Sumqayıt Şəhər Məhkəməsi Qərar — İş №3(060)-1161/2022

Azərbaycan Respublikası adından QƏRAR Sumqayıt şəhəri İş № 3(060)-1161/2022 12.05.2022 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, İslamova Süsənbər Fariz qızının katibliyi, Protokolu tərtib etmiş şəxs X1, Tələbkar Zərərçəkmiş şəxs etibarnamə üzrə nümayəndəsi Nümayəndə, Barəsində inzibati xəta haqqında iş üzrə icraat aparılan şəxs Şəxs, Onun müdafiəçisi – fərdi qaydada fəaliyyət göstərən Vəkil iştirakları ilə, xx.xx.1983-cü ildə Naxçıvan Muxtar Respublikası, Şərur rayonu, Şəhid Məmməd kəndində anadan olmuş, Azərbaycan Respublikası vətəndaşı, peşə məktəbində müəllim işləyən, subay, Naxçıvan Muxtar Respublikası, Şərur rayonu, Danyeri kəndində qeydiyyatda olmaqla ünvan 1 ünvanında yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq müəyyən etdi: Sumqayıt şəhəri üzrə İcra idarəsinin icra məmuru X4 tərəfindən 11 may 2022-ci il tarixdə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə MN seriyalı, ******* №-li inzibati xəta haqqında protokol tərtib olunmuşdur. Protokoldan görünür ki, Bakı Apellyasiya Məhkəməsinin 2(103)-7789/2020 saylı, 04.11.2020-ci il tarixli icra sənədi üzrə tələbi üzürlü səbəb göstərmədən icra etməmiş, azyaşlı uşaq Üzeyir Cəfərlinin anasına verilməsi üçün hər hansı cəhd göstərməmişdir. Nəticədə Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs ifadəsində göstərmişdir ki, Allahverdili (Cəfərova) Nuranə Bilman qızı ona qarşı iddia ərizəsi ilə məhkəməyə müraciət edərək, onunla aralarında bağlanmış 01.06.2022-ci il tarixli nikah qeydiyyatının pozulması və yetkinlik yaşına çatmayan övladı 02.03.2013-cü il təvəllüdlü X2 onun himayəsində qalması, onun yetkinlik yaşına çatana qədər saxlanılması üçün 160 manat sabit pul məbləğində alimentin ondan tutularaq Allahverdili (Cəfərova) Nuranə Bilman qızına ödənilməsi barədə qətnamə çıxarılması xahiş etmişdir. İddia Bakı şəhəri Sabunçu rayon Məhkəməsinin 2(008)-578/2020 saylı, 04.08.2020-ci il tarixli qətnaməsi ilə təmin edilmişdir. O həmin qətnamədən apellyasiya şikayəti vermiş, Bakı Apellyasiya Məhkəməsinin 2(103)-7789/2020 saylı, 04.11.2020-ci il tarixli qətnaməsi ilə Bakı şəhəri Sabunçu rayon Məhkəməsinin 2(008)-578/2020 saylı, 04.08.2020-ci il tarixli qətnaməsi dəyişdirilmiş, 02.03.2013-cü il təvəllüdlü X2 yetkinlik yaşına çatana qədər saxlanılması üçün 170 manat sabit pul məbləğində aliment müəyyən edilmiş və aliment tutulması uşağın ondan alınaraq Allahverdili (Cəfərova) Nuranə Bilman qızına verildiyi vaxtdan hesablanması qət edilmişdir. O, qətnamənin icra edilməsinə maneçilik töörətmədiyini, sadəcə olaraq övıadının anası Allahverdili (Cəfərova) Nuranə Bilman qızının yanına getmək istəmədiyini bildirdi. Ona görə də, barəsində olan inzibati xəta haqqında icraata xitam verilməsini məhkəmədən xahiş etdi. Məhkəmə iclasında tələbkar Zərərçəkmiş şəxs etibarnamə üzrə nümayəndəsi Nümayəndə ifadəsində göstərmişdir ki, qızı Allahverdili (Cəfərova) Nuranə Bilman qızı Şəxs qarşı iddia ərizəsi ilə məhkəməyə müraciət edərək, Şəxs ilə aralarında bağlanmış 01.06.2022-ci il tarixli nikah qeydiyyatının pozulması və yetkinlik yaşına çatmayan övladı 02.03.2013-cü il təvəllüdlü X2 onun himayəsində qalması, onun yetkinlik