Sumqayıt Şəhər Məhkəməsi Qərar — İş №3(060)-1101/2022

Azərbaycan Respublikası adından QƏRAR Sumqayıt şəhəri İş № 3(060)-1101/2022 04.05.2022 SUMQAYIT ŞƏHƏR MƏHKƏMƏSİ Hakim Hacıyev Zaur Arif oğlunun sədrliyi, X2 məhkəmə iclas katibliyi, Barəsində inzibati xəta haqqında iş üzrə icraat aparılan şəxs – Şəxs, Müdafiəçi - Sumqayıt Regional Vəkil Bürosunun vəkili Vəkil, Sumqayıt şəhəri üzrə İcra İdarəsinin icra məmuru – X5, Tələbkar - X3 iştirakları ilə, xx.xx.1982-ci ildə Sumqayıt şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan Şəxs oğlunun Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq, Məhkəmə Müəyyən etdi: Şəxs barəsində Sumqayıt şəhəri üzrə İcra İdarəsinin böyük icra məmuru X1 tərəfindən 04 may 2022-ci il tarixdə Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında MN ******* saylı protokol tərtib olunmuşdur ona görə ki, o, Sumqayıt şəhər Məhkəməsinin 2(060)-1533/2015 saylı, 14 oktyabr 2015-ci il tarixli və 2(060)-3649/2021 saylı, 25 iyun 2021-ci il tarixli icra sənələri üzrə yaranmış 1125,00 (bir min yüz iyirmi beş) manat borcunu üzrsüz səbəbdən ödəmir. Sumqayıt şəhər İcra İdarəsinin icra məmuru X1 tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə tərtib olunmuş inzibati xəta haqqında protokol və həmin protokolla bağlı inzibati materiallar 04.05.2022-ci ildə məhkəməyə daxil olmuşdur. Sumqayıt şəhəri üzrə İcra İdarəsinin icra məmuru X11 məhkəmə iclasında çıxış edərək bildirdi ki, Sumqayıt şəhər Məhkəməsinin 2(060)-1533/2015 saylı, 14 oktyabr 2015-ci il tarixli icra sənədinə əsasən Şəxs və X8 arasında bağlanmış 15 may 2012-ci il tarixli nikahın pozulması, 06.10.2013-cü il təvəllüdlü X6 anası X4 himayəsində qalması və onun yetkinlik yaşına çatana qədər saxlanılması üçün Şəxs hər ay 108 (bir yüz səksən) manat sabit pul məbləğində alimentin tutularaq X9 verilməsi qərara alınmışdır. Daha sonra Sumqayıt şəhər Məhkəməsinin 2(060)-3649/2021 saylı, 25 iyun 2021-ci il tarixli icra sənədinə əsasən cavabdeh Şəxs 06.10.2013-cü il təvəllüdlü X6 yetkinlik yaşına çatana qədər saxlanılması üçün Sumqayıt şəhər Məhkəməsinin 2(060)-3134/2015 saylı, 25.05.2015-ci il tarixli qətnaməsi ilə cavabdeh Şəxs iddiaçı X4 xeyrinə tutulan alimentin miqdarı artırılaraq hər ay 175 (bir yüz yetmiş beş) manat məbləğində müəyyən edilmişdir. Lakin borclu məhkəmə qərarı ilə müəyyən edilmiş miqdarda aliment üzrə ödəniş aparmamışdır. Borclu hal-hazırda hər ay 150 manat məbləğində aliment ödənişi etmişdir. Lakin əvvəlki dövrdən qalan və aliment ödənişini tam etmədiyindən yaranan borcları vardır. Hal-hazırda borclunun icra sənədi üzrə 1125,00 (bir min yüz iyirmi beş) manat borcu yaranmışdır. İcra sənədi üzrə tələbkar şəxs şikayətçi olduğundan Şəxs barəsində Azərbaycan Respublikası İXM-nin 528.1-ci maddəsi ilə inzibati xəta haqqında protokol tərtib edilmişdir. Odur ki, onun barəsində qanunamüvafiq qərar qəbul edilməsini Məhkəmədən xahiş edir. Məhkəmə iclasında iştirak edən icra sənədi üzrə tələbkar X10 izahatında göstərdi ki, həqiqətən də Sumqayıt şəhər Məhkəməsinin 2(060)-1533/2015 saylı, 14 oktyabr 2015ci il tarixli icra sənədinə əsasən Şəxs və onun arasında bağlanmış 15 may 2012-ci il tarixli nikahın pozulması, 06.10.2013-cü il təvəllüdlü X6 onun himayəsində qalması və onun yetkinlik yaşına çatana qədər saxlanılması üçün Şəxs hər ay 108 (bir yüz səksən) manat sabit pul məbləğində alimentin tutularaq ona verilməsi qərara alınmışdır. Daha sonra Sumqayıt şəhər Məhkəməsinin 2(060)-3649/2021 saylı, 25 iyun 2021-ci il tarixli icra sənədilərinə əsasən