Sumqayıt Şəhər Məhkəməsi Qərar — İş №3(060)-1275/2021

Azərbaycan Respublikası adından QƏRAR Sumqayıt şəhəri İş № 3(060)-1275/2021 26.04.2021 SUMQAYIT ŞƏHƏR MƏHKƏMƏSİ Hakim Məmmədov Elçin Qüdrət oğlunun sədrliyi, məhkəmə iclas katibi İsgəndərov Aslan Haqverdi oğlunun katibliyi ilə, “xxxx” Firmasının Azərbaycan Respublikası İnzibati Xətalar Məcəlləsinin 518.1-ci maddəsi ilə təqsirləndirilməsinə dair Azərbaycan Respublikasının Fövqəladə Hallar Nazirliyi Dövlət Yanğın Nəzarəti Xidməti Sumqayıt Regional Dövlət Yanğın Nəzarəti İdarəsindən daxil olmuş inzibati xəta haqqında materiala Sumqayıt Şəhər Məhkəməsinin inzibati binasında açıq məhkəmə iclasında baxaraq, müəyyən etdi: Sumqayıt Regional Dövlət Yanğın Nəzarəti İdarəsinin Sumqayıt Regional Dövlət Yanğın Nəzarəti şöbəsinin inspektoru Murad Qarayev tərəfindən hüquqi ünvanı ünvan 1VÖEN **********) barəsində 08 aprel 2021-ci il tarixli, MN № ******* saylı inzibati xəta haqqında protokol tərtib edilmişdir ona görə ki, 08.04.2021-ci il tarixdə Sumqayıt şəhəri, 76-cı məhəllə, Sülh küçəsi, Azpetrolun yanında yerləşən “xxxx” Firmasına məxsus avtoehtiyyat hissələri mağazalarında keçirilən planlı YTM zamanı YTQ № 01-2001; 1.9- 1.9.12; 4.1-4.17; 6.1-6.10; 10.1-10.4 və YTQN № 03-2002; 3.18-3.18.17-ci bəndlərinin tələblərinin pozulması aşkar edilmişdir. Sumqayıt Regional Dövlət Yanğın Nəzarəti İdarəsinin Sumqayıt Regional Dövlət Yanğın Nəzarəti şöbəsinin inspektoru Murad Qarayev tərəfindən “xxxx” Firması barəsində tərtib olunmuş 08 aprel 2021 -ci il tarixli, MN № ******* saylı inzibati xəta haqqında protokol baxılmaq üçün Sumqayıt Şəhər Məhkəməsinə göndərilmiş və qeyd olunan material 14.04.2021-ci il tarixdə məhkəməyə daxil olmuşdur. Azərbaycan Respublikası İnzibati Xətalar Məcəlləsinin 111.1-ci maddəsinə görə inzibati xəta haqqında işə baxmağa səlahiyyəti olan hakim, orqan (vəzifəli şəxs) bu cür işlərə inzibati xəta haqqında protokolu və işin digər materiallarını aldığı vaxtdan on beş gün müddətində baxır. İnzibati xəta haqqında işə baxılması 26 aprel 2021-ci il tarixə təyin edilmişdir. Məhkəmə iclasının vaxtı və yeri barədə xəbərdar edilmiş protokolu tərtib etmiş Sumqayıt Regional Dövlət Yanğın idarəsinin nümayəndəsi və barəsində inzibati xəta haqqında iş üzrə icraat aparılan hüquqi şəxs “xxxx” Firmasının nümayəndəsinin məhkəmə iclasında iştirakı təmin edilmədiyindən, məhkəmə işə onların iştirakı olmadan baxılmasını mümkün hesab etmişdir. Məhkəmə iş materiallarını araşdıraraq hesab edir ki, “xxxx” Firması tərəfindən İnzibati Xətalar Məcəlləsinin 518.1-ci maddəsində nəzərdə tutulan inzibati xətanın törədilməsi tərtib edilmiş inzibati xəta haqqında protokol və işdə olan digər sübutlarla təsdiq edilir. Ona görə də “xxxx” X1 Məcəlləsinin 518.1-ci maddəsi ilə təqsirli bilinib tənbeh edilməlidir. İş materiallarında olan yanğın-texniki müayinə materiallarına baxılmasının nəticələri üzrə Sumqayıt regional DYNİ-nin rəisi vəzifəsini icra edən d/x polkovniki Rafiq Ağayev tərəfindən qəbul edilmiş 08.04.2021-ci il tarixli 0589 saylı qərarından görünür ki, “xxxx” Firmasında mallar pərakəndə və ara-məsafəsi gözlənilmədən yığılmış, obyektlərin elektrik təsnifatı E.Q.Q.Q.