Samux Rayon Məhkəməsi Qərar — İş №3(058)-543/2025

Azərbaycan Respublikası adından QƏRAR Samux rayonu İş № 3(058)-543/2025 02.10.2025 SAMUX RAYON MƏHKƏMƏSİ Hakim Kərimova Tərifə Əbülfət qızının sədrliyi, Zərgərli Ata Nərbala oğlunun katibliyi ilə, Samux Rayon Polis Şöbəsinin polis sahə rəisi X5, zərərçəkmiş şəxs X2 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1967-ci il Ermənistan Respublikasında doğulmuş, evli, orta təhsilli, işləməyən, Göygöl rayonun Quşqara kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsinə dair Samux Rayon Polis Şöbəsindən daxil olmuş inzibati xəta haqqında iş materiallarına açıq məhkəmə iclasında baxaraq, məhkəmə müəyyən etdi: Samux RPŞ-nin polis sahə rəisi, X5 tərəfindən Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsi barədə protokol tərtib edilərək baxılması üçün məhkəməyə göndərilmişdir. Protokolda qeyd edilir ki, Şəxs xx.xx.2025-ci il tarixdə Samux rayonu Qarayeri qəsəbəsində X2 ilə aralarında baş vermiş şəxsi münasibətlər zəminində M.İmranovanı döymüşdür. Məhkəmə iclasında iştirak edən protokolu tərtib etmiş şəxs Samux RPŞ-nin polis sahə rəisi, X5 izahatında bildirdi ki, sözügedən inzibati xəta haqqında protokolu Samux RPŞ-nin TQ-nun təhqiqatçısı, polis baş leytenantı Amin Muradovun cinayət işinin başlanmasının rədd edilməsi haqqında qərarı əsasında tərtib etmişdir. Həmin qərarda qeyd olunmuşdur ki, Şəxs xx.xx.2025-ci il tarixdə Samux rayonu Qarayeri qəsəbəsində X2 ilə aralarında baş vermiş şəxsi münasibətlər zəminində mübahisə zamanı sonuncunun sağ nahiyəsinə qəsdən xəsarət yetirməklə sağ çiyin nahiyəsinin qançırları kimi dərəcəsinə görə sağlamlığa zərər vurmayan xəsarətlər yetirməklə, Azərbaycan Respublikası İXM-nin 157ci maddəsində nəzərdə tutulan inzibati xətanı törətmişdir. Şəxs əməlində cinayət tərkibi olmadığından cinayət işin başlanması rədd edilmiş və onun buna görə Şəxs barəsində İXM-in 157-ci maddəsi ilə nəzərdə tutulmuş inzibati xətanı törətməsinə dair protokol tərtib edərək məhkəməyə təqdim etmişdir. Göstərilənlərə əsasən Şəxs törətdiyi inzibati xətaya görə inzibati məsuliyyətə cəlb edilməsini xahiş edir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs ifadə verərək bildirdi ki, o, xx.xx.2025-ci il tarixində həyat yoldaşı ilə birlikdə Samux rayonu Qarayeri qəsəbəsində yerləşən əvvəllər M.İmranova ilə birlikdə işlətdikləri çörək sexində qalan ləvazimatlarını götürmək üçün getmişdir. Çörək sexinə çatan zaman Məxmərdən əşyalarını verməyi tələb etmiş, Məxmər isə onun kommunala olan borcu olduğunu bildirərək əşyaları verməkdən imtina etmişdir. Bu səbəbdən onlar arasında mübahisə yaranmış, Məxmər onu təhqir etmiş və onun üzərinə gələrək ona şillə vurmuş və üzünü cırmışdır. O isə sadəcə özünü müdafiə məqsədi ilə M.İmranovanı qollarından tutaraq ona xəsarət yetirməsinə mane olmuşdur. Məhkəmə iclasında iştirak edən zərərçəkmiş şəxs X2 bildirdi ki, xx.xx.2025-ci il tarixində Şəxs həyat yoldaşı ilə birlikdə çörək sexinə un kisələrini götürməyə gələn zaman o, onlara bildirmişdir ki, kommunala borcları var və həmin borcu ödəmədikləri təqdirdə un kisələrini onlara verməcək. Bu səbəbdən aralarında mübahisə baş vermiş, Şəxs əli ilə onun başına və çiyninə vurmuşdur. Məhkəmə iclasında şahid qismində ifadə verən X6 ifadəsində bildirdi ki, xx.xx.2025-ci il tarixində Şəxs həyat yoldaşı ilə birlikdə çörək sexinə un kisələrini götürməyə gəlmişlər, bu zaman onların kommunala olan borcları səbəbindən o və arvadı Məxmər un kisələrini onlara verməmişlər. Şəxs ona qarşı nalayiq ifadələr işlətmiş bu zaman həyat yoldaşı M.