cavabdeh Şəxs 06.10.2013-cü il təvəllüdlü X6 yetkinlik yaşına çatana qədər saxlanılması üçün Sumqayıt şəhər Məhkəməsinin 2(060)-3134/2015 saylı, 25.05.2015-ci il tarixli qətnaməsi ilə cavabdeh Şəxs onun xeyrinə tutulan alimentin miqdarı artırılaraq hər ay 175 (bir yüz yetmiş beş) manat məbləğində müəyyən edilmişdir. Lakin borclu müəyyən dövrdə aliment ödənişləri aparmamışdır, həmçinin Sumqayıt şəhər Məhkəməsinin 2(060)-3649/2021 saylı, 25 iyun 2021-ci il tarixli icra sənədinə əsasən alimentin miqdarı arıtırlmasına baxmayaraq, o Məhkəmə qərarı ilə müəyyən olunmuş miqdarda ödəniş aparmır. Cavabdeh yenidən ailə həyatı qurmasına, alimenti ödəməyə imkanının olmasına baxmayaraq ödənişləri vaxtlı-vaxtında etmir. Kifayət qədər uzun müdət ərzində qalan borcun ödənilməməsi borclunun məhkəmə qərarından yayınmaq niyyətini göstərir. Məhkəmə qərarı tam və birdəfəlik icra edilməsini, borclu barəsində qanunauyğun şəkildə tədbir görülməsini xahiş edir. İcra sənədi üzrə borclu Şəxs məhkəmə iclasında izahatında bildirdi ki, həqiqətən də onun məhkəmə prosesi olan dövrdə aliment borcu yaranmışdır. Hal-hazırda aliment borcundan ödənişlər etsə də, tam ödəniş edə bilməməsinin, həmçinin borcunu tam şəkildə ödəyə bilməməsinin səbəbi maddi imkanının olmaması olmuşdur. Hazırda valideynləri ilə birlikdə qalmır, ayrıca kirayədə yeni nikaha daxil olduğu yoldaşı ilə birlikdə yaşayır. Odur ki, barəsində inzibati xətaya dair iş üzrə mümükün olan yüngül cəza verilməsini Məhkəmədən xahiş edir. Müdafiəçi Vəkil hüquqlarını müdafiə etdiyi şəxsin barəsində yüngül inzibati tənbeh tədbiri tətbiq edilməsini Məhkəmədən xahiş edir. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünü idarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Məhkəmə inzibati işin materiallarını araşdıraraq, protokolu tərtib etmiş şəxsin, barəsində protokol tərtib olunmuş şəxsin və müdafiəçisinin çıxışını dinləyərək hesab edir ki, borclu şəxs Şəxs tərəfindən icra sənədi üzrə ödəniş edilməməsi onun qərəzli olaraq Məhkəmənin qanuni qüvvəyə minmiş qətnaməsini icra etməkdən boyun qaçırdığını göstərir. İş materillarından görünür ki, Sumqayıt şəhər Məhkəməsinin 2(060)-1533/2015 saylı, 14 oktyabr 2015-ci il tarixli icra sənədinə əsasən Şəxs və X8 arasında bağlanmış 15 may 2012-ci il tarixli nikahın pozulması, 06.10.2013-cü il təvəllüdlü X6 anası X4 himayəsində qalması və onun yetkinlik yaşına çatana qədər saxlanılması üçün Şəxs hər ay 108 (bir yüz səksən) manat sabit pul məbləğində alimentin tutularaq X9 verilməsi qərara alınmışdır. Daha sonra Sumqayıt şəhər Məhkəməsinin 2(060)-3649/2021 saylı, 25 iyun 2021-ci il tarixli icra sənədinə əsasən cavabdeh Şəxs 06.10.2013-cü il təvəllüdlü X6 yetkinlik yaşına çatana qədər saxlanılması üçün Sumqayıt şəhər Məhkəməsinin 2(060)- 3134/2015 saylı, 25.05.2015-ci il tarixli qətnaməsi ilə cavabdeh Şəxs iddiaçı X4 xeyrinə tutulan alimentin miqdarı artırılaraq hər ay 175 (bir yüz yetmiş beş) manat məbləğində müəyyən edilmişdir. Göstərilənlərə əsasən məhkəmə hesab edir ki, borclunun məhkəmə qərarından xəbərdar olmuş, hər hansı ödəniş etməmiş, ümumiyyətlə borclunun icra sənədi üzrə ödəniş etməməsi onun qəsdən icra sənədinin icrasından yayınmaq məqsədini təsdiq edir. Məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb olunmalıdır. Azərbaycan Respublikası İnzibati Xətalar Məcəlləsinin 528.1-ci maddəsindən görünür ki, həmin xətanın törədilməsinə görə fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xətaya görə tənbeh tətbiq edərkən Azərbaycan Respublikası