Sumqayıt Şəhər Məhkəməsi Qərardad — İş №3(060)-1268/2021

Azərbaycan Respublikası adından QƏRARDAD Sumqayıt şəhəri İş № 3(060)-1268/2021 13.04.2021 SUMQAYIT ŞƏHƏR MƏHKƏMƏSİ Hakim Məmmədov Elçin Qüdrət oğlunun sədrliyi, məhkəmə iclas katibi X2 katibliyilə, Şəxs Azərbaycan Respublikasının İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməsinə dair Sumqayit şəhər polis idarəsi 3-cü polis bölməsindən daxil olmuş inzibati xəta haqqında materialın baxılmağa hazırlanması məsələsinə baxaraq müəyyən etdi: Sumqayıt şəhər Məhkəməsinə Şəxs Azərbaycan Respublikasının İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməsinə dair 13.04.2021-ci il tarixli, MN № ******* saylı inzibati xəta haqqında protokol daxil olmuşdur. Həmin protokolda qeyd edilmişdir ki, Şəxs 21.03.2021-ci ildə keçmiş həyat yoldaşı X1 təhqir etmişdir. Məhkəmə iş materiallarını araşdırıb müəyyən etdi ki, inzibati xəta haqqında protokol İnzibati Xətalar Məcəlləsinin 100-cü maddəsinin tələblərinə uyğun tərtib edilməmiş, həmçinin Şəxs İnzibati Xətalar Məcəlləsinin 510-cu maddəsi ilə (xırda xuliqanlıqda) təqsirləndirilsə də, protokolda xırda xuliqanlığın nədən ibarət olması, hansı ictimai qaydanın pozulması, inzibati xətanın törədildiyi yer protokolda qeyd olunmamışdır. Məhkəmə qeyd olunanlara və İnzibati Xətalar Məcəlləsinin aşağıdakı müddəalarına əsaslanaraq hesab edir ki, inzibati xəta haqqında işin baxılmağa hazırlanması zamanı həll edilən məsələlərə uyğun olaraq hazırki iş üzrə Sumqayit şəhər polis idarəsi 3-cü polis bölməsindən daxil olmuş inzibati xəta haqqında protokol və ona əlavə olunmuş sənədlər 3-cü polis bölməsinə geri qaytarılmalıdır. Azərbaycan Respublikası İnzibati Xətalar Məcəlləsinin 100.1.4-cü maddəsinə əsasən inzibati xəta haqqında protokolda inzibati xətanın törədildiyi yer, vaxt və bu xətanın mahiyyəti göstərilməlidir. Azərbaycan Respublikası İnzibati Xətalar Məcəlləsinin 106 və 106.0.3-cü maddəsinə əsasən inzibati xəta haqqında işin baxılmağa hazırlanması zamanı inzibati xəta haqqında protokol və işin digər materiallarının bu Məcəllənin tələblərinə müvafiq tərtib edilib edilməməsi araşdırılır. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokol və ya digər sənədləri onu tərtib etmiş orqana, vəzifəli şəxsə geri qaytarılır. Hazırki işin materialllarından görünür ki, Şəxs barəsində Azərbaycan Respublikasının İnzibati Xətalar Məcəlləsinin 510-cu maddəsi ilə inzibati xəta haqqında protokol tərtib edilərkən protokolda xırda xuliqanlığın nədən ibarət olması, hansı ictimai qaydanın pozulması, inzibati xətanın törədildiyi yer protokolda qeyd olunmamışdır. Beləliklə, məhkəmə hesab edir ki, Şəxs barəsində inzibati xəta ilə bağlı protokol tərtib edilərkən Azərbaycan Respublikası İXM-nin tələblərinə əməl edilməmiş, daxil olmuş materiallar natamam olmaqla işə məhkəmədə baxılarkən tamamlamaq mümkün deyildir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 100, 106, 109, 118-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməsinə dair tərtib olunmuş 13.04.2021-ci il tarixli, MN № ******* saylı inzibati xəta haqqında protokol və ona əlavə olunmuş sənədlər Sumqayıt şəhər Polis İdarəsi 3-cü Polis Bölməsinə geri qaytarılsın. Bu Qərardaddan şikayət verilməsi İnzibati Xətalar Məcəlləsində nəzərdə tutulmamışdır. Hakim: Elçin Məmmədov