Sumqayıt Şəhər Məhkəməsi Qərardad — İş №3(060)-1141/2022

Azərbaycan Respublikası adından QƏRARDAD Sumqayıt şəhəri İş № 3(060)-1141/2022 10.05.2022 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Hacıyev Zaur Arif oğlu, X2 10 may 2022-ci il tarixli şikayət ərizəsinə baxaraq, MÜƏYYƏN ETDİ: X1 şikayət ərizəsi ilə Sumqayıt şəhər Məhkəməsinə müraciət edərək onun barəsində tərtib olunmuş 23.04.2022-ci il tarixli, İXP ******* saylı protokolun ləğv edilməsi və ona məxsus olan **-CY-*** dövlət qeydiyyat nişanlı avtomobilin üzərindən cərimənin götürülməsi barədə qərar qəbul edilməsini xahiş etmişdir. Şikayət ərizəsi Sumqayıt şəhər Məhkəməsinə 10.05.2022-ci il tarixdə daxil olmuşdur. Azərbaycan Respublikası İnzibati Xətalar Məcəlləsinin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Həmin Məcəllənin 134.1-ci maddəsinə əsasən Məhkəmə inzibati xəta haqqında iş üzrə qərardan verilən şikayətə və ya protestə baxaraq qərar qəbul edir. Həmin Məcəllənin 132.2-ci maddəsinə əsasən şikayətə və ya protestə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. Azərbaycan Respublikası İXP-nin 130.1-ci maddəsində qeyd olunur ki, bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Məhkəmə hesab edir ki, X1 tərəfindən verilmiş şikayət ərizəsinə qanunverciliyin tələblərinə əsasən inzibati icraat qaydasında baxılması nəzərdə tutulmamışdır. X1 tərəfindən məhkəməyə təqdim edilmiş şikayət ərizəsindən və ona əlavə edilmiş materiallarından görünür ki, X4 Nəbi oğlu barəsində inzibati tənbeh tətbiq etmə haqqında qərar qəbul edilməmiş və ya həmin qərar şikayət ərizəsinə əlavə edilməmişdir. Protokolun ləğvinə dair şikayətə baxılması isə qanunvericilikdə nəzərədə tutulmamışdır. Odur ki, X5 oğlunun şikayət ərizəsi baxılmadan geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 118-ci maddələrini rəhbər tutaraq, məhkəmə QƏRARA ALDİ: X2 şikayət ərizəsi baxılmadan geri qaytarılsın. HAKİM: ZAUR HACİYEV