Samux Rayon Məhkəməsi Qərar — İş №3(058)-111/2023

Azərbaycan Respublikası adından QƏRAR Samux rayonu İş № 3(058)-111/2023 25.05.2023 SAMUX RAYON MƏKƏMƏSİ Hakim Kərimova Tərifə Əbülfət qızının sədrliyi, Mikayılov Cəlil Ağadin oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1991-ci il tarixdə Samux rayonunda doğulmuş, Azərbaycan Respublikasının vətəndaşı, orta təhsilli, evli, Samux rayonu Alıuşağı kəndində qeydiyyatda olan və həmin ünvanda yaşayan Şəxs Azərbaycan Respublikası İnzibati Xətalar Məcəlləsinin 525-ci maddəsi ilə nəzərdə tutulmuş inzibati xətanı törətməsinə dair Gəncə şəhəri BPİ-nin Kəpəz Rayon Polis İdarəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikası İXM-in 525-ci maddəsi ilə inzibati məsuliyyətə cəlb edilməsi ilə bağlı Samux Rayon Prokurorluğunda tərtib olunmuş material baxılması üçün Samux Rayon Məhkəməsinə göndərilmişdir. Materiala əlavə edilmiş Samux Rayon Prokurorluğu tərəfindən tərtib olunmuş 05 may 2023-cü il tarixli inzibati xəta haqqında iş üzrə icraatın başlanması haaqında qərarda göstərilmişdir ki, X2 xx.xx.2023-cü il tarixdə saat 22:00 radələrindən xx.xx.2023-cü il tarixdə saat 01:00 radələrinədək olan müddət ərzində Samux rayon Alıuşağı kəndi ərazisində yerləşən X1 icarə əsasında işlətdiyi çayxanada X3, X4, Şəxs və X5 ilə birlikdə oyun kartları vasitəsilə pul vəsaitləri barəsində oynanılan və uduşu qeyri-müəyyənlikdən və təsadüfdən asılı olan qumar oynamışdır. Beləliklə də, X2 Azərbaycan Respublikası İnzibati Xətalar Məcəlləsinin 525-ci maddəsində nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında icraat aparılan şəxs Şəxs özünü təqsirli bilərək izahatında göstərdi ki, o, inzibati xəta haqqında iş üzrə icraatın başlanması haqqında qeyd edilən əməli törətmişdir. Belə ki, xx.xx.2023-cü il tarixdə saat 22:00 radələrindən xx.xx.2023-cü il tarixdə saat 01:00 radələrinədək çayxanada tanışları ilə oyun kartları ilə qumar oynayarkən polis əməkdaşları gələrək onların qumar oynadıqlarını görmüşdür. Törətdiyi əməldən peşmandır. Barəsində yüngül inzibati tənbeh tətbiq edilməsini xahiş edir. Samux Rayon Prokurorluğuna məhkəmə iclasının vaxtı və yeri barədə lazımi qaydada məlumat verilməsinə baxmayaraq, məhkəmə iclasında nümayəndəsinin iştirakını təmin etməmiş, bunun səbəbləri barədə məhkəməyə məlumat verməmişdir. Buna görə də məhkəmə nümayəndənin iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş inzibati xəta haqqında iş üzrə icraatın başlanması haqqında xx.xx.2023-cü il tarixli qərardan görünür ki, X2 xx.xx.2023-cü il tarixdə saat 22:00 radələrindən xx.xx.2023-cü il tarixdə saat 01:00 radələrinədək olan müddət ərzində Samux rayon Alıuşağı kəndi ərazisində yerləşən X1 icarə əsasında işlətdiyi çayxanada X3, X2, X4 və X5 ilə birlikdə oyun kartları vasitəsilə pul vəsaitləri barəsində oynanılan qumar oynamışdır. İş materiallarında olan “baxış və götürmə haqqında” xx.xx.2023-cü il tarixli protokoldan görünür ki, baxış və götürmənin aprıldığı yer Samux rayonu Alıuşağı kəndində yerləşən çayxana kimi fəaliyyət göstərən obyektdə baxış zamanı stolun üzərində 2 ədəd 10 manatlıq, 5 ədəd 1 manatlıq əskinaz və 36 ədəd oyun kartı olmuşdur. Azərbaycan Respublikasının İnzibati Xətalar Məcəlləsinin 525-ci maddəsində qumar oyununda iştirak etmə, yəni qumar oynamağa görə - oyun ləvazimatı, habelə qumara qoyulmuş pul vəsaitləri və ya digər əmlak, qazanılmış uduş, mükafat və ya digər gəlir müsadirə edilməklə üç min manat məbləğində cərimə nəzərdə tutulmuşdur. Məhkəmə hesab edir ki, Şəxs Azərbaycan Respublikası İXM-nin 525-ci maddəsində nəzərdə tutulan inzibati xətanı törətməsi özünün etirafedici izahatı ilə yanaşı, inzibati xəta haqqında materialda olan sənədlərlə tam sübuta yetirilir. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, törədilmiş inzibati xətanın xarakterini, məsuliyyəti yüngülləşdirən hal kimi inzibati xəta törətmiş şəxsin səmimi peşmançılığını, məsuliyyəti ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İXM-nin 525-ci maddəsi ilə təqsirli bilinərək, həmin maddənin sanksiyası çərçivəsində inzibati xətanın predmeti müsadirə edilməklə inzibati cərimə növündə tənbeh tətbiq edilməlidir. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 525-ci maddəsi ilə təqsirli bilinib, inzibati xətanın predmeti olan 25 (iyirmi beş) manat pul vəsaiti və 36 ədəd oyun kartları müsadirə edilməklə, 3000 (üç min) manat məbləğində inzibati cərimə edilsin. Qərardan rəsmi qaydada verildiyi vaxtdan 10 gün müddətində Samux Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Sədrlik edən: Tərifə Kərimova