Siyəzən Rayon Məhkəməsi Qərar — İş №3(059)-163/2021

Azərbaycan Respublikası adından QƏRAR Siyəzən Rayonu İş № 3(059)-163/2021 14.10.2021 SİYƏZƏN RAYON MƏHKƏMƏSİ Mən, Siyəzən Rayon Məhkəməsinin hakimi Ələkbərov Bəylər Ramiz oğlu, Qasımov Kənan Güloğlan oğlunun katibliyi, barəsində inzibati xəta haqqında iş üzrə icraat aparılan Şəxs oğlunun, inzibati xəta haqqında iş üzrə protokol tərtib etmiş vəzifəli şəxs X3 iştirakları ilə xx xxx 1995-ci il tarixdə Siyəzən şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM) 206-cı maddəsi ilə Siyəzən rayon Polis Şöbəsindən daxil olmuş inzibati xəta haqqında materiala Siyəzən Rayon Məhkəməsinin inzibati binasında keçirilən açıq məhkəmə iclasında baxaraq, müəyyən etdim: Barəsində inzibati xəta haqqında iş üzrə icraat aparılan şəxs Şəxs 01 iyul 2021-ci il tarixdə, saat 12:00 radələrində Siyəzən şəhəri, M.Zəkiyev küçəsində yerdən tapdığı psixotrop maddə metafetamini, həmin gün, saat 13:00 radələrində qeyd olunan küçədə yaşadığı 27 saylı binanın girişində istifadə etmiş, bundan sonra, anası X4 şikayəti ilə əlaqədar barəsində toplanmış materialın araşdırılması məqsədilə Siyəzən rayon Polis Şöbəsinin TQ-in təhqiqatçısı X1 14 iyul 2021-ci il tarixli qərarına əsasən aparıldığı Azərbaycan Respublikası Səhiyyə Nazirliyi Respublika Narkoloji X11 Şəxsində müayinəsi zamanı sidiyində psixotrop maddə metafetamindən qanunsuz olaraq istifadə etməsi aşkar edilmişdir. Bu əməli ilə o, İXM-nin 206-cı maddəsi ilə nəzərdə tutulmuş inzibati xətanı törətməkdə təqsirli bilinir. Həmin hadisə ilə əlaqədar 14 oktyabr 2021-ci il tarixli, MN seriyalı, ******* saylı inzibati xəta haqqında protokol tərtib edilərək baxılması üçün Siyəzən Rayon Məhkəməsinə göndərilmişdir. Məhkəmə iclasında iştirak edən Siyəzən rayon Polis Şöbəsinin polis sahə rəisi X5 tərtib etdiyi protokolun məzmununa uyğun, eyni məzmunlu izahat verərək, Şəxs 01 iyul 2021-ci il tarixdə, saat 12:00 radələrində Siyəzən şəhəri, M.Zəkiyev küçəsində yerdən tapdığı psixotrop maddə metafetamini, həmin gün, saat 13:00 radələrində qeyd olunan küçədə yaşadığı 27 saylı binanın girişində istifadə etdiyini, bundan sonra, anası X4 şikayəti ilə əlaqədar barəsində toplanmış materialın araşdırılması məqsədilə Siyəzən rayon Polis Şöbəsinin TQ-in təhqiqatçısı X1 14 iyul 2021-ci il tarixli qərarına əsasən aparıldığı Azərbaycan Respublikası Səhiyyə Nazirliyi Respublika Narkoloji X11 Şəxsində müayinəsi zamanı sidiyində psixotrop maddə metafetamindən qanunsuz olaraq istifadə etməsinin aşkar edildiyini bildirdi. Həmçinin, o, 09 avqust 2021-ci il tarixli qərarla Şəxs əməlində cinayət tərkibinin əlamətləri olmadığından onun barəsində cinayət işinin başlanmasının rədd edildiyini, barəsində inzibati qaydada müvafiq tədbirin görülməsi üçün İnzibati Xətalar Məcəlləsinin 206-cı maddəsinə əsasən inzibati protokol tərtib etməklə müvafiq tədbir görülməsi üçün məhkəməyə təqdim etdiyini qeyd etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs oğlu özünü İXM-nin 206-cı maddəsi ilə təqsirli bilərək izahatında göstərdi ki, o, bir müddət olar, psixotrop maddə metafetamindən istifadə etsə də, hazırda istifadə etmir. Sonuncu dəfə 01 iyul 2021-ci il tarixdə, saat 12:00 radələrində Siyəzən şəhəri, M.Zəkiyev