Sumqayıt Şəhər Məhkəməsi Qərar — İş №3(060)-1207/2021

Azərbaycan Respublikası adından QƏRAR Sumqayıt şəhəri İş № 3(060)-1207/2021 08.04.2021 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, Mansurov Elvin Vidadi oğlunun katibliyi, Barəsində inzibati xəta haqqında iş üzrə icraat aparılan şəxs Şəxs, İnzibati xəta haqqında iş üzrə tələbkarlar X2 və X4 iştirakları ilə xx.xx.1980-cı ildə Sumqayıt şəhərində anadan olmuş, Azərbaycan Respublikasının vətəndaşı, təqaüdçü, ünvan 1 ünvanında yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq müəyyən etdi: Sumqayıt şəhəri üzrə İcra idarəsi tərəfindən 06 aprel 2021-ci il tarixdə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında protokollar tərtib olunmuşdur. Protokollardan görünür ki, 06.04.2021-ci il tarixli MN seriyalı ******* №-li, 06.04.2021-ci il tarixli MN seriyalı ******* №-li və 06.04.2021-ci il tarixli MN seriyalı 0464009№-li inzibati xəta haqqında protokollar tərtib olunmuşdur ona görə ki, Şəxs Sabirabad rayon Məhkəməsinin 2(056)-647 saylı 20.07.2016-cı il tarixli icra sənədinə əsasən 17.02.2016-cı ildən başlayaraq ondan hər ay əmək haqqının ¼ hissəsi miqdarında aliment tutulub Murad adlı uşağın saxlanılması üçün X3 verilməli, Qusar rayon Məhkəməsinin 2(029)-1380 saylı, 18.12.2018-ci il tarixli icra sənədinə əsasən o, 6200 manat X6 üzürsüz səbəbdən ödəməmiş, nəticədə 3733 manat borc yaranmış, Qusar rayon Notariat Kontorunun 7E-371 saylı 15.01.2015-ci il tarixli sənədinə əsasən o, 5500 manat X1 üzürsüz səbəbdən ödəməmiş, nəticədə 934 manat borc yaranmışdır. Ona görə də, barəsində protokollar tərtib olunaraq məhkəməyə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirmişdir ki, Sabirabad rayon Məhkəməsinin 2(056)-647 saylı 20.07.2016-cı il tarixli icra sənədinə əsasən 17.02.2016-cı ildən başlayaraq ondan hər ay əmək haqqının ¼ hissəsi miqdarında aliment tutulub Murad adlı uşağın saxlanılması üçün X3 verilməli, Qusar rayon Məhkəməsinin 2(029)-1380 saylı, 18.12.2018-ci il tarixli icra sənədinə əsasən ondan 6200 manat pul tutularaq X6 verilməsi qət olunmuş, həmin puldan 3733 manat borc ödənilməmiş qalmışdir, Qusar rayon Notariat Kontorunun 7E-371 saylı 15.01.2015-ci il tarixli sənədinə əsasən ondan 5500 manat pul tutularaq X1 verilməsi qət olunmuş, həmin puldan 934 manat borc ödənilməmiş qalmışdir. Hal-hazırda tələbkar X3 250 manat və tələbkar X7 isə 50 manat pul ödəmişdir. Hazırda işləmədiyini, gələcəkdə hissə-hissə ödəniş edəcəyini bildirdi. Bütün bunları nəzərə alaraq barəsində olan inzibati xəta haqqında iş üzrə icraata xitam verilməsini məhkəmədən xahiş etmişdir. İnzibati xəta haqqında iş üzrə tələbkar X5 məhkəmə iclasında bildirdi ki, Sabirabad rayon Məhkəməsinin 2(056)-647 saylı 20.07.2016-cı il tarixli icra sənədinə əsasən 17.02.2016-cı ildən başlayaraq Şəxs hər ay əmək haqqının ¼ hissəsi miqdarında aliment tutulub Murad adlı uşağın saxlanılması üçün ona verilməlidir. Hazırda 2880 manat borc yaranmışdır. Məhkəmə baxışı zamanı, hazırda Şəxs 250 manat ödəniş etmişdir, pulun geri qalan hissəsinin də ödənilməsini tələb edir. İnzibati xəta haqqında iş üzrə tələbkar X9 məhkəmə iclasında bildirdi ki, Qusar rayon Məhkəməsinin 2(029)-1380 saylı, 18.12.2018-ci il tarixli icra sənədinə əsasən Şəxs 6200 manat pul tutularaq ona verilməsi qət olunmuşdur. Hazırda 3733 manat borc yaranmışdır. Məhkəmə baxışı zamanı, hazırda Şəxs 50 manat ödəniş etmişdir, pulun geri qalan hissəsinin də ödənilməsini tələb edir. Məhkəmə barəsində inzibati xəta haqqında iş üzrə icraat aparılan şəxsin, tələbkların izahatlarını, inzibati xəta haqqında protokolu və iş materiallarına əlavə edilmiş digər sənədləri tədqiq edərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. İcra sənədinin üzrsüz səbəbdən icra edilməməsi qənaətinə gəlinmiş və Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanın törədilməsi ilə bağlı protokol tərtib edilərək baxılması üçün məhkəməyə göndərilmişdir. Qeyd olunanlardan göründüyü kimi, Şəxs hazırda hərəkətlərində İnzibati Xətalar Məcəlləsinin 528.1-ci maddəsində nəzərdə tutulan inzibati xətanın tərkibi yoxdur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-cı maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə-fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Beləliklə, məhkəmə toplanmış sübutlara məcmu halında qiymət verərək hesab edir ki, Şəxs məhkəmə baxışı zamanı tələbkar X5 250 manat, tələbkar X9 isə 50 manat ödəniş etdiyindən, qalan borcuda hissə-hissə ödəmək fikri olduğundan və yaranmış borcun qərəzli olaraq ödəmədiyi barəsidə İcra şöbəsinin əməkdaşları tərəfindən məhkəməyə heç bir mötəbər sübut təqdim edilmədiyindən inzibati iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.0.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə araşdırması zamanı Şəxs tərəfindən icra sənədinin üzrsüz səbəbdən icra edilməməsi təsdiqini tapmamışdır. Yuxarıda şərh olunanlara əsasən, məhkəmə hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi müəyyən edilmədiyinə görə inzibati xəta haqqında iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.0.2, 114.1.4, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata həmin Məcəllənin 53.0.2-ci maddəsinə əsasən xitam verilsin. Qərarın surəti təqdim olunduğu və ya alındığı gündən 10 gün müddətində şikayət və ya protest verilə bilər. HAKİM RÖVŞƏN XƏLİLOV