Sumqayıt Şəhər Məhkəməsi Qərardad — İş №3(060)-2233/2021

Azərbaycan Respublikası adından QƏRARDAD Sumqayıt şəhəri İş № 3(060)-2233/2021 01.07.2021 SUMQAYIT ŞƏHƏR MƏHKƏMƏSİ Hakim Məmmədov Elçin Qüdrət oğlunun sədrliyi, məhkəmə iclas katibi X1 katibliyilə, X5 tərəfindən verilmiş inzibati xəta haqqında protokol əsasında qəbul edilmiş 14 iyun 2021-ci il tarixli inzibati tənbeh vermə haqqında qərarın ləğv edilməsi və inzibati xəta üzrə ictaata xitam verilməsinə dair şikayət ərizəsinə hazırlıq iclasında baxaraq müəyyən etdi: X5 şikayət ərizəsi ilə Sumqayıt Şəhər Məhkəməsinə müraciət edərək, barəsində tərtib edilmiş Ekologiya YPX-nin inspektoru X6 tərəfindən İXP ******* nömrəli inzibati xəta haqqında protokol əsasında qəbul edilmiş 14 iyun 2021-ci il tarixli inzibati tənbeh vermə haqqında qərar qərarın ləğv edilməsini və iş üzrə icraata xitam verilməsini xahiş etmişdir. Şikayət ərizəsi və ona əlavə olunmuş sənədlər 30 iyun 2021-ci il tarixdə Sumqayıt Şəhər Məhkəməsinə daxil olmuşdur. Məhkəmə şikayət ərizəni və ona əlavə olunmuş sənədləri nəzərdən keçirərək hesab edir ki, şikayət ərizəsi və ona əlavə olunmuş sənədlər geri qaytarılmalıdır. Belə ki, X5 tərəfindən verilmiş şikayətə mübahisələndirilən qərar əlavə edilməmişdir. Məhkəmə hesab edir ki, mübahisələndirilən qərar şikayətə əlavə edilmədiyindən şikayət və ona əlavə edilmiş sənədlər geri qaytarılmalıdır. Qeyd edilənlər hazırkı ərizənin baxılmasını mümkünsüz edən hallar olduğundan məhkəməyə şikayət ərizəsi və ona əlavə olunmuş sənədlərin geri qaytarılması nəticəsinə gəlməyə əsas verir. Azərbaycan Respublikası İnzibati Xətalar Məcəlləsinin 132, 132.1.2-ci maddələrinin tələbinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub olmamasının məsələlərini həll edir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 100, 103, 128 və 129-cu maddəsinə əsasən, məhkəmə qərara aldı: Ekologiya YPX-nin inspektoru X6 tərəfindən İXP ******* nömrəli inzibati xəta haqqında protokol əsasında qəbul edilmiş 14 iyun 2021-ci il tarixli inzibati tənbeh vermə haqqında qərarının ləğv edilməsi və inzibati xəta üzrə ictaata xitam verilməsinə dair X2 şikayət ərizəsi ona əlavə olunmuş sənədlə birlikdə X3 geri qaytarılsın. Bu Qərardaddan şikayət verilməsi İnzibati Xətalar Məcəlləsində nəzərdə tutulmamışdır. Hakim: Elçin Məmmədov