Sumqayıt Şəhər Məhkəməsi Qərar — İş №3(060)-1974/2021

Azərbaycan Respublikası adından QƏRAR Sumqayıt şəhəri İş № 3(060)-1974/2021 08.06.2021 SUMQAYIT ŞƏHƏR MƏHKƏMƏSİ Hakim Məmmədov Elçin Qüdrət oğlunun sədrliyi, Məhkəmə iclas katibi X1 katibliyilə, Sumqayıt şəhəri üzrə İcra idarəsinin icra məmuru X2, icra sənədi üzrə tələbkar X3, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1983-cü ildə Sumqayıt şəhərində doğulmuş, subay, orta təhsilli, fərdi əməklə məşğul olan, Sumqayıt şəhəri, 18-ci mikrorayon, ev 40, mənzil 38 ünavnında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq müəyyən etdi: Sumqayıt şəhəri üzrə İcra idarəsinin icra məmuru X6 tərəfindən 08 iyun 2021-ci il tarixdə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə MN seriyalı ******* №li inzibati xəta haqqında protokol tərtib olunmuşdur ona görə ki, Sumqayıt Şəhər Məhkəməsinin 2(060)-931/2019 saylı, 31.01.2019-cu il tarixli icra sənədində əsasən borclu Şəxs hər ay 154,00 manat aliment pulu tutularaq icra sənədi üzrə tələbkar X4 verilməlidir. İXM-nin 111.3-cü maddəsinə görə inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokola daxil olduğu gün baxılır. Protokolu tərtib etmiş şəxs Sumqayıt şəhəri üzrə İcra idarəsinin icra məmuru X6 məhkəmə iclasında verdiyi izahatında göstərdi ki, Sumqayıt Şəhər Məhkəməsinin 2(060)- 931/2019 saylı, 31.01.2019-cu il tarixli icra sənədində əsasən borclu Şəxs hər ay 154,00 manat aliment pulu tutularaq icra sənədi üzrə tələbkar X4 verilməlidir. Borclu 1.000 manat aliment borcunu üzürsüz səbəbdən ödəmədiyindən və icradan yayındığına görə borclu barəsində axtarş qərarı qəbul olunmuşdur. O, polis əməkdaşı tərəfindən idarəyə gətiilmişdir. İcra sənədi üzrə tələbkar X7 izahatında göstərdi ki, Sumqayıt Şəhər Məhkəməsinin 2(060)-931/2019 saylı, 31.01.2019-cu il tarixli icra sənədində əsasən borclu Şəxs hər ay 154,00 manat aliment pulu tutularaq ona verilməlidir. Hal-hazırda 1.000 manat aliment borcu vardır. Borclu yığılmış aliment borcundan 700 manat ödəniş etdi. Hal-hazırda ona qarşı şikayət və tələbi yoxdur. Bu səbəbdən də qeyd olunanlara əsasən borclu Şəxs barəsində inzibati xəta haqında iş üzrə icraata xitam verilməsini məhkəmədən xahiş etdi. Məhkəmədə barəsində inzibati xəta haqqında iş üzrə icraat aparılan şəxs Şəxs inzibati xətanın törədilməsində özünü təqsirli bilməyərək izahatında göstərdi ki, Şəhər Məhkəməsinin 2(060)-931/2019 saylı, 31.01.2019-cu il tarixli icra sənədində əsasən ondan hər ay 154,00 manat aliment pulu tutularaq icra sənədi üzrə tələbkar X4 verilməlidir. İcra sənədi üzrə tələbkara qalıq aliment borcundan 1.000 manat ödəməlidir. Hal-hazırda tələbkara 700 manat ödəniş etmişdir. Qalıq 300 manat aliment borcunu da növbəti ay üzrə tələbkarın bank hesabın ödəyəckdir. Barəsində inzibati xəta haqqında iş üzrə icraat aparılan şəxs icra sənədi üzrə tələbkarın ona qarşı şikayətinin olmamasını nəzərə alaraq həmin inzibati xəta haqqnda protokol üzrə barəsində olan inzibati işin icraatına xitam verilməsini məhkəmədən xahiş etdi. Məhkəmə barəsində inzibati xəta haqqında iş üzrə icraat aparılan şəxsin, icra sənədi üzrə tələbkarın və protokolu tərtib edmiş şəxsin izahatlarını dinləyib, inzibati xəta haqqında protokolu və iş materiallarına əlavə edilmiş digər sənədləri tədqiq edərək hesab edir ki, Şəxs barəsində İXM-nin 528.1-cı maddəsi ilə başlanmış inzibati xəta haqqında iş üzrə icraata xitam verilməlidir. Məhkəmə araşdırması zamanı Şəxs icra sənədini üzürsüz səbəbdən icra etməsi təsdiq olunmamışdır. Belə ki, yığılmış 1000 manat aliment borcundan 700 manat tələbakara ödənilmişdir. Bundan başqa tələbkar yazılı ərizə ilə məhkəməyə müraciət edərək bildirmişdir ki, borclu Şəxs oğluna qarşı şikayət və tələbi yoxdur. Borclu Şəxs tərəfindən icra sənədinin üzürsüz səbəbdən icra edilməməsi məhkəmə baxışında təsdiqini tapmamışdır. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.1.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Məhkəmə hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-cı maddəsində nəzərdə tutulmuş inzibati xəta tərkibi müəyyən edilmədiyinə görə inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.1.2 və 114.1.4-cü maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-cı maddəsi ilə başlanmış inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərarın surəti təqdim olunduğu və ya alındığı gündən 10 gün müddətində Sumqayıt şəhər Məhkəməsi vasitəsilə və ya birbaşa Sumqayıt Apelyasiya Məhkəməsinə apellyasiya şikayəti verilə bilər. Hakim: Elçin Məmmədov