İnzibati Xətalar Məcəlləsinin 31.2-ci maddəsinin tələblərinə uyğun olaraq xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə törədilmiş inzibati xətanın xarakterini, Şəxs oğlunun şəxsiyyətini, əmlak vəziyyətini, icra sənədi üzrə tələbkar şəxsin şikayətçi olduğunu, borclunun ödəniş etmədiyini nəzərə alaraq hesab edir ki, onun barəsində inzibati həbs növündə inzibati tənbeh tətbiq edilməlidir. Azərbaycan Respublikasının Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Məhkəmə vurğulayır ki, ədalət mühakiməsinin məqsədlərinə nail olunması üçün məhkəmə qərarlarının qanunla müəyyən edilmiş müddətdə və tam icrası zəruridir. Odur ki, məhkəmə qərarının icrası Azərbaycan Respublikasının da qoşulduğu «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsində təsbit olunmuş ədalətli məhkəmə araşdırması hüququnun tərkib hissəsidir. İnsan hüquqları üzrə Avropa Məhkəməsi «Hornsbi Yunanıstana qarşı» işdə qeyd etmişdir ki, «....Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». Avropa Məhkəməsi «Əfəndiyeva Azərbaycana qarşı» və “Tarıverdiyev Azərbaycana qarşı” qərarlarında vurğulamışdır ki, məhkəmə qərarının icra olunması İnsan hüquqları haqqında Avropa Konvensiyasının 6-cı maddəsində təsbit olunmuş ədalətli məhkəmə araşdırması hüququnun aynlmaz tərkib hissəsi kimi nəzərdən keçirilməlidir. Məhkəmənin mövqeyi belə olmuşdur ki, dövlətin daxili hüquq sistemi qüvvəyə minmiş və hüquqi cəhətdən məcburi olan məhkəmə qərarlarının tərəflərdən birinin ziyanına icra olunmamış qalmasına imkan verirsə, o halda ədalətli məhkəmə araşdırması hüququ yalnız kağız üzərində qalır”. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Azərbaycan Respublikası İXM-nin 66.2-ci maddəsinə əsasən barəsində inzibati xəta haqqında iş üzrə icraat aparılan şəxs tərəfindən seçilmiş vəkilin gəlməsi mümkün olmadıqda, hakim, səlahiyyətli orqan (vəzifəli şəxs) həmin şəxsi vəkil ilə təmin edir. Azərbaycan Respublikası İXM-nin 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 1 fevral tarixli 31 nömrəli qərarında dəyişiklik edilməsi barədə 03 may 2018-ci il tarixli, 202 saylı qərarına əsasən Azərbaycan Respublikası CPM-nin 193.2-ci maddəsində nəzərdə tutulmuş hallarda hüquqi yardım göstərilməsinə görə müdafiəçiyə ödənilən haqq hər iş saatı üçün 06 manat məbləğində müəyyən edilmişdir. Yuxarıdakılara əsasən və Azərbaycan Respublikası İnzibati Xətalar Məcəlləsinin 114.1-ci maddəsini rəhbər tutaraq məhkəmə, Qərara aldı: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsində təqsirli bilinsin və 08 (səkkiz) gün müddətinə inzibati qaydada həbs edilsin. Həbsdə saxlama müddətinin əvvəli 04 may 2022-ci il tarixdən hesablansın. Məhkəmə iclas zalından dərhal həbs edilsin. Qərarın icrası Sumqayıt şəhər Polis İdarəsinə həvalə edilsin. Qərar dərhal icra olunsun. Şəxs göstərilmiş hüquqi yardıma görə vəkilin əmək haqqının ödənilməsi Azərbaycan Respublikasının dövlət büdcəsinin vəsaiti hesabına həyata keçirilsin. Vəkil tərəfindən göstərilmiş hüquqi yardıma 03 saat hüquqi yardıma görə cəmi 18 (on səkkiz) manat məbləğində pul vəsaitinin dövlət büdcəsinin vəsaiti hesabına Sumqayıt Regional Vəkil Bürosunun “Kapital Bank” Sumqayıt filialında olan hesabına (№ AZ 50AİİB400600C**********214 VÖEN: **********)köçürülməsi Azərbaycan Respublikası Vəkilllər Kollegiyasına həvalə edilsin. Qərarın surəti təqdim olunduğu və ya alındığı gündən 10 gün müddətə Sumqayıt şəhər Məhkəməsi vasitəsi ilə və ya birbaşa Sumqayıt Apellyasiya Məhkəməsinə apellyasiya şikayəti verilə bilər. Hakim: Zaur Hacıyev