küçəsində yerdən tapdığı psixotrop maddə metafetamini, həmin gün, saat 13:00 radələrində qeyd olunan küçədə yaşadığı 27 saylı binanın girişində istifadə etmiş və o gündən sonra hər hansı bir narkotik vasitə və ya psixotrop maddədən istifadə etməmişdir. Daha sonra, anası X4 şikayəti ilə əlaqədar barəsində toplanmış materialın araşdırılması məqsədilə Siyəzən rayon Polis Şöbəsinin TQ-in təhqiqatçısı X1 14 iyul 2021-ci il tarixli qərarına əsasən aparıldığı Azərbaycan Respublikası Səhiyyə Nazirliyi Respublika Narkoloji X11 Şəxsində müayinəsi zamanı sidiyində psixotrop maddə metafetamindən qanunsuz olaraq istifadə etməsi aşkar edilmişdir. Odur ki, etdiyi əməldən səmimi peşmançılıq hissi keçirməsinin, bir daha belə hərəkətlərə yol verməyəcəyinə dair vədinin nəzərə alınmasını xahiş edir. İş materiallarında olan sənədlərdən görünür ki, Şəxs 01 iyul 2021-ci il tarixdə, saat 12:00 radələrində Siyəzən şəhəri, M.Zəkiyev küçəsində yerdən tapdığı psixotrop maddə metafetamini, həmin gün, saat 13:00 radələrində qeyd olunan küçədə yaşadığı 27 saylı evin girişində istifadə etmiş, bundan sonra, anası X4 şikayəti ilə əlaqədar barəsində toplanmış materialın araşdırılması məqsədilə Siyəzən rayon Polis Şöbəsinin TQ-in təhqiqatçısı X1 14 iyul 2021-ci il tarixli qərarına əsasən aparıldığı Azərbaycan Respublikası Səhiyyə Nazirliyi Respublika Narkoloji X11 Şəxsində müayinəsi zamanı sidiyində psixotrop maddə metafetamindən qanunsuz olaraq istifadə etməsi aşkar edilmişdir. İş materiallarında olan 09 avqust 2021-ci il tarixli cinayət işi başlanmasının rədd edilməsi barədə qərardan görünür ki, Şəxs əməlində cinayət tərkibinin əlamətləri olmadığından onun barəsində cinayət işinin başlanması rədd edilmiş və barəsində inzibati qaydada müvafiq tədbirin görülməsi barədə materiallar aidiyyəti üzrə göndərilmişdir. İş materiallarında olan Azərbaycan Respublikası Səhiyyə Nazirliyi Respublika Narkoloji X11 Şəxsi Ambulator X2 Ekspert komissiyası tərəfindən 16 iyul 2021-ci il tarixdə verilmiş 2375 nömrəli məhkəmə-narkoloji ekspertizasının rəyindən görünür ki, Şəxs oğlunun sidiyində OPİ (+) aşkar edilmişdir. Şəxs opioidlərin birgə qəbulu və psixotrop maddə olan metafetamindən sui-istifadə edilməsi nəticəsində yaranan asılılıq sindromu (narkomaniya xəstəliyi) aşkar olunur. Məcburi müalicəyə ehtiyacı vardır. Ərazi narkoloji dispanserində qeydiyyata alınması məsləhət görünür. İnzibati xəta haqqında materialı araşdırıb, sübutlara məcmu halda, hüquqi qiymət verərək hesab edirəm ki, Şəxs oğlunun İXM-nin 206-cı maddəsində nəzərə tutulmuş inzibati xətanı təqsirli olaraq törətməsi sübuta yetirilmişdir. Azərbaycan Respublikası İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Hesab edirəm ki, barəsində inzibati xəta haqqında iş üzrə icraat aparılan şəxs Şəxs oğlunun əməlindən səmimi peşmançılıq çəkməsi məsuliyyətini yüngülləşdirən hal kimi nəzərə alınmalıdır. Barəsində inzibati xəta haqqında iş üzrə icraat aparılan şəxsin məsuliyyətini ağırlaşdıran hallar müəyyən edilməmişdir. Məsuliyyəti yüngülləşdirən halı, ağırlaşdıran halların olmamasını, inzibati xətanın xarakterini, inzibati xəta törədən şəxsin şəxsiyyətini, onun törətdiyi xəta əməlində bilavasitə ümumilikdə cəmiyyətin, əhalinin sağlamlığının