Samux Rayon Məhkəməsi Qərar — İş №3(058)-175/2024

Azərbaycan Respublikası adından QƏRAR Samux rayonu İş № 3(058)-175/2024 09.09.2024 SAMUX RAYON MƏHKƏMƏSİ Hakim Kərimova Tərifə Əbülfət qızının sədrliyi, Mikayılov Cəlil Ağadin oğlunun katibliyi ilə, Şəxs Azərbaycan Respublikasının İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanın törədilməsində təqsirləndirilməsinə dair Samux Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Samux Rayon Polis Şöbəsindən Şəxs müvafiq sənədi olmayan ov tüfəngi aşkar edildiyindən onun Azərbaycan Respublikasının İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməsi barədə inzibati protokol tərtib edilərək məhkəməyə təqdim olunmuşdur. Samux Rayon Polis şöbəsinə və Şəxs məhkəmə iclasının yeri və vaxtı barədə məlumatlandırılmış, buna baxmayaraq onlar heç bir üzürlü səbəb olmadan məhkəməyə gəlməmişlər və işə baxılmasının təxirə salınması barədə məhkəməyə vəsatət verməmişdirlər. İş materiallarına əlavə edilmiş sənədlərlə aşağıdakılar müəyyən edilir: MN ******* saylı, xx.xx.2024-cü il tarixli inzibati xəta haqqında protokoldan görünür ki, Şəxs İnzibati Xətalar Məcəlləsinin 590.2-ci maddəsi ilə təqsirləndirilməsinə dair onun barəsində müvafiq protokol tərtib edilmişdir. xx.xx.2024-cü il tarixli raportdan görünür ki, xx.xx.2024-cü il tarixdə Samux Rayon Qarayeri qəsəbəsində, Samux Rayon Polis Şöbəsinin PPXB-nin polis serjantı X1 Dadayev xidmətdə olan zaman Samux Rayon Qarayeri qəsəbə sakini Şəxs əlində silahla əkin sahəsi ilə hərəkətdə olduğunu görüb ona yaxınlaşaraq özlərini təqdim etdikdən sonra ondan özünün və silahın sənədlərini təqdim etməsi tələb olunmuş, lakin Şəxs müvafiq sənədi təqdim etmədiyindən onu Samux RPŞ-nə dəvət etmişlər. xx.xx.2024-cü il tarixdə Şəxs tərəfindən verilmiş izahatdan görünür ki, o, babasından yadigar qalan “TOZ” markalı 16 çaplı, 1 lüləli, H77128 nömrəli ov silahından istifadə etdiyini, polis əməkdaşları ondan silaha dair müvafiq sənəd tələb etdikdə heç bir sənəd təqdim etmədiyini bildirmişdir. Beləliklə, Şəxs İXM-in 590.2-ci maddəsində nəzərdə tutulan inzibati xətanı törətməsi inzibati xəta haqqında protokol və şəxsin iş materiallarındakı izahatı ilə tam sübuta yetirilir. İXM-in 3-cü maddəsinə əsasən yalnız həmin Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyasızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. İnzibati xəta törətmiş şəxs Şəxs əməlində məsulliyyəti ağırlaşdıran və yüngülləşdirən hallar aşkar edilmədi. İXM-in 590.2-ci maddəsinə əsasən maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə, silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Məhkəmə Şəxs şəxsiyyətini, törətmiş olduğu xətanın xarakterini nəzərə alaraq ona məxsus silah müsadirə edilməklə 80 manat məbləğində inzibati qaydada cərimə edilməsini məqsədəuyğun hesab edir. Qeyd olunanları nəzərə alaraq və İXM-in 40, 43, 48, 48-51, 61, 73, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməkdə təqsirli bilinib 80 (səksən) manat cərimə edilsin. Bir ədəd “TOZ” markalı 16 çaplı, 1 lüləli, H77128 nömrəli ov tüfəngi müsadirə edilsin. Qərarın icrası Samux rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Samux Rayon Məhkəməsi vasitəsi ilə Gəncə Apellyasiya Məhkəməsinə şikayət verilə bilər. Qərardan apellyasiya qaydasında şikayət verilmədikdə, həmin müddət başa çatdığı vaxtdan sonrakı gün qərar qanuni qüvvəyə minir. Hakim: Tərifə Kərimova