Sumqayıt Şəhər Məhkəməsi Qərar — İş №3(060)-2014/2024

Azərbaycan Respublikası adından QƏRAR Sumqayıt şəhəri İş № 3(060)-2014/2024 10.09.2024 SUMQAYIT ŞƏHƏR MƏHKƏMƏSİ Hakim Hacıyev Zaur Arif oğlunun sədrliyi, X1 iclas katibliyi, Protokol tərtib etmiş şəxsin etibarnamə üzrə nümayəndəsi – Azərbaycan Respublikası FHN DYNX SRDYNİ-nin inspektoru X2, Barəsində inzibati xəta haqqında iş üzrə icraat aparılan şəxs - Şəxs iştirakı ilə, Azərbaycan Respublikası Fövqəladə Hallar Nazirliyi Dövlət Yanğın Nəzarəti Xidməti Sumqayıt Regional Dövlət Yanğın Nəzarəti İdarəsi tərəfindən tərtib edilmiş MN ******* saylı, xx.xx.2024-cü il tarixli protokol əsasında inzibati xəta haqqında işə baxaraq, Müəyyən etdi: Azərbaycan Respublikası Fövqəladə Hallar Nazirliyi Dövlət Yanğın Nəzarəti Xidməti Sumqayıt Regional Dövlət Yanğın Nəzarəti İdarəsi tərəfindən vəzifəli şəxs Şəxs (VÖEN **********) barəsində inzibati xəta haqqında protokol tərtib edilmişdir, ona görə ki, xx.xx.2024-cü il-xx.xx.2024-cü il tarixlərdə Sumqayıt şəhəri 2-ci mikrorayon H.Əliyev prospektində yerləşən pivə satışı mağazasında dəfələrlə olmaqlarına baxmayaraq məsul şəxs yoxlama keçirilməsinə yaratmamışdır. Şəxs barəsində Azərbaycan Respublikası İnzibati Xətalar Məcəlləsinin 602.4-cü maddəsinə əsasən tərtib edilən MN ******* saylı, xx.xx.2024-cü il tarixli inzibati xəta haqqında protokol və ona əlavə edilmiş sənədlər Sumqayıt şəhər Məhkəməyə göndərilmiş, xx.xx.2024-cü il tarixdə Məhkəməyə daxil olmuşdur. Məhkəmə iclasında protokol tərtib etmiş şəxsin nümayəndəsi X3 bildirmişdir ki, Ədliyyə Nazirliyinin reyestrdən çıxarışa əsasən plan üzrə yanğın-texniki müayinə keçirilməsi üçün reyestrda qeyd olunan ünvana getmişlər. Lakin baxış keçirə bilməmişlər. Həmin obyektin fəaliyyəti var idi. Bundan sonra Şəxs tərəfindən WhatsApp vasitəsilə onlara VÖEN-nin bağlanması ilə bağlı arayış təqdim olunmuşdur. Lakin həmin obyektdə kassa Şəxs adına olduğundan və həmin obyektdə yeni bir VÖEN-lə fəaliyyətə başlaması barədə ərizə təqdim olunmadığı üçün İXM-nin 602.4-cü maddəsi ilə protokol tərtib olunmuşdur. Şəxsin adına olan VÖEN bağlansa da obyekt hələ də öz fəaliyyətini davam etdirir. Obyektdə olan şəxs də təsdiq etmişdir ki, həmin obyekti bacısı oğlunun, yəni Cavidin adına açmışlar. Həmin vaxt Cavidin dəvət olunmasını, onun ərizəsi ilə obyektə baxış keçirilməsinə şərait yaradılmasını bildirmişlər, həmin şəxs Cavidin oraya gələ bilməyəcəyini demiş, onlar da bu halda İXM-nin 602.4-cü maddəsi ilə protokol tərtib edəcəklərini bildirmişlər. İş materiallarına kassa qəzbi də əlavə etmişlər, həmin qəbzdən görünür ki, Şəxs adınadır. Həmin obyekt hal-hazırda da fəaliyyət göstərir. Məhkəmədən qanuni qərar qəbul edilməsini xahiş edir. Məhkəmə iclasında barəsində inzibati xəta haqqında iş üzrə icraat aparılan vəzifəli şəxs Şəxs bildirdi ki, 3 aydır ki, mühafizədə işləyir. Onun dayısı ilə əlaqə saxlanılmışdır. Dayısı ona onun VÖEN-ninin bağlandığını bildirmişdir. Məhkəmə bildirişi də onun dayısına gəlmişdir. O, həmin obyekt yeni açıldığı zaman bir-iki ay orada işləmişdir. Onun VÖEN-ni xx.xx.2024-cü il tarixdə bağlanmışdır. Ona WhatsApp vasitəsilə arayış göndərilmişdir ki, onun adına olan VÖEN bağlanmışdır. Qalan heç bir şeydən xəbəri yoxdur. Məhkəmədən nəzərə alınmasını xahiş edir. İş materiallarında olan Azərbaycan Respublikası Ədliyyə Nazirliyinin xx.xx.2024-cü il tarixli çıxarışından görünür ki, FHN Dövlət Yanğın Nəzarəti Xidməti tərəfindən Sumqayıt şəhəri, 2-ci mikrorayon, H.