Salyan Rayon Məhkəməsi Qərar — İş №3(057)-964/2023

Azərbaycan Respublikası adından QƏRAR Salyan rayon İş № 3(057)-964/2023 17.10.2023 SALYAN RAYON MƏHKƏMƏSİ Hakim Səmədov Ağarza Hacırza oğlunun sədrliyi, Zamanov Asif Xanoğlan oğlunun katibliyi, Barəsində inzibati xəta haqqında protokol tərtib olunmuş Şəxs iştirakı ilə xx.xx.1987-ci ildə Cəlilabad rayonunda anadan olmuş, Azərbaycan Respublikası vətəndaşı, evli, Salyan rayonu, Arbatan kəndində qeydiyyatda olmaqla orada yaşayan Şəxs Azərbaycan Respublikası İXM-nin 590.2-ci maddəsi ilə təqsirləndirilməsinə dair Salyan RPŞ-dən daxil olmuş inzibati xəta haqqında protokola və ona əlavə edilmiş sənədlərə baxaraq, məhkəmə MÜƏYYƏNETDİ: Salyan RPŞ-dən daxil olmuş 02 oktyabr 2023-cü il tarixli, MN № 1655019/1047 nömrəli inzibati xəta haqqında protokoldan görünür ki, Şəxs xx.xx.2023-cü il tarixdə Salyan rayonu, Sarvan kəndinin inzibati ərazisinə daxil olan çöllük sahədə müvafiq icra hakimiyyəti orqanının icazəsi olmadan bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silah əldə edib daşıyaraq və saxlanılması qaydalarını pozmuşdur. Qeyd olunan faktla əlaqədar Salyan RPŞ-nin İB-nin baş müstəntiqi, polis polkovnik – leytenanyı X1 cinayət işinin başlanmasının rədd edilməsi barədə 19 sentyabr 2023-ci il tarixli qərarı əsasında, Salyan RPŞ-nin İTB-nin sahə rəisi, polis baş leytenantı X2 tərəfindən 02 oktyabr 2023-cü il tarixli, MN № 1655019/1047 nömrəli inzibati xəta haqqında protokol tərtib olunaraq, baxılması üçün məhkəməyə göndərilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs bildirmişdir ki, bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silahı ona babasından miras qalmış və həmin silahı Salyan RPŞ-nin əməkdaşlarına təhvil vermişdir. Törətdiyi əmələ görə peşmandır. Göstərilənlərin nəzərə alınmasını xahiş etmişdir. İş materiallarında olan Salyan RPŞ-nin İB-nin baş müstəntiqi, polis polkovnik – leytenanyı X1 cinayət işinin başlanmasının rədd edilməsi barədə 19 sentyabr 2023-ci il tarixli qərarından görünür ki, həmin qərarla Şəxs barəsində Azərbaycan Respublikası CMnin 128-ci maddəsi ilə istintaqı aparılmış ********* nömrəli cinayət işinin icraatına xitam verilmiş, onun barəsində Azərbaycan Respublikası İXM-nin 590.2-ci maddəsinə əsasən inzibati qaydada məsuliyyətə cəlb olunması üçün Salyan RPŞ-nin İTBnğ göndərilməsi qərara alınmışdır. Əlavə olaraq həmin qərarın sürətindən görünür ki, bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silahıdır müvafiq icra hakimiyyəti orqanının icazə sənədi olmadan saxladığı üçün, həmin silahı xx.xx.2023-cü il tarixdə Salyan rayon Polis şöbəsinin əməkdaşları tərəfindən təhvil alınmışdır. Silahın təyinatını və xarakteristik əlamətlərini müəyyənləşdirmək üçün keçirilmiş məhkəməballistik ekspertizasının xx.xx.2023-cü il tarixli, 3-16-16/2-3/1266 nömrəli ekspert rəyinə əsasən, ekspertizaya təqdim edilmiş zavod üsulu ilə istehsal edilmiş, bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silahıdır, atəşə yaralıdır, detallarında əlavə və dəyişiklik edilməməsi qeyd olunmuşdur. Beləliklə, inzibati xəta hadisəsinin olması və onun Şəxs tərəfindən törədilməsi 02 mart 2022-ci il tarixli, MN № 1351537/133 nömrəli inzibati xəta haqqında protokolla və protokola əlavə edilmiş sənədlərlə təsdiq olunur. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin səxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Azərbaycan Respublikası İXM-nin 31-33-cü maddələrinə əsasən işin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək, Şəxs inzibati xətanı törətməsi faktının təsdiq olunması qənaətinə gəlməklə, inzibati xətanın xarakterini, onun təqsirinin dərəcəsini məsuliyyətini yüngülləşdirən hallar kimi və məsuliyyətini ağırlaşdıran halların olmadığını nəzərə alaraq, məhkəmə hesab edir ki, inzibati xəta törətmiş şəxs Şəxs barəsində Azərbaycan Respublikası İXM-nin 590.2-ci maddəsində nəzərdə tutulan inzibati xətanın predmeti olan Salyan RPŞ-də saxlanılan zavod üsuli ilə istehsal edilmiş bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silahı müsadirə edilməklə, cərimə növündə inzibati tənbeh tədbiri tətbiq edilməlidir. Şərh olunanlara əsaslanaraq və Azərbaycan Respublikası İXM-nin 40-cı, 43-cü, 48- 51-ci, 114-cü və 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə təqsirli bilinib, Salyan RPŞ-də saxlanılan bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silah müsadirə edilməklə, barəsində 80 (səksən) manat məbləğində cərimə inzibati tənbeh tədbiri tətbiq edilsin. Müsadirə edilmiş Salyan RPŞ-də saxlanılan bir ədəd 1957-ci ildə zavod üsulu ilə istehsal edilmiş 16 kalibirli, «İJ-K» modelli, patraonluğunun uzunluğu 70 mm olan, «C 21456» nömrəli, xarici çaxmaqlı, təklüləli, yivsiz odlu ov silahı Azərbaycan Respublikası DİN-nin Təchizat İdarəsinə təhvil verilsin. Qərarın Surati təqdim edildiyi və ya alındığı gündən 10 gün müddətində Salyan Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər. Sədrlik edən: Ağarza Səmədov