Sumqayıt Şəhər Məhkəməsi Qərar — İş №3(060)-1839/2022

Azərbaycan Respublikası adından QƏRAR Sumqayıt şəhəri İş № 3(060)-1839/2022 07.07.2022 SUMQAYIT ŞƏHƏR MƏHKƏMƏSİ Hakim Hacıyev Zaur Arif oğlunun sədrliyi, Məhkəmə iclas katibi Şahbazov Abdulla Tofiq oğlunun katibliyi, Sumqayıt şəhəri Polis İdarəsi 4-cü PB-nin sahə rəisi, polis kapitanı X1, Müdafiəçi - Sumqayıt Regional Vəkil Bürosunun vəkili Vəkil, Barəsində inzibati xəta haqqında iş üzrə icraat aparılan şəxs - Şəxs iştirakları ilə, xx.xx.1963-cü ildə Sumqayıt şəhərində anadan olmuş, Azərbaycan Respublikası vətəndaşı, ünvan 1 ünvanda qeydiyyatda olan Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməsinə dair Sumqayıt şəhər Polis İdarəsinin 4-cü Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, məhkəmə Müəyyənetdi: Sumqayıt şəhər Məhkəməsinə Sumqayıt ŞPİ-nin 4-cü Polis Bölməsindən Şəxs barəsində İXM-nin 535.1-ci maddəsi ilə inzibati xətaya dair MN ******* saylı, xx.xx.2022-ci il tarixli protokol daxil olmuşdur. Protokoldan görünür ki, Şəxs xx.xx.2022-ci il tarixdə saat 23:00 radələrində Sumqayıt şəhəri, 34-cü məhəllə ərazisində YPX əməkdaşlarının qanuni tələblərinə məhəl qoymayaraq, tebesizlik göstərmişdir. Məhkəmə iclasında çıxış edən inzibati xəta haqqında protokolu tərtib etmiş şəxs X3 bildirdi ki, Şəxs barəsində xx.xx.2022-ci il tarixli raport əsasında araşdırma aparılaraq İXMnin 535.1-ci maddəsi ilə inzibati xəta haqqında protokol tərtib edilmişdir. Belə ki, Şəxs xx.xx.2022-ci il tarixdə saat 23:00 radələrində Sumqayıt şəhəri, 34-cü məhəllə ərazisində YPX əməkdaşlarının qanuni tələblərinə məhəl qoymayaraq, tebesizlik göstərmişdir. Odur ki qanunauyğun qərar qəbul edilməsini Məhkəmədən xahiş etdi. Məhkəmədə verdiyi izahatında barəsində protokol tərtib olunmuş şəxs Şəxs özünü təqsirli bilməyərək bildirdi ki, 05 iyul 2022-ci il tarixdə Yol Patrul Xidmətinin əməkdaşları ilə aralarında anlaşılmazlıq yaranmış və mübahisə etmişlər. Həmin zaman PPX-nın əməkdaşları onu Polis Bölməsinə dəvət etmişlər və o, Sumqayıt şəhər Pİ-nin 4-cü PB-ə getmişdir. O polis əməkdaşlarına heç bir müqavimət göstərməmişdir. O, inzibati qaydada tutulmuş və 06 iyul tarixində azad edilmişdir. Əlavə olaraq bildirdi ki, oğlunun avtomobilə əyləşərək polis əməkdaşlarından qaçması barədə məlumatı əvvəldən olmamış, lakin oğlunun həmin yerdən uzaqlaşan vaxtı polis əməkdaşlarının onu təqib etməsi, yeni daha pis bir xətanın baş verəcəyindən qorxmuş və ona görə də polis əməkdaşları ilə mübahisə etmişdir. Barəsində olan inzibati xəta haqqında iş üzrə icraata xitam verilməsini Məhkəmədən xahiş edir. Məhkəmə iclasında çıxış edən müdafiəçi Vəkil barəsində inzibati xəta haqqında protokol tərtib edilmiş Şəxs barəsində olan inzibati xəta haqqında iş üzrə icraata xitam verilməsini Məhkəmədən xahiş etdi. İş materiallarını