Sumqayıt Şəhər Məhkəməsi Qərar — İş №3(060)-1001/2024

Azərbaycan Respublikası adından QƏRAR Sumqayıt şəhəri İş № 3(060)-1001/2024 04.06.2024 SUMQAYIT ŞƏHƏR MƏHKƏMƏSİ Hakim Hacıyev Zaur Arif oğlunun sədrliyi, X4 iclas katibliyi, Barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi Nümayəndə iştirakı ilə, Azərbaycan Respublikası Dövlət Gömrük Komitəsi Bakı Baş Gömrük İdarəsinin inzibati xəta haqqında 29 aprel 2024-cü il tarixli, EP ******* saylı protokolu əsasında inzibati xəta haqqında işə baxaraq, müəyyən etdi: Azərbaycan Respublikası Dövlət Gömrük Komitəsi ünvan 1 ünvanında qeydiyyatda olan Şəxs MMC (VÖEN **********) barəsində Azərbaycan Respublikası İnzibati Xətalar Məcəlləsinin 485.1-ci maddəsinə əsasən 29 aprel 2024-cü il tarixli, EP ******* saylı inzibati xəta haqqında protokol tərtib edilmişdir. Protokol onunla əsaslandırılmışdır ki, Bakı Baş Gömrük İdarəsində xx.xx.2024-cü il tarixli, 3-33-1100/1-004795/2024 nömrə ilə qeydiyyatda düşən Astara Gömrük İdarəsindən daxil olmuş 3-33-1300/012/000624 nömrəli materialın icrası ilə əlaqədar bildirilir ki, İran İslam Respublikasının vətəndaşı X1 idarə etdiyi “HOWO” markalı 29D377-10/29D378-10 dövlət nömrə nişanlı yük nəqliyyat vasitəsi ilə İran İslam Respublikasının “Naderzare Sadeg by order Metaflare Pte LTD” şirkətindən Azərbaycan Respublikası, Bakı şəhərində qeydiyyatda olan hüquqi şəxs Sumqayıt şəhəri, 44-cü məhəllə, ev 1, mənzil 52 ünvanında qeydiyyatda olan "xxxx" MMCnin (VÖEN: **********) ünvanına 014857 nömrəli CMR və 01 nömrəli invoysa əsasən gedən, 26300 (iyirmi altı min üç yüz) kg geyd edilən “plastic granules” yükünə Heimann markalı stasionar rentgen qurğusunda baxış keçirildikdə nəgliyyat vasitəsində daşınan yük ilə mal müşayəti sənədlərində olan yüklərdən fərqli yüklərin olması şübhəsi yaranmışdır. “HOWO” markalı 29D377-10/29D378-10 dövlət nömrə nişanlı yük nəqliyyat vasitəsinin qoşqusundakı yükə işarə goyularaq yoxlama qrupuna göndərilmişdir. Bundan sonra həmin nəqliyyat vasitəsinin qoşqusu açılaraq onun içərisində olan yükə gömrük yoxlaması tətbig edilmişdir. Yoxlama zamanı yükü müşaiyət edən sənədlərlə faktiki yük arasında uyğunsuzluq olduğu müəyyən edilmişdir. Belə ki, 240 bağlamada hər biri 25 kq olmaqla 6000 kg görünüşü və sıxlığı digərlərindən fərqli yük aşkarlanmışdır. Nəticədə Azərbaycan Respublikası İnzibati Xətalar Məcəlləsinin 485.1-ci maddəsində nəzərdə tutulmuş inzibati xəta törədilmişdir. Azərbaycan Respublikası Dövlət Gömrük Komitəsi Bakı Baş Gömrük İdarəsi tərəfindən Şəxs MMC barəsində Azərbaycan Respublikası İnzibati Xətalar Məcəlləsinin 485.1-ci maddəsinə əsasən tərtib edilmiş 29 aprel 2024-cü il tarixli, EP ******* saylı inzibati xəta haqqında protokol və ona əlavə edilmiş sənədlər baxılmaq üçün Sumqayıt şəhər Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxsin nümayəndəsi Nümayəndə bildirdi ki, gömrük orqanına bəyan edilən malın kodu düzgün göstərilməmişdir, lakin kodun səhv olmasına səbəb İran tərəfinin səhv məlumat göndərməsidir. Ancaq malın kodunun düzgün bəyan edilməməsi gömrük ödənişlərinə təsir etmir. Qəbul ediləcək qərarı məhkəmənin mülahizəsinə buraxır. Məhkəmə iclasının yeri və vaxtı barədə lazımi qaydada xəbərdar edilmiş inzibati xəta haqqında protokolu tərtib etmiş şəxsin nümayəndəsinin məhkəmə iclasında iştirakı təmin edilmədiyindən Məhkəmə işə onun iştirakı olmadan baxılmasını mümkün hesab etmişdir. İş materiallarından görünür ki, Azərbaycan Respublikası Dövlət Gömrük Komitəsi Bakı Baş Gömrük İdarəsinin Rəsiləşdirmə mərkəzindən daxil olmuş xx.xx.2024-cü il