Samux Rayon Məhkəməsi Qərar — İş №3(058)-167/2024

Azərbaycan Respublikası adından QƏRAR Samux rayonu İş № 3(058)-167/2024 20.08.2024 SAMUX RAYON MƏHKƏMƏSİ X10 Əhməd oğlunun sədrliyi, Tağıyev Hüseyn Firqət oğlunun katibliyi, Samux rayon Polis Şöbəsinin İTB-in sahə rəisi polis kapitanı X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.2001-ci ildə Samux rayonu, Kolayır kəndində anadan olmuş, Azərbaycan Respublikası vətəndaşı, subay, orta təhsilli, işləməyən “Vətən müharibəsi iştirakçısı”, Samux rayonu, Kolayır kəndində yaşayan Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməsinə dair Samux rayon Polis şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə müəyyən etdi: Şəxs 20 avqust 2024-cü il tarixdə saat 23:00 radələrində Samux rayon Polis şöbəsinə gedərək səs-küy salmış, intizama dəvət olunsa da polis əməkdaşlarının qanuni tələbinə qəsdən tabe olmayaraq, öz hərəkətlərini davam etdirərək, ictimai qaydanı açıq şəkildə pozmağa davam etmişdir. Şəxs barəsində İXM-nin 535.1-ci maddəsi ilə inzibati xəta haqqında protokol tərtib edilmiş və toplanmış materiallar aidiyyatı üzrə baxılması üçün Samux Rayon Məhkəməsinə göndərilmişdir. Məhkəmə iclasında inzibati xəta haqqında protokol tərtib etmiş şəxs Samux rayon Polis şöbəsinin İTB-in sahə rəisi polis kapitanı X3 inzibati protokoldakı xüsusatları təsdiq edərək, barəsində inzibati xəta haqqında iş üzrə icraat aparılan şəxs Şəxs qanunvericiliklə müəyyən olunmuş qaydada inzibati tənbeh verilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, Samux rayon Kolayır kəndində yaşayır, 44 günlük vətən müharibəsində “Zəngilanın azad olunmasına görə” medalla tərtif edilmişdir. 19 avqsut 2024-cü il tarixdə axşam saat 23:00 radələrində dostu ona mobil telefon vasitəsi ilə zəng edərək bildimişdir ki, qardaşı Eltun Mehdiyevi polis əməkdaşları Samux rayon polis şöbəsinə aparmışlar. O, bunu eşidəndən sonra əsəbi halda Samux rayon Polis şöbəsinin qarşısına getmiş və polis şöbəsinin giriş hissəsində xidmət aparan polis əməkdaşına bildirmişdir ki, hansı səbəbdən onun qardaşını polis şöbəsinə gətirmişlər. Bu zaman o, əsəbi olduğu üçün polis əməkdaşına kobud cavab vermiş və onların arasında mübahisə yaranmışdır. Polis əməkdaşları onu nizam intizama dəvət etsələr də o, polis əməkdaşlarının qanuni tələblərinə qəsdən tabe olmayaraq, öz hərəkələrini davam etdirmişdir. Əməlindən peşmandır. Məhkəmədən barəsində yüngül inzibati tənbeh növü tətbiq edilməsini xahiş etdi. Məhkəmə iclasında şahid qismində dindirilən Samux rayon Polis şöbəsinin postpatrul xidmət bölüyü polis nəfəri X5 bildirdi ki, 19 avqsut 2024-cü il tarixdə axşam saat 23:00 radələrində Samux rayon polis şöbəsinin 1 nömrəli postunda xidmətdə olan zaman adını sonradan bildiyi Şəxs əsəbi halda ona yaxınlaşaraq “nəyə görə, nə səbəbdən mənim qardaşımı polis şöbəsinə gətirmişlər” demiş, bu zaman o, Şəxs səbrli olmağa və nizam intizama dəvət etmişdir. Buna baxmayaraq Şəxs onun qanuni tələbinə tabe olmayaraq onunla mübahisə edərək öz hərəkətlərini davam etdirmişdir. Məhkəmə iclasında şahid qismində dindirilən X6 eyni məzmunlu izahat verərək, X2 izahatında göstərmiş olduğu xüsusatları təsdiq etdi. İş materiallarına əlavə edilmiş 19 avqsut 2024-cü il tarixli, 703 nömrəli inzibati qaydada tutma haqqında protokoldan görünür ki, Şəxs 19 avqust 2024-cü il tarixdə saat 23:10-da inzibati qaydada tutulmuşdur. İş materiallarına əlavə edilmiş Azərbaycan Respublikası “X7” İctimai Birliyi tərəfindən verilmiş vəsiqənin surətindən görünür ki, Şəxs müharibə iştirakçısıdır. İş materiallarına əlavə edilmiş Azərbaycan Respublikasının Prezidentinin 25 dekabr 2020-ci il tarixli, 2363 nömrəli sərəncamı ilə Şəxs 44 günlük vətən müharibəsində “Zəngilanın azad olunmasına görə” medalla tərtif olunmuşdur. Şəxs ictimai yerdə polis əməkdaşının haqlı iradına baxmayaraq əsassız mübahisə yaratması və bu zaman ictimai qaydanın mühafizəsi üzrə öz vəzifələrini icra edən polis əməkdaşının qanuni tələblərinə qəsdən tabe olmaması və beləliklə İXM-in 535.1-ci maddəsi ilə nəzərdə tutulmuş inzibati xətanı törətməsi barəsində tərtib edilmiş protokol, özünün etiraf edici ifadəsi ilə tam şəkildə sübuta yetirilir. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizəsi vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-in 535.1-ci maddsi ilə nəzərdə tutulmuş inzibati xətanın baxılması eyni orqanın (məhkəmənin) səlahiyyətlərinə aiddir. Buna görə də X4 İXM-nin 535.1-ci maddəsi ilə nəzərdə tutulmuş inzibati xətanın törədilməsində təqsirli bilinməklə ona İXM-nin 535.1-ci maddəsi ilə nəzərdə tutulmuş inzibati xətanın sanksiyası çərçivəsində tənbeh tətbiq edilməlidir. Azərbaycan Respublikası İnzibati Xətalar Məcəlləsinin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Azərbaycan Respublikası İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xəta haqqında iş üzrə icraatı rədd edən hallar və inzibati məsuliyyətdən azadetmə üçün əsaslar məhkəmə baxışında aşkar edilməmişdir. Məhkəmə inzibati xətanın xarakterini, təqsirləndirilən şəxsin şəxsiyyətini və onun təqsirinin dərəcəsini, habelə ilk dəfə inzibati məsuliyyətə cəlb edilməsini nəzərə alaraq, hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilər. Yuxarıda göstərilənlərə əsasən Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib 150 (yüz əlli) manat məbləğində inzibati cərimə edilsin. Şəxs dərhal məhkəmə zalından həbsdən azad edilsin. Qərarın icrası Samux rayon İcra və Probasiya şöbəsinə həvalə edilsin. Qərardan rəsmi qaydada verildiyi vaxtdan 10 (on) gün müddətində Samux Rayon Məhkəməsi vasitəsi ilə və ya bilavasitə Gəncə Apellyasiya Məhkəməsinə şikayət verilə bilər. Sədrlik edən: Gündüz Şirinov