Sumqayıt Şəhər Məhkəməsi Qərardad — İş №3(060)-1372/2022

Azərbaycan Respublikası adından QƏRARDAD Sumqayıt şəhəri İş № 3(060)-1372/2022 31.05.2022 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlu, X1 Yasamal rayon Polis İdarəsinin 28-ci Polis Bölməsi tərəfindən tərtib edilmiş 06.10.2021-ci il tarixli, EPQ ******* nömrəli "İnzibati tənbeh vermə haqqında" qərardad verdiyi şikayətə baxaraq, MÜƏYYƏN ETDİM: Sumqayıt şəhər Məhkəməsinə X1 Yasamal rayon Polis İdarəsinin 28-ci Polis Bölməsi tərəfindən tərtib edilmiş 06.10.2021-ci il tarixli, EPQ ******* nömrəli "İnzibati tənbeh vermə haqqında" qərarın ləğv edilməsi barədə şikayəti daxil olmuşdur. İş materiallarındakı məlumatlara əsasən protokolun tərtib edilməsinə səbəb X1 Azərbaycan Respublikası İnzibati Xətalar Məcəlləsinin 211.3-cü maddəsində nəzərdə tutulmuş inzibati xətanı törətməsi olmuşdur. Məhkəmə iş materiallarını araşdırıb müəyyən etdi ki, daxil olmuş material baxılması üçün Yasamal Rayon Məhkəməsinə göndərilməlidir. Azərbaycan Respublikası İnzibati Xətalar Məcəlləsinin 109.1.7-ci maddəsinə əsasən hakim inzibati xəta haqqında işin baxılmağa hazırlanması zamanı onun səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edir. Həmin Məcəllənin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikası Konstitusiya Məhkməsinin Plenumunun 04 noyabr 2020-ci il tarixli qərarına əsasən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Beləliklə, səlahiyyətli orqanın qərarından məhkəməyə verilən şikayətin inzibati xətanın törədildiyi yer üzrə rayon (şəhər) məhkəməsinə verildiyini, barəsində qərar çıxarılmış şəxsin işə Sumqayıt şəhər Məhkəməsində baxılması barədə vəsatətinin olmadığını və ehtimal olunan inzibati xətanın Bakı şəhəri, Yasamal rayonu ərazisində baş verdiyini nəzərə alaraq məhkəmə hesab edir ki, inzibati tənbehvermə haqqında qərardan verilmiş şikayət baxılması üçün aidiyyəti üzrə Bakı Şəhəri Yasamal Rayon Məhkəməsinə göndərilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 110, 112, 118-ci maddələrini rəhbər tutaraq, QƏRARA ALDİM: X1 Yasamal rayon Polis İdarəsinin 28-ci Polis Bölməsi tərəfindən tərtib edilmiş 06.10.2021ci il tarixli, EPQ ******* nömrəli "İnzibati tənbeh vermə haqqında" qərardan verdiyi şikayətə dair 3(060)-1372/2022 saylı iş aidiyyatı üzrə baxılması üçün Bakı Şəhəri Yasamal Rayon Məhkəməsinə göndərilsin. HAKİM Azər İsmayılov