araşdıraraq, inzibati xəta törətmiş şəxsi dinləyərək və işin bütün hallarının məcmusuna hərtərəfli, tam və obyektiv qiymət verərək məhkəmə hesab edir ki, Şəxs əməlində Azərbaycan Respublikası İXM-nin 535.1-ci maddəsində nəzərdə tutulan inzibati xətanın tərkibi vardır. Belə ki, iş materiallarında olan Sumqayıt ŞPİ-nin DYPŞ-nin inspektoru, polis baş serjantı X5 tərəfindən tərtib edilmiş xx.xx.2022-ci il tarixli raportda qeyd edilmişdir ki, xx.xx.2022-ci il tarixdə, Sumqayıt şəhəri, 20 Yanvar küçəsində **-PU-*** dövlət qeydiyyat nişanlı “KHAZAR” markalı nəqliyyat vasitəsində çıxavazlı səs siqnalları olduğu üçün tərəflərindən saxlanılan zaman sürücü nəqliyyat vasitəsini tərk edib getmişdir. Bir müddət sonra sürücü nəqliyyat vasitəsinə yaxınlaşmışdır. Onlar sürücünü DYPŞ-nə dəvət etmişlər. Lakin sürücü onların qanuni tələblərinə tabe olmamış, nəqliyyat vasitəsinə əyləşərək həmin ərazidən uzaqlaşmışdır. Onlar həmin sürücünün arxası ilə getmək istədikləri zaman sürücünün sonradan atası olduğunu bildikləri şəxs avtopatrulun qapısından tutaraq onların hərəkətinə mane olmuşdur. Dəfələrlə həmin şəxsə xəbərdarlıq etmələrinə bamayaraq, onların qanuni tələblərinə tabe olmamış, yenidən polisin qanuni fəaliyyətinə qəsdən mane olmuşdur. Onlar həmin əraziyə efir vasitəsilə PPX-ni köməyə çağırmışlar və vətəndaşı Sumqayıt ŞPİ-nin 4-cü PB-nə aparmışlar. Bölmədə olan zaman məlum olmuşdur ki, həmin şəxs xx.xx.1968-ci il təvəllüdlü təvəllüdlü Şəxsdur. İş materiallarında olan Sumqayıt ŞPİ-nin PPXT-nin 1-ci Bölüyün polis nəfəri, polis serjantı X2 tərəfindən tərtib edilmiş xx.xx.2022-ci il tarixli raportda qeyd edilmişdir ki, xx.xx.2022-ci il tarixdə polis kiçik serjantı Camal Hacıyev ilə birlikdə xidmət edən zaman, təxminən saat 23:40 radələrində 3311-in göstərişi ilə “20 Yanvar” küçəsi, 34-cü məhəlləyə yaxınlaşmaqlarına dair göstəriş verilmişdir.Onlar həmin əraziyə yaxınlaşan zaman 2019 çağırışlı YPX-nin dediklərinə görə 1 nəfər şəxsin onlara tabesizlik göstərdiyini bildirmişdir. Onlar həmin şəxsi 9137 çağırışlı avtopatrula əyləşdirib ərazi üzrə Sumqayıt ŞPİ-nin 4-cü PB-nə təhvil vermişlər. Bölmədə olan zaman məlum olmuşdur ki, həmin şəxs xx.xx.1968-ci il təvəllüdlü təvəllüdlü Şəxsdur. Azərbaycan Respublikası İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görəfiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə, hesab edir ki, inzibati xəta törətməkdə təqsirləndirilən Şəxs Azərbaycan Respublikası İXM-nin 535.1-ci maddəsi ilə təqsirli bilinib, həmin maddənin sanksiyası həddində inzibati məsuliyyətə cəlb edilməlidir. Belə ki, iş materiallarına əlavə edilmiş raportlardan görünür ki, Şəxs tərəfindən polis qanuni tələbinə tabe olmayaraq, maneə yaratdığından düzgün olaraq barəsində Azərbaycan Respublikası İXM-nin 535.1-ci maddəsi ilə inzibati