşdur ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən Azərbaycan Respublikasının İXM-nin 112, 114-115, 117, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 510 və 535.1-ci maddələri ilə təqsirli bilinsin, Azərbaycan Respublikası İXM-nin 34.3-cü maddəsinə əsasən ona iyirmi beş gün müddətinə həbs inzibati tənbeh tədbiri tətbiq edilsin. İnzibati həbs etmənin əvvəli 22 iyul 2023-cü il, saat 15:25-dən hesablansın. Qərarın surəti təqdim edildiyi və ya alındığı gündən 10 gün müddətində Salyan Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər. Sədrlik edən: Ağarza Səmədov