İmranova onun üstünə getmiş, Elçin isə Məxmərin başına zərbələr endirmişdir. İş materiallarına əlavə edilmiş sənədlər aşağıdakılar müəyyən edilir: 14 sentyabr 2025-ci il tarixli “cinayət işinin başlanmasının rədd edilməsi haqqında” qərarın surətindən görünür ki, qərarın təsviri hissəsində göstərilənlərə əsasən, toplanmış material üzrə cinayət işinin başlanması rədd edilmişdir. Şəxs Azərbaycan Respublikası İXM-nin 157-ci maddəsində nəzərdə tutulan inzibati xətanı törətdiyindən onun barəsində həmin maddədə nəzərdə tutulan inzibati qaydada tədbir görülməsi və gələcəkdə baş verə biləcək cinayət hadisələrinin qarşısının alınması məqsədi ilə profilaktik tədbirlərin görülməsi məsələsinə baxılması üçün qərarın surəti Samux RPŞ-nin İTB-nə göndərilməsi qərara alınmışdır. Azərbaycan Respublikası Səhiyyə Nazirliyi Məhkəmə-Tibbi Ekspertiza və X3 Publik Hüquqi şəxsin tərəfindən verilmiş 15 avqust 2025-ci il tarixli 93 nömrəli ekspert rəyindən görünür ki, X1 bədəni üzərində müəyyən edilmiş xəsarətlər- sağ çiyin nahiyəsinin qançırlarıdır ki, bu xəsarətlər- bərk KÜT əşyanın (əşyaların) təsiri nəticəsində əmələ gəlmişdir, əmələ gəlmə müddətləri qərarın təsviri hissəsində göstərilən tarixə, yəni xx.xx.2025-ci il tarixə uyğun gəlir və sağlamlığa zərər vurmayan xəsarətlər olduqları üçün dərəcələri təyin edilmir. Məhkəmə proses iştirakçılarını dinləyib toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, barəsində inzibati xəta haqqında iş üzrə icraat aparılan Şəxs Azərbaycan Respublikası İXM-in 157-ci maddəsində nəzərdə tutulan inzibati xətanı törətməsi ekspert rəyi, zərəçəkmiş şəxsin ifadəsi və digər iş materialları ilə tam sübuta yetirilmişdir. Məhkəmə hesab edir ki, Şəxs əməli düzgün olaraq Azərbaycan Respublikası İXM-in 157-ci maddəsi ilə tövsif edilmişdir və o, həmin maddə ilə təqsirli bilinib inzibati tənbeh edilməlidir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati məsuliyyəti istisna edən və icraatı rədd edən halların mövcud olması məhkəmə iclasında aşkar edilməmişdir. Məhkəmə baxışında Şəxs əməlindən yüngülləşdirən və ağırlaşdıran hallar müəyyən edilmədi. Məhkəmə, inzibati xətanın xarakterini, təqsirləndirilən şəxsin şəxsiyyətini və onun təqsirinin dərəcəsini nəzərə alaraq onun Azərbaycan Respublikası İXM-nin 157-ci maddəsinin sanksiyasında nəzərdə tutulan inzibati cərimə növündə tənbeh edilməsini məqsədə müvafiq hesab edir. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 40, 43, 53, 114, 115, 128-130-cu maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsində təqsirli bilinərək 300 (üç yüz) manat məbləğində inzibati cərimə edilsin. Qərarın icrası Göygöl Rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Samux Rayon Məhkəməsi vasitəsi ilə və ya bilavasitə Gəncə Apellyasiya Məhkəməsinə şikayət və ya protest verilə bilər. Hakim: Tərifə Kərimova