Sumqayıt Şəhər Məhkəməsi Qərardad — İş №3(060)-2226/2022

Azərbaycan Respublikası adından QƏRARDAD Sumqayıt şəhəri İş № 3(060)-2226/2022 29.08.2022 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi ilə, X1 Azərbaycan Respublikası İnzibati Xətalar Məcəlləsinin 327.4-cü maddəsi ilə tənbeh edilməsinə dair xx.xx.2022-ci il tarixli, İXP ******* saylı elektron protokoldan X1 verdiyi şikayətin baxılmağa hazırlanması məsələsinə baxaraq M Ü Ə Y Y Ə N E T D İ: Sumqayıt Şəhər Məhkəməsinə X1 Azərbaycan Respublikası İnzibati Xətalar Məcəlləsinin 327.4-cü maddəsi ilə tənbeh edilməsinə dair xx.xx.2022-ci il tarixli, İXP ******* saylı elektron protokoldan verdiyi şikayət daxil olmuşdur. Məhkəmə verilən şikayətə baxmağa hazırlıqla bağlı müəyyən etmişdir ki, şikayət protokoldan verilmiş, şikayətə yalnız “Asan ödəniş” sistemindən çıxarış əlavə edilmiş, həmin şikayətə qərarın surəti əlavə olunmamışdır. X1 barəsində Azərbaycan Respublikası İnzibati Xətalar Məcəlləsinin 327.4-cü maddəsi ilə tərtib edilmiş xx.xx.2022-ci il tarixli, İXP ******* saylı elektron protokolla bağlı hansı qərar qəbul edilməsi, qərarın hansı orqan və səlahiyyətli şəxs tərəfindən qəbul edilməsi, inzibati xətanın harada, hansı inzibati ərazidə baş verməsi və digər zəruri məlumatlar təqdim edilməmişdir. Oxşar şikayətlə vətəndaş xx.xx.2022-ci il tarixdə məhkəməyə müraciət etmiş, Sumqayıt Şəhər Məhkəməsinin 3(060)-2197/2022 saylı, xx.xx.2022-ci il tarixli qərardadı ilə şikayət geri qaytarılaraq vətəndaşa bununla bağlı məsələlər izah edilmiş, lakin vətəndaş nöqsanları aradan qaldırmadan yenidən inzibati xəta haqqında protkoldan şikayətlə məhkəməyə müraciət etmişdir. Azərbaycan Respublikası İnzibati Xətalar Məcəlləsinin 132.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən aşağıdakı məsələlər həll edilir: inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi (132.1.1), inzibati xəta haqqında iş üzrə icraatı rədd edən hallar mövcuddurmu (132.1.2), vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılma üçün lazım olan şəxslər çağırılır (132.1.3). Azərbaycan Respublikası İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Məhkəmə hesab edir ki, X1 şikayətini icraata götürərək baxmaq hazırda mümkün deyildir, məhkəmə protokoldan yox, qərardan verilmiş şikayətə baxır. Mübahisələndirilən qərarın təqdim edilməməsi onun qanuniliyinin yoxlanmasını mümkünsüz edir. X3 şikayətə qərarı əlavə etməmişdir, “Asan ödəniş” sistemindən çıxarış qərar deyildir, bunu qərar kimi qəbul etmək olmaz. Qərarın mövcud olub-olmamasının, hansı tarixdə, kim tərəfindən qəbul edilməsinin dəqiq məlum olmaması, qanuniliyinin yoxlanmasının qeyri mümkünlüyü həmin qərardan şikayəti icraata götürüb baxmağa yol vermir və bunlar şikayət üzrə icraatı rədd edən hallardır. Odur ki, X1 özünün barəsində olan inzibati xəta haqqında protokoldan verdiyi şikayət icraata qəbul edilə bilməz. X2 bir daha izah edilməlidir ki, məhkəmə inzibati xəta haqqında icraatda protokoldan yox, qərardan verilmiş şikayətə baxır, göstərilən nöqsanları aradan qaldıraraq, qərarın surətini əlavə etməklə, şikayətində inzibati xəta haqqında iş üzrə qərarı qeyd etməklə, inzibati xəta haqqında qərardan verilmiş şikayətlə inzibati xətanın baş verdiyi yer üzrə, ya da Qanunda göstərilən aidiyyat qaydalarına əməl etməklə məhkəməyə müraciət edə bilər. Şərh olunanları və Azərbaycan Respublikası İnzibati Xətalar Məcəlləsinin 118, 132ci maddələrini rəhbər tutaraq məhkəmə QƏRARAALDİ: X1 Azərbaycan Respublikası İnzibati Xətalar Məcəlləsinin 327.4-cü maddəsi ilə tənbeh edilməsinə dair xx.xx.2022-ci il tarixli, İXP ******* saylı elektron protokoldan verdiyi şikayəti icraata qəbul edilməsin, X2 geri qaytarılsın. X2 izah edilsin ki, göstərilən nöqsanları aradan qaldırmaqla, qərarın surətini əlavə etməklə, aidiyyat qaydalarına əməl etməklə yenidən məhkəməyə müraciət edə bilər. Qərardaddan şikayət verilə bilməz. Hakim Fikrət Əliyev