yaşına çatana qədər saxlanılması üçün 160 manat sabit pul məbləğində alimentin Şəxs tutularaq qızına ödənilməsi barədə qətnamə çıxarılması xahiş etmişdir. İddia Bakı şəhəri Sabunçu rayon Məhkəməsinin 2(008)-578/2020 saylı, 04.08.2020-ci il tarixli qətnaməsi ilə təmin edilmişdir. Şəxs həmin qətnamədən apellyasiya şikayəti vermiş, Bakı Apellyasiya Məhkəməsinin 2(103)-7789/2020 saylı, 04.11.2020-ci il tarixli qətnaməsi ilə Bakı şəhəri Sabunçu rayon Məhkəməsinin 2(008)-578/2020 saylı, 04.08.2020-ci il tarixli qətnaməsi dəyişdirilmiş, 02.03.2013-cü il təvəllüdlü X2 yetkinlik yaşına çatana qədər saxlanılması üçün 170 manat sabit pul məbləğində aliment müəyyən edilmiş və aliment tutulması uşağın Şəxs alınaraq qızına verildiyi vaxtdan hesablanması qət edilmişdir. Həmin vaxtdan Şəxs qətnaməni icra etməyərək uşağı hələ də qızına qaytarmamışdır. Lakin hal-hazırda Şəxs ilə razılığa gəlmişik, ona görə də, onun barəsində inzibati xəta haqqında icraata xitam verilməsini məhkəmədən xahiş etdi. Protokolu tərtib etmiş şəxs X4 Bakı Apellyasiya Məhkəməsinin 2(103)-7789/2020 saylı, 04.11.2020-ci il tarixli icra sənədinin icrası ilə əlaqədar bildirdi ki, Şəxs uşağın anası Allahverdili (Cəfərova) Nuranə Bilman qızı ilə əlaqəyə girməyə imkan yaratmır, uşaq da atadan ayrılmır. Çağırışlara könüllü olaraq gəlir, boyun qaçırmır. İş materiallarında olan tələbkar Zərərçəkmiş şəxs etibarnamə üzrə nümayəndəsi Nümayəndə ərizəsindən görünür ki, hal-hazırda Şəxs ilə razılığa gəlmişlər, ona görə də, onun barəsində inzibati xəta haqqında icraata xitam verilməsini məhkəmədən xahiş etmişdir. Məhkəmə proses iştirakçılarının izahatlarını və vəkilin çıxışını dinləyərək, inzibati xəta haqqında protokolu və iş materiallarına əlavə edilmiş digər sənədləri tədqiq edərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. İcra sənədinin üzrsüz səbəbdən icra edilməməsi qənaətinə gəlinmiş və Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanın törədilməsi ilə bağlı protokol tərtib edilərək baxılması üçün məhkəməyə göndərilmişdir. Lakin qeyd olunanlardan göründüyü kimi, Şəxs Bakı Apellyasiya Məhkəməsinin 2(103)-7789/2020 saylı, 04.11.2020-ci il tarixli qətnaməsini üzürlü səbəbdən icra etmədiyindən hazırda İnzibati Xətalar Məcəlləsinin 528.1-ci maddəsində nəzərdə tutulan inzibati xətanın tərkibi yoxdur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Beləliklə, məhkəmə toplanmış sübutlara məcmu halında qiymət verərək, tələbkarın iş üzrə icraata xitam verilməsi barədə xahişini nəzərə alaraq hesab edir ki, Şəxs əməlində inzibati xəta tərkibi olmadığından inzibati iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə araşdırması zamanı Şəxs tərəfindən icra sənədinin üzrsüz səbəbdən icra edilməməsi təsdiqini tapmamışdır. Yuxarıda şərh olunanlara əsasən, məhkəmə hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi müəyyən edilmədiyinə görə inzibati xəta haqqında iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.0.2, 114.1.4, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata həmin Məcəllənin 53.1.2-ci maddəsinə əsasən xitam verilsin. Qərarın surəti təqdim olunduğu və ya alındığı gündən 10 gün müddətində şikayət və ya protest verilə bilər. HAKİM RÖVŞƏN XƏLİLOV