-yə uyğun nizamlanmamış, 101, 102 yazılı lövhələri, ilkin yanğınsöndürən balonları və avtomatik yanğın xəbər verici səs siqnalizasiya sistemləri ilə təmin edilməyibdir. İş materiallarında olan foto şəkillərdən də görünür ki, “xxxx” Firmasında mallar pərakəndə və ara-məsafəsi gözlənilmədən yığılmış, obyektlərin elektrik təsnifatı E.Q.Q.Q.yə uyğun nizamlanmamış, 101, 102 yazılı lövhələri, ilkin yanğınsöndürən balonları və avtomatik yanğın xəbər verici səs siqnalizasiya sistemləri ilə təmin edilməyibdir. İş materiallarında olan 01.04.2021-ci il tarixli, 0589 nömrəli yoxlama suallarının siyahısında da qeyd olunmuşdur ki, Azərbaycan Respublikası ərazisində yerləşən hüquqi şəxslərin (müəssisələr) yanğın təhlükəsizliyi tələblərinin yerinə yetirilməsində vəzifələri (YTQ № 01-2001 bənd 1.9-1.9.12); binaların, tikililərin və otaqların saxlanılması (YTQ № 01-2001 bənd 4.1-4.17); elektrik qurğularının normativ sənədlərin tələblərinə uyğun quraşdırılması və istismar vəziyyəti (YTQ № 01-2001 bənd 6.1-6.10); yanğın avadanlığı və ilkin yanğın söndürmə vəsaitlərinin saxlanılması (YTQ № 01-2001 bənd 10.1-10.4); ticarət, ictimai iaşə müəssələrində, yarmarkalarda, bazarlar və anbarlarda havalandırma (ventilyasiya) sistemləri və tüstüyə qarşı qurğuların istismar vəziyyəti (YTQ № 03-2002 bənd 3.18-3.18.17) bəndinə uyğun deyildir. “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 29 dekabr 2015-ci il tarixli 96-VQ nömrəli Qanununun tətbiqi barədə Azərbaycan Respublikasi Prezidentinin 15 fevral 2016-cı il tarixli, 795 saylı Fərmanının 5.16-cı bəndinə görə Azərbaycan Respublikası İnzibati Xətalar Məcəlləsinin 40.0.3-cü maddəsinə müvafiq olaraq müəyyən edilmişdir ki, həmin Məcəllənin 235, 243.0.4, 268, 276, 277, 311, 518, 519, 536 və 543-cü maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır. Məhkəmə araşdırması zamanı müəyyən olunmuşdur ki, xxxx” Firması barəsində Sumqayıt Regional Dövlət Yanğın Nəzarəti idarəsinin Sumqayıt Regional Dövlət Yanğın Nəzarəti şöbəsi tərəfindən qəbul edilmiş 08 aprel 2021-ci il tarixli, MN № ******* saylı inzibati xəta haqqında protokol qanunvericiliyin tələblərinə uyğundur. Belə ki, hüquqi ünvanı ünvan 2 məxsus mağaza və servisdə keçirilən YTM zamanı YTQ № 01-2001; 1.9- 1.9.12; 4.1-4.17; 6.1-6.10; 10.1-10.4 və YTQN № 03-2002; 3.18-3.18.17-ci bəndlərin tələbləri pozulmuşdur. Yoxlama zamanı “xxxx” Firmasına məxsus mağaza və servisdə mallar pərakəndə və ara-məsafəsi gözlənilmədən yığılmış, obyektlərin elektrik təsnifatı E.Q.Q.Q.-yə uyğun nizamlanmamış, 101, 102 yazılı lövhələri, ilkin yanğınsöndürən balonları və avtomatik yanğın xəbər verici səs siqnalizasiya sistemləri ilə təmin edilməyibdir. İnzibati Xətalar Məcəlləsinin 518.1-ci maddəsinə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə -fiziki şəxslərə xəbərdarlıq edilir və ya onlar iyirmi manatdan otuz manatadək məbləğdə cərimə edilir, vəzifəli şəxslərə xəbərdarlıq edilir və ya onlar yüz manatdan yüz əlli manatadək məbləğdə, hüquqi şəxslər üç yüz əlli manatdan beş yüz manatadək məbləğdə cərimə edilir. Həmin Məcəllənin 18.5-ci maddəsinə əsasən, hüquqi şəxs barəsində inzibati tənbeh yalnız hakim tərəfindən tətbiq edilir. İşdə məsuliyyəti yüngülləşdirən və ağırlaşdıran hallar müəyyən olunmadı. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xətanın xarakterini və işin hallarını nəzərə alaraq məhkəmə hesab edir ki, inzibati xəta törətmiş “xxxx” MMC barəsində inzibati tənbeh tətbiq edilməsi barədə qərar çıxarılmalıdır. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Yuxarıda göstərilənlərə əsasən və Azərbaycan Respublikası İXM-nin 114, 115, 128- 130-cu maddəllərini rəhbər tutaraq, məhkəmə qərara aldi: Hüquqi ünvanı ünvan 3N **********) Azərbaycan Respublikası İnzibati Xətalar Məcəlləsinin 518.1-ci maddəsində nəzərdə tutulmuş inzibati xətanın törədilməsində təqsirli bilinsin və 400,00 (dörd yüz) manat məbləğində cərimə olunsun. Qərarın surəti rəsmi qaydada verildiyi gündən 10 gün müddətində qərardan Sumqayıt Şəhər Məhkəməsi vasitəsi ilə və ya birbaşa Sumqayıt Apelyasiya Məhkəməsinə apellyasiya şikayəti verilə bilər. Hakim: Elçin Məmmədov