Sumqayıt Şəhər Məhkəməsi Qərar — İş №3(060)-1923/2021

Azərbaycan Respublikası adından QƏRAR Sumqayıt şəhəri İş № 3(060)-1923/2021 31.05.2021 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, Mansurov Elvin Vidadi oğlunun katibliyi, Barəsində inzibati xəta haqqında icraat aparılan şəxs Şəxs iştirakı ilə xx.xx.1993-cü ildə Lerik rayonunun Şoru kəndində anadan olmuş, Azərbaycan Respublikasının vətəndaşı, ünvan 1 ünvanında yaşayan Şəxs barəsində Sumqayıt şəhər Polis İdarəsinin 1-ci Polis Bölməsindən daxil olmuş inzibati xəta haqqında materiala baxaraq, müəyyən etdi: Sumqayıt Şəhər Polis İdarəsinin 1-ci Polis Bölməsindən daxil olmuş inzibati xəta haqqında materiala əsasən Şəxs 31.05.2021-ci il tarixdə saat 01:00 radələrində Sumqayıt şəhəri, Niyazi-Üzeyir Hacıbəyov küçəsinin kəsişməsində DYPŞ-nin əməkdaşlarına müdaxilə edərək onların qanuni tələblərinə tabe olmamışdır. Bununla da, Şəxs Azərbaycan Respublikası İXM-nin 535.1-ci maddələrində nəzərdə tutulan inzibati xətaya yol vermişdir. Məhkəmədə barəsində inzibati xəta haqqında iş üzrə icraat aparılan şəxs Şəxs özünü təqsirli bilərək bildirdi ki, 31.05.2021-ci il tarixdə saat 01:00 radələrində əvvəlcədən tanıdığı Vəli adlı şəxsin avtomobilinə əyləşərək Sumqayıt şəhəri, 8-ci mikrorayon ərazisinə gedərkən 13-cü mikrorayonda YPX əməkdaşları Vəlinin idarə etdiyi “Opel” markalı avtomobili saxlayıb sürücünün sərxoş olduğunu aşkar etdilər. Bu zaman o, avtomobildən düşərək avtomobilin akumulyatorunun zəif olduğunu polis əməkdaşlarına bildirərək avtomobili işlək vəziyyətdə saxlamağı onlara bildirmiş, daha sonra o, avtomobilə əyləşərək avtomobilin işıqlarını sondürmüdür. YPX əməkdaşları ona yaxınlaşaraq polisin işinə müdaxilə edərək tabesizlik etdiyini bildirmişlər. O, isə avtomobilin akumulyatorunun zəif olduğu üçün avtomobilə əyləşib işıqları söndürdüyünü bildirsə də, polis əməkdaşları onu dinləməyərək 1-ci Polis Bölməsinə aparmışlar. Əməlindan peşmandır. Barəsində yüngül cəza verilməsini xahiş etdi. Məhkəmədə şahid qismində dindirilmiş X1 bildirdi ki, Sumqayıt şəhər Polis İdarəsinin Dövlət Yol Polis Şöbəsinin inspektoru polis baş serjantı işləyir. O, 31.05.2021-ci il tarixdə ərazi üzrə xidmət apararkən 13-cü mikrorayon ərazisində “Opel” markalı avtomobili saxlamış, yoxlama zamanı sürücünün spirtli içki qəbul edərək avtomobili idarə etdiyi müəyyən olunmuşdur. Bu zaman avtomobildə əyləşən digər şəxs avtomobildən düşərək onlarla mübahisə edərək onların qanuni tələblərinə tabe olmamışdır. Məhkəmə barəsində inzibati xəta haqqında iş üzrə icraat aparılan şəxsin ifadəsini, şahidin izahatını dinləyərək və işdə olan materialları tədqiq edərək hesab edir ki, Şəxs Azərbaycan Respublikası İXM-nin 535.1-ci maddələrində nəzərdə tutulmuş inzibati xətanı törətməsi tam təsdiq edilir, o, həmin maddə ilə təqsirli bilinib barəsində inzibati tənbeh tətbiq edilməlidir. Məhkəmə inzibati xətaya görə tənbeh tətbiq edərkən xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məsuliyyəti yüngülləşdirən və ağırlaşdıran hallar aşkar olunmadı. Azərbaycan Respublikası İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə Şəxs törətdiyi inzibati xətanın xarakterini, məsuliyyətini yüngülləşdirən və ağırlaşdıran halın olmamasını, inzibati xəta törədən şəxsin şəxsiyyətini və təqsirinin dərəcəsini nəzərə alır və hesab edir ki, inzibati xəta törətmiş Şəxs Şəxs 31.05.2021-ci il tarixdə saat 01:00 radələrində Sumqayıt şəhəri, Niyazi-Üzeyir Hacıbəyov küçəsinin kəsişməsində DYPŞ-nin əməkdaşlarına müdaxilə edərək onların qanuni tələblərinə tabe olmamışdır Onun barəsində Azərbaycan Respublikasının İnzibati Xətalar Məcəlləsinin 535.1-ci maddəsinin sanksiyası həddində cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinsin və 200 (iki yüz) manat məbləğində cərimə olunsun. Qərarın surəti təqdim edildiyi və ya alındığı gündən 10 (on) gün müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə şikayət və ya protest verilə bilər. HAKİM RÖVŞƏN XƏLİLOV