Əliyev prospekti, 3 nömrəli məktəbin yanında yerləşən Pivə satışı mağazasında plan üzrə yoxlama aparılması reyesterdə qeydiyyatdan keçmişdir. İş materiallarına əlavə edilmiş xx.xx.2024-cü il tarixli aktdan görünür ki, Sumqayıt şəhər, 2-ci mikrorayonda yerləşən Pivə satışı mağazasına baxış keçirilməsinə şərait yaradılmaması və obyektə aid müvafiq sənədlərin təqdim olunmaması faktı müəyyən edilmişdir. İş materiallarına əlavə edilmiş qəbzin surətindən görünür ki, Sumqayıt şəhəri, 2-ci mikrorayon, H.Əliyev prospektində yerləşən pivə mağazasının kassa qəbzi Şəxs adınadır. İş materiallarında olan Şəxs tərəfindən Azərbaycan Respublikasının İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinə təqdim edilmiş arayışın məzmunundan görünür ki, bu ərizənin 3-cü bölməsində göstərilən vergi ödəyicisinin (filialın,nümayəndəliyin,təsərrüfat subyektininf obyektinin) fəaliyyətinin və digər vergi tutulan əməliyyatların müvəqqəti olaraq dayandırılması barədə vergi ödəyicisi tərəfindən qərar qəbul edilmişdir. Bu qərara əsasən fəaliyyətin dayandırılmasının başlanma və bitmə tarixləri xx.xx.2024-xx.xx.2029. “Yanğın təhlükəsizliyi haqqında” Azərbaycan Respublikası Qanunun 25-ci maddəsinə əsasən dövlət yanğın nəzarəti dövlət nəzarət fəaliyyətinin xüsusi növüdür. Dövlət yanğın nəzarəti tikinti normalarının və standartlarının yanğına qarşı tələblərinə, yanğın təhlükəsizliyi qaydalarına əməl olunmasına nəzarət etmək və onların pozulmasının qarşısını almaq məqsədilə Azərbaycan Respublikasının müvafiq icra hakimiyyəti orqanının yanğın nəzarətini həyata keçirən qurumunun vəzifəli şəxsləri tərəfindən aparılır . Həmin qanunun 25-ci maddəsinin 3-cü yarımbəndinə əsasən Azərbaycan Respublikasının müvafiq icra hakimiyyəti orqanının yanğın nəzarətini həyata keçirən qurumu dövlət yanğın nəzarətinin aparılması ilə bağlı yanğın təhlükəsizliyi qaydalarının tələblərinin pozulmasının qarşısını almaq məqsədi ilə qanunvericiliklə nəzərdə tutulmuş qaydada müayinələr aparmaq hüququna malikdir. Azərbaycan Respublikası İnzibati Xətalar Məcəlləsinin 602.4-cü maddəsinə əsasən sahibkar tərəfindən yoxlama prosesində yoxlamaya aid sənədlərin yoxlayıcıya təqdim edilməməsinə, yoxlama zamanı yaranan suallara şifahi və (və ya) yazılı izahatlar verilməməsinə, təhrif olunmuş, yanlış məlumatın verilməsinə və ya sahibkarlıq fəaliyyəti üçün istifadə olunan əraziyə, istehsal və emal müəssisələrinə, anbarlara, satış sahələrinə, nəqliyyat vasitələrinə, habelə sahibkarlıq fəaliyyəti üçün istifadə olunan digər yerlərə baxış keçirilməsinə mane olmağa görə - vəzifəli şəxslər min manatdan min beş yüz manatadək məbləğdə cərimə edilir. Həmin Məcəllənin 17-ci maddəsinə əsasən, vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Eyni zamanda həmin Məcəllənin 17-ci maddəsinin Qeyd hissəsinə əsasən, dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Məsuliyyəti yüngülləşdirən və ağırlaşdıran hallar müəyyən olunmadı. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xətanın xarakterini nəzərə alaraq məhkəmə hesab edir ki, inzibati xəta törətmiş vəzifəli şəxs Şəxs barəsində inzibati tənbeh tətbiq edilməsi barədə qərar çıxarılmalıdır. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Yuxarıda göstərilənlərə əsasən və Azərbaycan Respublikası İXM-in 114.1-ci maddəsini rəhbər tutaraq, Qərara aldı: Sumqayıt şəhəri 2-ci mikrorayon H.Əliyev prospektində yerləşən pivə satışı mağazasının sahibi xx.xx.2001-ci il tarixdə ünvan 1 ünvanında qeydiyyatda olan vəzifəli şəxs Şəxs Azərbaycan Respublikası İnzibati Xətalar Məcəlləsinin 602.4-cü maddəsində nəzərdə tutulmuş inzibati xətanın törədilməsində təqsirli bilinsin və 1000 manat məbləğində cərimə olunsun. Qərarın icrası Sumqayıt şəhəri üzrə İcra İdarəsinə həvalə edilsin. Qərarın surəti rəsmi qaydada verildiyi gündən 10 gün müddətində qərardan Sumqayıt şəhər Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti verilə bilər. HAKİM: ZAUR HACİYEV