Sumqayıt Şəhər Məhkəməsi Qərardad — İş №3(060)-1258/2023

Azərbaycan Respublikası adından QƏRARDAD Sumqayıt şəhəri İş № 3(060)-1258/2023 12.05.2023 SUMQAYIT ŞƏHƏR MƏHKƏMƏSİ Hakim Quliyev Ramiz Mübariz oğlu, X1, barəsində olan inzibati xəta haqqında qərardan verdiyi şikayətin baxılmağa hazırlanması məsələsinə baxaraq, məhkəmə MÜƏYYƏN ETDİ: Sumqayıt Şəhər Məhkəməsinə xx.xx.2023-cü il tarixdə X1 barəsində olan xx.xx.2023-cü il tarixli, MN ******* saylı inzibati xəta haqqında qərardan verdiyi şikayət daxil olmuşdur. Şikayətdən görünür ki, X3 şikayətində barəsində olan AR Ekologiya və Təbii Sərvətlər Nazirliyinin 4 saylı Ekologiya və Təbii Sərvvətlər İdarəsinin tərtib etdyi MN ******* nömrəli qərarın ləğv edilməsini məhkəmədən xahiş etmişdir. Məhkəmə verilən şikayətə baxılmağa hazırlanması zamanı müəyyən etmişdir ki, şikayət qanunun tələbinə uyğun verilmədiyi üçün geri qaytarılmalıdır. Belə ki, X3 ******* tərtib etdiyi MN ******* nömrəli qərarın ləğv edilməsini xahiş etsə də, həmin qərarı şikayətinə əlavə etməmişdir. Bundan başqa X3 tərəfindən şikayət ərizəsinin tərtibində yalnışlığa yol verilmişdir. Belə ki, ərizədə proses iştirakçıları “iddiaçı” və “cavabdeh” olaraq qeyd edilmişdir. Azərbaycan Respublikası İXM-nin 132.1-ci maddəsinə görə inzibati xəta haqqında iş üzrə qərardan verilən şikayətə baxmağa hazırlıq zamanı hakim tərəfindən aşağıdakı məsələlər həll edilir: inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi (132.1.1), inzibati xəta haqqında iş üzrə icraatı rədd edən hallar mövcuddurmu (132.1.2), vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılma üçün lazım olan şəxslər çağırılır (132.1.3). Azərbaycan Respublikasının İnzibati Xətalar Məcəlləsinin 109.1.6-cı maddəsinin mahiyyətindən görünür ki, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xəta haqqında protokol və ya digər sənədlər onu tərtib etmiş orqana, vəzifəli şəxsə geri qaytarılır. Odur ki, X1 şikayəti icraata qəbul edilə bilməz. Şərh olunanları və Azərbaycan Respublikası İnzibati Xətalar Məcəlləsinin 132-ci maddəsini rəhbər tutaraq, məhkəmə QƏRARA ALDİ: X1 barəsində olan MN ******* nömrəli qərardan verdiyi şikayəti icraata qəbul edilməsin, şikayət və ona əlavə edilmiş sənədlər X2 geri qaytarılsın. Qərardaddan şikayət verilə bilməz. Hakim Ramiz Quliyev