Siyəzən Rayon Məhkəməsi Qərar — İş №3(059)-9/2023

Azərbaycan Respublikası adından QƏRAR Siyəzən Rayonu İş № 3(059)-9/2023 15.02.2023 SİYƏZƏN RAYON MƏHKƏMƏSİ Mən, Siyəzən Rayon Məhkəməsinin hakimi Ələkbərov Bəylər Ramiz oğlu, xx xxxxxx 1982-ci il tarixdə keçmiş Dəvəçi (hazırki Şabran) rayonu, Çuxurazəmi kəndində doğulmuş, Azərbaycan Respublikasının vətəndaşı, subay, Şabran rayonu, Çuxurazəmi kəndində qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM-nin) 590.2-ci maddəsi ilə Siyəzən rayon Polis Şöbəsindən daxil olmuş inzibati xəta haqqında işə baxaraq, MÜƏYYƏN ETDİM: Siyəzən Rayon Polis Şöbəsindən daxil olmuş 18 yanvar 2023-cü il tarixli, MN seriyalı, ******* nömrəli inzibati xəta protokoldan və inzibati xəta haqqında iş materialından görünür ki, 27 oktyabr 2022-ci il tarixdə, saat 22:00 radələrində Siyəzən rayonunun Dağ Quşçu kəndi ərazisində Şəxs idarə etdiyi “Niva” markalı, ** BD *** dövlət qeydiyyat nişanlı avtomobildən sonuncunun müvafiq icra hakimiyyəti orqanından xüsusi icazə almadan saxladığı 1964-cü ildə “Tula” silah zavodunda istehsal olunmuş, 1 ədəd TOZ-B modelli, 147817 nömrəli, 16 kalibrli, yivsiz, çaxmaqlı, hamar qoşalüləli ov tüfəngi aşkar olunaraq götürülmüşdür. Barəsində inzibati xəta haqqında iş üzrə icraat aparılan və inzibati xəta haqqında protokolu tərtib edən şəxslərə inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, lakin barəsində inzibati xəta haqqında iş üzrə icraat aparılan şəxs və inzibati xəta haqqında protokolu tərtib edən şəxsin nümayəndəsi məhkəməyə gəlməmiş, işə baxılmasının təxirə salınması haqqında vəsatət verilməmişlər. İXM-nin 112.1.4-cü maddəsinə əsasən tərəflərin iştirakı olmadan işə baxılmasını mümkün hesab edirəm. İş materiallarını araşdıraraq belə nəticəyə gəlmək olar ki, Şəxs İXM-nin 590.2-ci maddəsində nəzərdə tutulmuş inzibati xətanı törətmişdir. Çünki, 27 noyabr 2022-ci il tarixli cinayət işi başlanmasının rədd edilməsi barədə qərardan görünür ki, toplanmış material üzrə cinayət işinin başlanması rədd edilməklə, Şəxs barəsində İXM-nin 590.2-ci maddəsi ilə inzibati qaydada tədbir görülməsi üçün qərarın surəti Siyəzən RPŞ-nin İTB-yə göndərilmişdir. Həmçinin, bu qərardan görünür ki, Şəxs götürülmüş 1964-cü ildə “Tula” silah zavodunda istehsal olunmuş, 1 ədəd TOZ-B modelli, 147817 nömrəli, 16 kalibrli, yivsiz, çaxmaqlı, hamar qoşalüləli ov tüfəngi müvafiq qaydada saxlanması üçün Siyəzən RPŞ-nin İTB-yə verilmişdir. İşdə olan Azərbaycan Respublikası Daxili İşlər Nazirliyi Kriminalistik Tədqiqatlar idarəsinin 17 noyabr 2022-ci il tarixli, 22/694R saylı ekspert rəyinin surətindən görünür ki, tədqiqata təqdim edilmiş 1 ədəd silah 1964-cü ildə keçmiş SSRİ-də “Tula” silah zavodunda istehsal olunmuş, 16 kalibrli, TOZ-B modelli, 147817 nömrəli, çaxmaqlı, hamar qoşa lüləli ov tüfəngidir, odlu yivsiz silahdır və hər iki lülədən atəş üçün yararlıdır, silahın hissəmexanizmləri üzərində kustar üsulla sonradan təyinatını dəyişdirən heç bir əlavə və dəyişiklik edilməmişdir. İXM-nin 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Hesab edirəm ki, barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar müəyyən olunmamışdır. İnzibati xətanın xarakterini, inzibati xəta törədən şəxsin təqsirinin dərəcəsini, onun şəxsiyyətini və əmlak vəziyyəti barədə olan məlumatları, habelə məsuliyyətini yüngülləşdirən və ağırlaşdıran halların olmamasını nəzərə alaraq, Şəxs İXM-nin 590.2-ci maddəsinin sanksiyasında nəzərdə tutulan, inzibati xətanın törədilməsində alət olmuş predmet, yəni 1964-cü ildə “Tula” silah zavodunda istehsal olunmuş, 1 ədəd TOZ-B modelli, 147817 nömrəli, 16 kalibrli, yivsiz, çaxmaqlı, hamar qoşalüləli ov tüfəngi müsadirə edilməklə, 90 (doxsan) manat cərimə növündə inzibati tənbeh tədbirinin tətbiq edilməsini qanuni, əsaslı və ədalətli hesab edirəm. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 110, 114-117, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə təqsirli bilinib, ona inzibati xətanın törədilməsində alət olmuş predmet, yəni “Tula” silah zavodunda istehsal olunmuş, 1 ədəd TOZ-B modelli, 147817 nömrəli, 16 kalibrli, yivsiz, çaxmaqlı, hamar qoşalüləli ov tüfəngi müsadirə edilməklə, 90 (doxsan) manat cərimə növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində qərarı qəbul etmiş hakim vasitəsi ilə və ya birbaşa Sumqayıt Apellyasiya Məhkəməsinə şikayət və ya protest verilə bilər. Hakim: Bəylər Ələkbərov