tarixli, xx-xx-1300/012/000624 nömrəli raporta əsasən İran İslam Respublikasının vətəndaşı X1 idarə etdiyi “HOWO” markalı 29D377-10/29D378-10 dövlət nömrə nişanlı yük nəqliyyat vasitəsi ilə İran İslam Respublikasının “Naderzare Sadeg by order Metaflare Pte LTD” şirkətindən Azərbaycan Respublikası, Bakı şəhərində qeydiyyatda olan hüquqi şəxs Sumqayıt şəhəri, 44-cü məhəllə, ev 1, mənzil 52 ünvanında qeydiyyatda olan "xxxx" MMCnin (VÖEN: **********) ünvanına 014857 nömrəli CMR və 01 nömrəli invoysa əsasən gedən, 26300 (iyirmi altı min üç yüz) kg qeyd edilən “plastic granules” yükünə Heimann markalı stasionar rentgen qurğusunda baxış keçirildikdə nəqliyyat vasitəsində daşınan yük ilə mal müşayəti sənədlərində olan yüklərdən fərqli yüklərin olması şübhəsi yaranmışdır. “HOWO” markalı 29D377-10/29D378-10 dövlət nömrə nişanlı yük nəqliyyat vasitəsinin qoşqusundakı yükə işarə qoyularaq yoxlama qrupuna göndərilmişdir. Bundan sonra həmin nəqliyyat vasitəsinin qoşqusu açılaraq onun içərisində olan yükə gömrük yoxlaması tətbiq edilmişdir. Yoxlama zamanı yükü müşaiyət edən sənədlərlə faktiki yük arasında uyğunsuzluq olduğu müəyyən edilmişdir. Belə ki, 240 bağlamada hər biri 25 kq olmaqla 6000 kg görünüşü və sıxlığı digərlərindən fərqli yük aşkarlanmışdır. İş materiallarında olan xx.xx.2024-cü il tarixli, **********4410 sorğu nömrəli Gömrük Bəyənnaməsindən görünür ki, Şəxs MMC-nin ünvanına 29D37710/29D37810 nömrəli nəqliyyat vasitəsi ilə göndərilmiş yük daxil olmuşdur. İş materiallarından görünür ki, Dövlət Gömrük Komitəsi X3 İdarəsindən daxil olmuş xx.xx.2024-cü il tarixli, №GM**********82 nömrəli ekspert rəyinə əsasən əlavə ödəniləcək gömrük ödənişlərinin yaranıb-yaranmaması və yarandığı halda həmin ödənişlərin məbləği barədə Əməliyyat və Təhqiqat İdarəsinin Təhqiqat şöbəsinə məlumat verilməsi üçün xx.xx.2024-cü il tarixli, 3-33-1100/013/007477 saylı raportla Rəsmiləşdirmə Mərkəzinə müraciət olunmuşdur. Rəsmiləşdirmə Mərkəzindən daxil olmuş 25.04,2024-cü il tarixli, 3- 33-1100/012/009656 saylı raportun icrası ilə əlaqədar bildirilmişdir ki, Şəxs MMC tərəfindən **********4410 sorğu nömrəli gömrük bəyannaməsi ilə bəyan edilən malların XİFMN üzrə təsnifatının müəyyən edilməsi məqsədilə Dövlət Gömrük Komitəsi Mərkəzi Ekspertiza İdarəsindən alınmış GM**********82 nömrəli xx.xx.2024-cü il tarixli rəyə əsasən gömrük ödənişlərində fərq yaranmır. Məhkəmə iş materiallarını araşdıraraq hesab edir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 485.1-ci maddəsində nəzərdə tutulan inzibati xətanın törədilməsi tərtib edilmiş inzibati xəta haqqında protokol və işdə olan digər sübutlarla təsdiq edilir. Ona görə də Şəxs MMC Azərbaycan Respublikası İnzibati Xətalar Məcəlləsinin 485.1-ci maddəsi ilə təqsirli bilinib tənbeh edilməlidir. Azərbaycan Respublikası Gömrük Məcəlləsinin 113-cü maddəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməçinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Qısa idxal bəyannaməsinin formasını beynəlxalq standartlar və ticarət təcrübəsi nəzərə alınmaqla müvafiq icra hakimiyyəti orqanı müəyyən edir. Qısa idxal bəyannaməsində risklərin təhlili, gömrük nəzarətinin düzgün aparılması üçün zəruri olan məlumatlar əks edilməlidir. Qısa idxal bəyannaməsinin mallar gömrük ərazisinə gətirilməzdən əvvəl təqdim edilməsi qaydalarını həmin məcəllənin tələbləri nəzərə alınmaqla müvafiq icra hakimiyyəti orqanı müəyyən edir. Həmin maddənin müddəaları gömrük ərazisinin ərazi sularından və hava məkanından dayanmadan keçən nəqliyyat vasitələrində daşınan mallara şamil edilmir. Azərbaycan