Samux Rayon Məhkəməsi Qərardad — İş №3(058)-258/2023

Azərbaycan Respublikası adından QƏRARDAD Samux rayonu İş № 3(058)-258/2023 21.11.2023 SAMUX RAYON MƏHKƏMƏSİ Samux Rayon Məhkəməsinin hakimi Şirinov Gündüz Əhməd oğlunun sədrliyi, Tağıyev Hüseyn Firqət oğlunun katibliyi ilə, X1 Samux rayon X10 İdarəsinin inzibati xəta haqqında iş üzrə 27 sentyabr 2023-cü il tarixli, TP ******* nömrəli inzibati tənbeh vermə haqqında qərarından verdiyi şikayətə baxaraq, məhkəmə müəyyənetdi: Samux Rayon Polis Şöbəsinin polis mayoru X5 27 sentyabr 2023-cü il tarixli, TP ******* nömrəli inzibati tənbeh vermə haqqında qərarı ilə X4 Azərbaycan Respublikası İnzibati Xətalar Məcəlləsinin 327.2-ci maddəsi ilə təqsirli bilinib 80 manat məbləğində inzibati cərimə edilmişdir. Həmin qərardan narazı qalan X4 şikayət verərək qərarın ləğv edilməsini xahiş etmişdir. Qərardan şikayət verən şəxs X4 məhkəməyə vəsatətlə müraciət edərək hazırda Gəncə şəhərində qeydiyyatda olduğunu bildirmiş, ona görə də, şikayətin baxılması üçün Gəncə Şəhər Məhkəməsinə göndərilməsini xahiş etmişdir. Məhkəmə tərəfindən müəyyən olunmuşdur ki, şikayəti vermiş X2 şəhərində qeydiyyatdadır, ona görə də şikayət aidiyyatı üzrə baxılmalı olduğu məhkəməyə göndərilməlidir. Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Yaşayış yeri və olduğu yer üzrə qeydiyyat haqqında Azərbaycan Respublikasının Qanununun 3-cü maddəsinin 1-ci hissəsinə əsasən yaşayış yeri Azərbaycan Respublikası vətəndaşı barədə — yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. İXM-in 129.1.3-cü maddəsində qeyd edilmiş yaşayış yeri şəxsin faktiki olduğu yeri yox, şəxsiyyət vəsiqəsi məlumatlarına əsasən daimi pasport qeydiyyatına alındığı yeri nəzərdə tutur. Buna görə də verilmiş şikayətə aidiyyəti üzrə Gəncə Şəhər Məhkəməsində baxılmalıdır. Azərbaycan Respublikası İnzibati Xətalar Məcəlləsinin 129.4-cü maddəsinə əsasən şikayətə və ya protestə baxılma hakimin, orqanın (vəzifəli şəxsin) səlahiyyətinə aid olmadıqda, şikayət və ya protest üç gün müddətində aidiyyəti üzrə göndərilir. Şərh olunanlara əsasən və Azərbaycan Respublikası İnzibati Xətalar Məcəlləsinin 129-cu maddəsini rəhbər tutaraq, məhkəmə qəraraaldı: X1 Samux Rayon Polis Şöbəsinin polis mayoru X5 27 sentyabr 2023-cü il tarixli, TP ******* nömrəli inzibati tənbeh vermə haqqında qərarından verdiyi şikayət baxılması üçün aidiyyəti üzrə Gəncə Şəhər Məhkəməsinə göndərilsin. Sədrlik edən: Gündüz Şirinov