Sumqayıt Şəhər Məhkəməsi Qərar — İş №3(060)-1291/2021

Azərbaycan Respublikası adından QƏRAR Sumqayıt şəhəri İş № 3(060)-1291/2021 30.04.2021 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun, Aslanova İradə Allahverdi qızının katibliyi, Barəsində inzibati xəta haqqında qərar çıxarılan şəxs X1 iştirakı ilə, X1 İnzibati Xətalar Məcəlləsinin 211.1-ci maddəsi ilə cərimə olunmasına dair Baş DYPİ-nin YPX alayının X tağım Yol Patrul Xidmətinin 29 dekabr 2020-ci il tarixli, TP ******* saylı inzibati tənbeh vermə haqqında qərarından verilmiş şikayətinə açıq məhkəmə iclasında baxaraq müəyyən etdi: Baş DYPİ-nin YPX alayının X tağım Yol Patrul Xidmətinin 29 dekabr 2020-ci il tarixli, TP ******* saylı qərarı ilə X2 Azərbaycan Respublikası İXM-nin 211.1-ci maddəsində nəzərdə tutulmuş inzibati xətanı törətdiyinə görə barəsində 200 (iki yüz) manat cərimə tənbeh növünün tətbiq edilməsi qərara alınmışdır. Qeyd edilən qərardan narazı qalan X1 şikayətlə məhkəməyə müraciət edərək, barəsində tərtib edilmiş həmin qərarın ləğv edilməsini və icraata xitam verilməsi barədə qərar çıxarılmasını xahiş etmişdir. Şikayət onunla əsaslandırılmışdır ki, X tağım inspektoru polis baş serjantı X4 tərəfindən 29.12.2020-ci il tarixdə MN ******* saylı qərar qəbul edilmiş və o, Azərbaycan Respublikası İXM-nin 211.1-ci maddəsi ilə 200 manat cərimə edilmişdir. O, barəsində tərtib olunmuş qərarla razı deyil. Belə ki, o 8103 nömrəsinə ms icazə almaq üçün müraciət etmişdir. Müraciətdən sonra hesab etmişdir ki, ona icazə verilib. Şəhərdə hərəkətdə olarkən polis postunda onu saxlamış və bildirmişlər ki, icazəsiz olaraq şəhərə çıxmışdır. Halbuki evdən çıxarkən sms icazə almışdır. O, həmin tarixdə qanunazidd heç bir hərəkət etməmişdir. Buna görə də hesab edir ki, qərar ləğv edilməlidir. Bundan əlavə maddi imkanı çox acınacaqlı vəziyyətdədir. Məhkəmə iclasında barəsində inzibati xəta haqqında qərar çıxarılan şəxs X2 şikayətdə göstərdiklərini bir daha təkrar etdi, şikayəti müdafiə etdi və təmin edilməsini xahiş etdi. Eyni zamanda bildirdi ki, o, 8103 nömrəsinə sms icazə almaq üçün müraciət etmiş və icazə almışdır. Məhkəmə iclasının vaxtı və yeri barədə xəbərdar edilmiş Baş DYPİ-nin YPX alayının X tağım Yol Patrul Xidmətinin nümayəndəsinin məhkəmə iclasında iştirakı təmin edilmədiyindən, məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə onların iştirakı olmadan baxılmasını mümkün hesab etmişdir. İş materiallarında olan Baş DYPİ-nin YPX alayının X tağım Yol Patrul Xidmətinin 29 dekabr 2020-ci il tarixli, TP ******* saylı qərarından görünür ki, X2 barədə qərar 29 dekabr 2020-ci il tarixdə, saat 14:50-də qəbul edilmişdir. X1 təqdim etdiyi çıxarışdan görünür ki, ona 29 dekabr 2020-ci il tarixdə saat 13:19-də (1:19) icazə sms-i gəlmişdir. Məhkəmə şikayətin dəlillərini nəzərdən keçirib hesab edir ki, şikayət əsaslı olduğundan təmin edilərək Baş DYPİ-nin YPX alayının X tağım Yol Patrul Xidməti-nin 29 dekabr 2020-ci il tarixli, TP ******* saylı qərarı ləğv edilməli, inzibati xəta haqqında iş üzrə icraata xitam verilməlidir. Məhkəmə tərəfindən X1 şikayəti üzrə inzibati xəta haqqında qərarın qanuniliyi yoxlanılarkən müəyyən edilmişdir ki, X1 əməlində inzibati xəta tərkibi yoxdur. X1 yaşayış yerini tərk etməsi üzrlü səbəbdən olmuşdur. Onun şikayətdə göstərdiyi hallar təqdim edilmiş sənədlərlə təsdiq edilir. Koronavirus (COVİD-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında Azərbaycan Respublikasının Nazirlər Kabinetinin Qərarından görünür ki, Koronavirus (COVİD-19) infeksiyasının Azərbaycan Respublikasının ərazisində geniş yayılmasının qarşısının alınması məqsədilə insanların həyat və fəaliyyəti üçün zəruri olan iş və xidmət sahələrindən başqa, digər istiqamətlər üzrə fəaliyyət 18 yanvar 2021-ci il saat 00:00-dək dayandırılmışdır. “Koronavirus (COVİD-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında” Azərbaycan Respublikasinin Nazirlər Kabinetinin 2 aprel 2020-ci il tarixli, 124 №-li qərarının 1.8-ci bəndinə əsasən həyat və sağlamlığa bilavasitə təhlükəli vəziyyət yarandıqda yaşayış yerini tərk etmək üçün SMS məlumatın göndərilməsi tələb olunmur.... Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda qeyd edilən bütün hallar və qeyd edilən normaların tələbi baxımından çıxış edərək məhkəmə hesab edir ki, X2 barəsində Baş DYPİ-nin YPX alayının X tağım Yol Patrul Xidməti-nin 29 dekabr 2020-ci il tarixli, TP ******* saylı qərarı ləğv edilməli və Azərbaycan Respublikası İXM-nin 134.1.3-cü maddəsinə əsasən inzibati xəta haqqında iş üzrə icraata xitam verilməlidir. Azərbaycan Respublikası İXM-nin 134.1.3-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. Yuxarıdakılara əsasən və Azərbaycan Respublikası İXM-nin 53.0.2, 134.1.3, 135.1.2-ci maddələrinin tələblərini rəhbər tutaraq, məhkəmə qərara aldı: X1 şikayəti təmin edilsin. X1 barəsində Baş DYPİ-nin YPX alayının X tağım Yol Patrul Xidməti-nin 29 dekabr 2020-ci il tarixli, TP ******* saylı qərarı ləğv edilsin və inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. HAKİM FİKRƏT ƏLİYEV