protokol tərtib edilmişdir. Həmin Məcəlləsinin 31.1-4-cü maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Azərbaycan Respublikası İXM-nin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs məsuliyyətini yüngülləşdirən və ağırlaşdıran hallar müəyyən edilmədi. Beləliklə, məhkəmə, törədilmiş inzibati xətanın xarakterini və inzibati xəta törətmiş şəxsin şəxsiyyətini nəzərə alaraq hesab edir ki, Şəxs barəsində cərimə növündə inzibati tənbeh tətbiq olunmalıdır. İş materiallarına əlavə edilmiş inzibati qaydada tutma haqqında protokoldan görünür ki, Şəxs xx.xx.2022-ci il tarixdə saat 02:00-da inzibati qaydada tutulmuş, xx.xx.2022-ci il tarixdə, saat 09:00-da isə azad edilmişdir. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Buna görə də inzibati xəta törətmiş Şəxs barəsində tətbiq edilmiş inzibati cərimə mütənasib qaydada azaldılmalıdır. Belə ki, Azərbaycan Respublikasının İnzibati Xətalar Məcəlləsinin 21-ci maddəsindən görünür ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 66.2-ci maddəsinə əsasən barəsində inzibati xəta haqqında iş üzrə icraat aparılan şəxs tərəfindən seçilmiş vəkilin gəlməsi mümkün olmadıqda, hakim, səlahiyyətli orqan (vəzifəli şəxs) həmin şəxsi vəkil ilə təmin edir. Azərbaycan Respublikası İXM-nin 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 1 fevral tarixli 31 nömrəli qərarında dəyişiklik edilməsi barədə 03 may 2018-ci il tarixli, 202 saylı qərarına əsasən Azərbaycan Respublikası CPM-nin 193.2-ci maddəsində nəzərdə tutulmuş hallarda hüquqi yardım göstərilməsinə görə müdafiəçiyə ödənilən haqq hər iş saatı üçün 6 manat məbləğində müəyyən edilmişdir. Yuxarıda göstərilənlərə əsasən və İXM-nin 43, 114,115 və 535.1-ci maddələrini rəhbər tutatarq, məhkəmə Qəraraaldı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinib 200 manat məbləğində cərimə edilsin, inzibati qaydada tutulduğu 1 (bir) gün müddət Azərbaycan Respublikası İnzibati Xətalar Məcəlləsinin 31.1-4-cü maddəsinə əsasən nəzərə alınaraq üzərində qəti olaraq 150,00 (bir yüz əlli) manat məbləğində cərimə saxlanılsın. Qərarın icrası Sumqayıt şəhər üzrə İcra İdarəsinə həvalə edilsin. Şəxs göstərilmiş hüquqi yardıma görə vəkilin əmək haqqının ödənilməsi Azərbaycan Respublikasının dövlət büdcəsinin vəsaiti hesabına həyata keçirilsin. Müdafiəçi Vəkil tərəfindən göstərilmiş 03 saat hüquqi yardıma görə cəmi 18 (on səkkiz) manat məbləğində pul vəsaitinin dövlət büdcəsinin vəsaiti hesabına Sumqayıt Regional Vəkil Bürosunun “Kapital Bank” 1 saylı Sumqayıt filialında olan hesabına (№ AZ 50AİİB400600C**********214 VÖEN: **********) köçürülməsi Azərbaycan Respublikası Vəkilllər Kollegiyasına həvalə edilsin. Qərarın surəti təqdim edildiyi və ya alındığı gündən 10 gün müddətinə Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim: Zaur Hacıyev