təhlükəsizliyini təmin edən ictimai münasibətlərə qəsd edildiyini, bununla da cəmiyyətdə mənfi emosiyalar doğurmasını, narkotik vasitələrin və psixotrop maddələrin təsiri altında digər həyat və sağlamlıq, tamahzorakı və mülkiyyət əleyhinə olan hüquqazidd əməllər törədə bilmə ehtimalını, əmlak vəziyyətini, onun təqsirinin dərəcəsini nəzərə alaraq, ona İXM-nin 206-cı maddəsinin sanksiyasında nəzərdə tutulmuş həbs növündə inzibati tənbehin tətbiq edilməsini qanuni, legitim, əsaslı və ədalətli hesab edirəm. İXM-nin 37-ci maddəsinin İ, İİİ, İV, V və Vİİ hissələrinə əsasən inzibati həbs nəzərdə tutan inzibati xəta törətmiş, narkomaniyadan müalicəyə ehtiyacı olan şəxslərə inzibati həbs tənbeh növü tətbiq edilərkən məhkəmə tərəfindən onlara məcburi müalicə təyin edilir və inzibati həbs növündə inzibati tənbeh çəkilib qurtardıqdan sonra icra olunur. Barəsində inzibati həbs tənbeh növü tətbiq edilməklə yanaşı, tibbi yoxlama nəticəsinə əsasən narkomaniyadan məcburi müalicə təyin edilmiş şəxslər inzibati həbs tənbeh növünü çəkib qurtardıqdan sonra müvafiq icra hakimiyyəti orqanının tabeliyində olan ixtisaslaşdırılmış tibb müəssisəsində müalicə olunurlar. Şəxs barəsində narkomaniyadan məcburi müalicə təyin edildikdə, məhkəmə bu barədə qanuni qüvvəyə minmiş qərarının surətini icra olunması üçün ixtisaslaşdırılmış tibb müəssisəsinə, habelə məcburi müalicənin icrasına nəzarət edilməsi üçün icra məmuruna göndərir. Barəsində narkomaniyadan məcburi müalicə təyin edilmiş şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilir. İxtisaslaşdırılmış tibb müəssisəsində məcburi müalicə barədə məhkəmə qərarının tələblərinin yerinə yetirilməsinə icra məmuru tərəfindən nəzarət edilir. Eyni zamanda, Şəxs oğluna narkomaniyadan məcburi müalicə təyin olunmalı və o, ərazi narkoloji dispanserdə qeydiyyata alınmalıdır. Şəxs oğlu inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilməlidir. Şəxs oğlunun narkomaniyadan məcburi müalicəsinə nəzarət Azərbaycan Respublikası Ədliyyə Nazirliyinin Siyəzən rayon icra və probasiya şöbəsinə həvalə edilməlidir. Yuxarıda göstərilənlərə əsasən və İXM-nin 40, 43, 48-51, 110, 114-117, 128-130-cu maddələrini rəhbər tutaraq, qərara aldım: Şəxs oğlu Azərbaycan Respublikası İnzibati Xətalar Məcəlləsinin 206-cı maddəsi ilə inzibati xətanı törətməkdə təqsirli bilinsin və ona inzibati tənbeh olaraq 15 (on beş) gün müddətində həbs təyin olunsun. Şəxs oğlu məhkəmə iclas zalından dərhal həbs edilsin. Həbs etmənin əvvəli 14 oktyabr 2021-ci il tarixdən saat 09.20-dən hesablansın. Şəxs oğlu qərarın icrası ilə bağlı olaraq, saxlanılması üçün Azərbaycan Respublikası Daxili İşlər Nazirliyi Siyəzən rayon Polis Şöbəsinin müvəqqəti saxlama yerinə göndərilsin. Şəxs oğluna narkomaniyadan məcburi müalicə təyin olunsun və o, ərazi narkoloji dispanserdə qeydiyyata alınsın. Şəxs oğlu inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilsin. Şəxs oğlunun narkomaniyadan məcburi müalicəsinə nəzarət Azərbaycan Respublikası Ədliyyə Nazirliyinin Siyəzən rayon icra və probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində qərarı qəbul etmiş hakim vasitəsi ilə və ya birbaşa Sumqayıt Apelyasiya Məhkəməsinə şikayət və ya protest verilə bilər. Hakim : Bəylər Ələkbərov