Sumqayıt Şəhər Məhkəməsi Qərar — İş №3(060)-2213/2022

Azərbaycan Respublikası adından QƏRAR Sumqayıt şəhəri İş № 3(060)-2213/2022 25.08.2022 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, İslamova Süsənbər Fariz qızının katibliyi, Barəsində inzibati xəta haqqında icraat aparılan şəxs Şəxs iştirakları ilə, xx.xx.1994-cü ildə Sumqayıt şəhərində anadan olmuş, Azərbaycan Respublikasının vətəndaşı, ünvan 1 ünvanında yaşayan Şəxs barəsində Sumqayıt şəhər Polis İdarəsinin 4-cü Polis Bölməsindən daxil olmuş inzibati xəta haqqında materiala baxaraq, müəyyənetdi: Sumqayıt Şəhər Polis İdarəsinin 4-cü Polis Bölməsindən daxil olmuş xx.xx.2022-ci il tarixli, MN ******* saylı inzibati xəta haqqında protokola əsasən Şəxs xx.xx.2022-ci il tarixdə, saat 22:40 radələrində Sumqayıt şəhəri, Nəsimi parkında YPX əməkdaşlarının qanuni tələbinə əməl etməyərək avtomobilin arxa şüşəsində olan qarmojka pərdələri sökməmişdir. Bununla da, Şəxs Azərbaycan Respublikası İXM-nin 535.1-ci maddəsində nəzərdə tutulan inzibati xətaya yol vermişdir. Məhkəmədə barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək bildirdi ki, xx.xx.2022-ci il tarixdə saat 22:40 radələrində Sumqayıt şəhəri, Nəsimi parkı adlanan ərazidə özünə məxsus “Tofaş” markalı avtomobil ilə işıqforda dayanarkən YPX əməkdaşları ona yaxınlaşaraq avtomobilin arxa şüşələrinə quraşdırılmış qarmojka pərdələrin sökülməsini tələb etmişlər. Bu zaman o onlara əgər qayda pozuntusu varsa protokol yazmalarını bildirmiş, onlar isə ona protokol yazılmadan pərdələri sökməsini tələb etmişlər. O YPX əməkdaşlarına qanunu oxuduğunu, avtomobilin arxa şüşələrinə parçadan olan pərdənin icazə verildiyini bildirsə də, YPX əməkdaşları ona pərdəni sökməyini və sonra protokol tərtib olunacağını bildirmişlər. O da protokol yazılmasa pərdələri sökməyəcəyini demişdir. YPX əməmkdaşları PPX naryadı çağırmış və o Sumqayıt ŞPİ-nin 4-cü PB-nə aparılmışdır. Məhkəmədə şahid qismində dindirilmiş Şahid bildirdi ki, xx.xx.2022-ci il tarixdə saat 22:40 radələrində Sumqayıt şəhəri, Nəsimi parkı adlanan ərazidə “Tofaş” markalı avtomobil ilə işıqforda dayanarkən ona yaxınlaşaraq avtomobilin arxa şüşələrinə quraşdırılmış qarmojka pərdələrin olduğuna görə saxlamasını demişlər. Sürücüyə avtomobilin arxa şüşələrinə quraşdırılmış qarmojka pərdələrə icazə verilmədiyi izah olunmuş, ona pərdələri sökməyi bildirilmişdir. Lakin o onlara məhəl qoymayaraq pərdələri sökməkdən imtina etmişdir. O, sürücüyə ya pərdə yerində sökülüb ona cərimə yazılmasını, ya da əgər pərdəni yerində sökməyəcəyi təqdirdə avtomobili duracağa yerləşdirəcəklərini bildirmişlər. O sürücünün tabesizlik göstərdiyini görərək PPX naryadı çağırmış və sürücü Sumqayıt ŞPİ-nin 4-cü PB-nə aparılmışdır. İş materiallarında olan 1465 nömrəli, xx.xx.2022-ci il tarixli inzibati qaydada tutma haqqında protokoldan görünür, Şəxs xx.xx.2022-ci il taixdə saat 00:45 radələrində inzibati qaydada tutulmuş, xx.xx.2022-ci il tarixdə saat 15:14 radələrində azad edilmişdir. Məhkəmə barəsində inzibati xəta haqqında iş üzrə icraat aparılan şəxsin, şahidin izahatını dinləyərək və işdə olan materialları tədqiq edərək hesab edir ki, Şəxs Azərbaycan Respublikası İXM-nin 535.1-ci maddələrində nəzərdə tutulmuş inzibati xətanı törətməsi tam təsdiq edilir, o, həmin maddə ilə təqsirli bilinib barəsində inzibati tənbeh tətbiq edilməlidir. Məhkəmə inzibati xətaya görə tənbeh tətbiq edərkən xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məsuliyyəti yüngülləşdirən və ağırlaşdıran hallar aşkar olunmadı. Azərbaycan Respublikası İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Beləliklə, məhkəmə Şəxs törətdiyi inzibati xətanın xarakterini, məsuliyyətini yüngülləşdirən və ağırlaşdıran halın olmamasını, inzibati xəta törədən şəxsin şəxsiyyətini və təqsirinin dərəcəsini nəzərə alır və hesab edir ki, Sumqayıt Şəhər Polis İdarəsinin 4-cü Polis Bölməsindən daxil olmuş xx.xx.2022-ci il tarixli, MN ******* saylı inzibati xəta haqqında protokola əsasən Şəxs xx.xx.2022-ci il tarixdə, saat 22:40 radələrində Sumqayıt şəhəri, Nəsimi parkında YPX əməkdaşlarının qanuni tələbinə əməl etməyərək avtomobilin arxa şüşəsində olan qarmojka pərdələri sökməmişdir.Onun barəsində Azərbaycan Respublikasının İnzibati Xətalar Məcəlləsinin 535.1-ci maddəsinin sanksiyası həddində inzibati cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinsin və 200 (iki yüz) manat məbləğində cərimə olunsun. Qərarın surəti təqdim edildiyi və ya alındığı gündən 10 (on) gün müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə şikayət və ya protest verilə bilər. HAKİM RÖVŞƏN XƏLİLOV