Samux Rayon Məhkəməsi Qərardad — İş №3(058)-421/2025

Azərbaycan Respublikası adından QƏRARDAD Samux rayonu İş № 3(058)-421/2025 18.08.2025 SAMUX RAYON MƏHKƏMƏSİ Hakim Kərimova Tərifə Əbülfət qızının sədrliyi, Zərgərli Ata Nərbala oğlunun katibliyi ilə, Daxili İşlər Nazirliyi Baş Dövlət Yol Polisi İdarəsi mərkəzi informasiya sistemi tərəfindən çıxarılmış xx.xx.2025-ci il tarixli, EQ29147691 saylı inzibati tənbeh vermə haqqında qərarından X1 tərəfindən verilmiş şikayətə məhkəmənin inzibati binasında, açıq məhkəmə iclasında baxaraq, məhkəmə müəyyən etdi: Daxili İşlər Nazirliyi Baş Dövlət Yol Polisi İdarəsi mərkəzi informasiya sistemi tərəfindən çıxarılmış xx.xx.2025-ci il tarixli, EQ29147691 saylı inzibati tənbeh vermə haqqında qərarına əsasən X1 Azərbaycan Respublikası İnzibati Xətalar Məcəlləsinin 328.2-ci maddəsi ilə nəzərdə tutulmuş inzibati xətaların törədilməsinə görə 50 manat məbləğində inzibati cərimə edilmişdir. Qərardan narazı qalan X1 məhkəməyə şikayət verərək sözügedən qərarın ləğv edilməsini xahiş etmişdir. X1 məhkəməyə xx.xx.2025-ci il tarixdə ərizə ünvanlayaraq şikayətdən imtina etdiyini bildirmiş və şikayətin geri qaytarılmasını xahiş etmişdir. Məhkəmə şikayəti və iş materiallarını nəzərdən keçirib hesab edir ki, şikayətə baxılmasına xitam verilməli və şikayət geri qaytarılmalıdır. İnzibati Xətalar Məcəlləsində şikayətin geri qaytarılması ilə bağlı məsələlər tənzimlənməmişdir. Azərbaycan Respublikası Konstitusiya Məhkəməsinin Plenumunun “Azərbaycan Respublikası İnzibati Xətalar Məcəlləsinin 128.1-ci maddəsinin şərh edilməsinə dair” 2 noyabr 2016-cı il tarixli qərarında qeyd olunur ki, cinayət-prosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. Buna görə də məhkəmə hazırkı məsələ ilə bağlı Azərbaycan Respublikası Cinayət Prosessual Məcəlləsinin 391.11-ci maddəsinin analogiya üzrə tətbiqini mümkün hesab edir. CPM-in 391.11-ci maddəsinə əsasən apellyasiya şikayətini və ya apellyasiya protestini vermiş şəxs öz apellyasiya tələblərindən imtina etdikdə və cinayət prosesinin digər iştirakçılarının apellyasiya şikayəti və ya apellyasiya protesti olmadığı halda, məhkəmə apellyasiya şikayətinə və ya apellyasiya protestinə baxılmasına xitam verilməsi haqqında qərar çıxarır. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə q ə r a r a a l d ı: Daxili İşlər Nazirliyi Baş Dövlət Yol Polisi İdarəsi mərkəzi informasiya sistemi tərəfindən çıxarılmış xx.xx.2025-ci il tarixli, EQ29147691 saylı inzibati tənbeh vermə haqqında qərarından X1 tərəfindən verilmiş şikayətə baxılmasına xitam verilsin. Şikayət və ona əlavə edilmiş sənədlər geri qaytarılsın. Qərarın surəti təqdim edildiyi və ya alındığı gündən 10 gün müddətində Samux Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət və ya protest verilə bilər. Sədrlik edən: Tərifə Kərimova