Samux Rayon Məhkəməsi Qərardad — İş №3(058)-139/2024

Azərbaycan Respublikası adından QƏRARDAD Samux rayonu İş № 3(058)-139/2024 04.07.2024 SAMUX RAYON MƏHKƏMƏSİ Samux Rayon Məhkəməsini hakimi Kərimova Tərifə Əbülfət qızı, Şəxs (VÖEN: **********) Azərbaycan Respublikası İnzibati Xətalar Məcəlləsinin 192.1-ci maddəsi ilə inzibati məsuliyyətə cəlb edilməsinə dair Əmək və Əhalinin Sosial Müdafiəsi Nazirliyi yanında X5 Xidməti X2ndən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Şəxs MMC-nin Azərbaycan Respublikası İnzibati Xətalar Məcəlləsinin 192.1-ci maddəsi ilə inzibati məsuliyyətə cəlb edilməsinə dair Əmək və Əhalinin Sosial Müdafiəsi Nazirliyi yanında X5 Xidməti X2nin, baş məsləhətçisi – baş əmək müffətişi X8 tərəfindən tərtib edilmiş xx.xx.2023-cü il tarixli inzibati xəta haqqında protokol xx.xx.2023-cü il tarixdə baxılması üçün Samux Rayon Məhkəməsinə göndərilmişdir. Samux Rayon Məhkəməsinin 3(058)13/2024 saylı, xx.xx.2024-cü il tarixli qərarına əsasən Şəxs Azərbaycan Respublikası İnzibati Xətalar Məcəlləsinin 192.1-ci maddəsi ilə təqsirli bilinərək 20000 (iyirmi min) manat məbləğində inzibati cərimə edilmişdir. Məhkəmənin həmin qərararından narazı qalan Şəxs direktoru X3 xx.xx.2024-cü il tarixdə apellyasiya şikayəti vermiş və şikayət işlə birlikdə baxılması üçün Gəncə Apellyasiya Məhkəməsinə göndərilmişdir. Gəncə Apellaysiya Məhkəməsinin 3(104)108/2024 saylı, xx.xx.2024-cü il tarixli qərarı ilə Samux Rayon Məhkəməsinin 22 yanvar 2024-cü il tarixli qərarı ləğv edilərək, inzibati xəta haqqında iş yenidən araşdırılması üçün Əmək və Əhalinin Sosial Müdafiəsi Nazirliyi yanında X5 Xidməti X1 qaytarılmışdır. Əmək və Əhalinin Sosial Müdafiəsi Nazirliyi yanında X5 Xidməti X2 tərəfindən iş üzrə yenidən araşdırma aparılmalı olduğu halda Şəxs Azərbaycan Respublikası İnzibati Xətalar Məcəlləsinin 192.1-ci maddəsi ilə təqsirli bilinməsinə dair əvvəlki inzibati xəta haqqında material təkrarən Samux Rayon Məhkəməsinə göndərilmişdir. Samux Rayon Məhkəməsinin 3(058)118/2024 saylı, xx.xx.2024-cü il tarixli qərardadına əsasən həmin material Əmək və Əhalinin Sosial Müdafiəsi Nazirliyi yanında X5 Xidməti X1 geri qaytarılmışdır. Hazırda Əmək və Əhalinin Sosial Müdafiəsi Nazirliyi yanında X5 Xidməti X2 tərəfindən Şəxs Azərbaycan Respublikası İnzibati Xətalar Məcəlləsinin 192.1-ci maddəsi ilə təqsirli bilinməsinə dair əvvəlki inzibati xəta haqqında material yenidən təkrarən Samux Rayon Məhkəməsinə göndərilmişdir. Məhkəmə qeyd edir ki, Gəncə Apellyasiya Məhkəməsininin 3(104)108/2024 saylı, xx.xx.2024-cü il tarixli qərarı ilə, hazırki inzibati material üzrə Samux Rayon Məhkəməsinin 22 yanvar 2024-cü il tarixli qərarı ləğv edilərək, inzibati xəta haqqında iş yenidən araşdırılması üçün Əmək və Əhalinin Sosial Müdafiəsi Nazirliyi yanında X5 Xidməti X1 qaytarılmışdır. İnzibati xəta haqqında materialdan aydın olur ki, Əmək və Əhalinin Sosial Müdafiəsi Nazirliyi yanında X5 Xidməti X2 tərəfindən sözügedən inzibati xəta haqqında yenidən heç bir araşdırma aparılmadan əvvəlki material eynilə təkrarən birinci instansiya məhkəməsinə göndərilmişdir. Məhkəmə bir daha qeyd edir ki, məhkəmənin daha əvvəl hüquqi qiymət verdiyi və bu barədə qərar qəbul etdiyi (həmçinin həmin qərar apellyasiya instansiyası tərəfindən ləğv olunduğu halda) eyni inzibati xəta haqqında materiala yenidən baxması yolverilməzdir. Ona görə də inzibati xəta haqqında material inzibati orqana geri qaytarılmalıdır. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Göstərilənlərə əsasən və Azərbaycan Respublikası İnzibati Xətalar Məcəlləsinin 109.1.6ci maddəsini rəhbər tutaraq, qərara aldı: Şəxs (VÖEN: **********) Azərbaycan Respublikası İnzibati Xətalar Məcəlləsinin 192.1-ci maddəsi ilə inzibati məsuliyyətə cəlb edilməsinə dair Əmək və Əhalinin Sosial Müdafiəsi Nazirliyi yanında X5 Xidməti X2ndən daxil olmuş inzibati xəta haqqında material həmin inzibati orqana geri qaytarılsın. Qərardaddan şikayət və ya protest verilə bilməz. Hakim: Tərifə Kərimova