Respublikası Prezidentinin 2016-cı il 21 may tarixli 920 nömrəli Fərmanı ilə təsdiq edilmiş “Malların və nəqliyyat vasitələrinin gömrük sərhədindən keçirilməsi üçün “Yaşıl dəhliz” və digər buraxılış sistemlərindən istifadə Qaydaları”nın 2.2- ci bəndinə əsasən qısa idxal bəyannaməsində risklərin təhlili, gömrük nəzarətinin düzgün aparılması üçün zəruri olan məlumatlar əks etdirilməli və malların gömrük sərhədini keçməsindən ən azı 1 (bir) saat əvvəl verilməlidir. Azərbaycan Respublikası Nazirlər Kabinetinin 2014-cü il 22 iyul tarixli 263 nömrəli qərarı ilə təsdiq edilmiş Gömrük sərhədindən keçirilən malların və nəqliyyat vasitələrinin bəyan edilməsi Qaydalarının 13-cü hissəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməçinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Elektron formada təqdim olunan qısa idxal bəyannaməsində risklərin təhlili, gömrük nəzarətinin düzgün aparılması üçün zəruri olan məlumatlar əks edilməlidir. Elektron formada təqdim olunan qısa idxal bəyannaməsi malları gömrük ərazisinə gətirən və ya daşınmasına cavabdeh olan şəxslər, onların nümayəndələri, idxalatçı, malın alıcısı, yaxud malları gömrük rəsmiləşdirilməsi ilə əlaqədar gömrük orqanına təqdim edən şəxs tərəfindən bu məqsəd üçün gömrük orqanlarının müəyyən etdiyi rəsmi informasiya sistemləri vasitəsilə verilir. Məlumatların elektron emalı üsullarından istifadə edilməklə təqdim olunan qısa idxal bəyannaməsi mallar gömrük sərhədini keçənədək təqdim edilir. Həmin hissənin müddəaları gömrük ərazisinin ərazi sularından və hava məkanından dayanmadan keçən nəqliyyat vasitələrində daşınan mallara şamil edilmir. Azərbaycan Respublikası İnzibati Xətalar Məcəlləsinin 485.1-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda, mallar və nəqliyyat vasitələri Azərbaycan Respublikasının gömrük ərazisinə gətirilərkən Azərbaycan Respublikasının gömrük sərhədindən keçmə barədə və ya gömrük ərazisindən aparılarkən malların və nəqliyyat vasitələrinin aparılması barədə müvafiq icra hakimiyyəti orqanına məlumatların verilməməsinə və ya təhrif olunmuş məlumatın verilməsinə, yaxud malların və nəqliyyat vasitələrinin məlumatda göstərilən yerə müəyyən edilmiş vaxtda çatdırılmamasına görə-fiziki şəxslər iyirmi manatdan əlli manatadək məbləğdə, vəzifəli şəxslər yetmiş manatdan yüz manatadək məbləğdə, hüquqi şəxslər iki yüz əlli manatdan beş yüz manatadək məbləğdə cərimə edilir.. Həmin Məcəllənin 18.5-ci maddəsinə əsasən, hüquqi şəxs barəsində inzibati tənbeh yalnız hakim tərəfindən tətbiq edilir. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xətanın xarakterini nəzərə alaraq məhkəmə hesab edir ki, inzibati xəta törətmiş Şəxs MMC barəsində cərimə növündə inzibati tənbeh tətbiq edilməsi barədə qərar çıxarılmalıdır. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Yuxarıdakılara əsasən və Azərbaycan Respublikası İnzibati Xətalar Məcəlləsinin 30, 114.1.1, 115, 129 və 130-cu maddələrini rəhbər tutaraq məhkəmə, qərara aldı: AZ5001, Sumqayıt şəhəri, 44-cü məhəllə, ev 1, mənzil 52 ünvanında qeydiyyatda olan Şəxs MMC (VÖEN **********) Azərbaycan Respublikası İnzibati Xətalar Məcəlləsinin 485.1-ci maddəsində nəzərdə tutulmuş inzibati xətanın törədilməsində təqsirli bilinsin və 250.00 (iki yüz əlli) manat məbləğində cərimə olunsun. Qərarın icrası Sumqayıt şəhəri üzrə İcra İdarəsinə həvalə edilsin. Qərarın surəti rəsmi qaydada verildiyi gündən 10 gün müddətində qərardan Sumqayıt şəhər Məhkəməsi vasitəsi ilə və ya birbaşa Sumqayıt Apelyasiya Məhkəməsinə apelyasiya şikayəti verilə bilər. SƏDRLİK EDƏN: ZAUR HACİYEV